晶荷軒 大嶼山
地址: 大嶼山香港迪士尼樂園酒店
粵菜, 廣東, 京川滬, 點心, 酒樓, 酒店餐廳大嶼山餐廳
最後更新:
晶荷軒推介
集川、京、滬、粵等中國四大菜系於一身，為賓客提供多款特色中菜。餐廳採用以五行元素為靈感的現代化設計，每件擺設均活用了金、木、水、火、土的概念，讓賓客在高貴典雅的環境中，享用特級中菜。餐廳更多處可見特色蓮花裝飾，更顯雍容華麗。
大嶼山晶荷軒
| 餐廳分店 | 晶荷軒 |
|---|---|
| 地區 | 大嶼山 |
| 電話訂位 | 35106000 |
| 餐單 Menu | 粵菜, 廣東, 京川滬, 點心, 酒樓, 酒店餐廳 |
| 人氣指數 | 1124 |
| 價錢幾錢 | $401-800 |
晶荷軒訂位位於大嶼山區，詳細地址是大嶼山香港迪士尼樂園酒店，餐廳寬敞座位數目共有192個。晶荷軒幾錢？價錢優惠後人均消費大約$401-800埋單，早餐午餐晚餐晶荷軒餐單包括有粵菜, 廣東, 京川滬, 點心, 酒樓, 酒店餐廳等美食，付款方式有Visa,Master,現金,AE,JCB付款，Booking網上訂位可以電話致電 35106000 查詢訂座。
晶荷軒優惠
晶荷軒 評價 相片
香港人係一種好奇怪嘅動物，非常鍾意去旅行；身邊總有唔少朋友 / 同事，尤其是年輕一輩，如果有一天星期五或者星期日的公眾假期，就不會放過機會，即使只是三日兩夜，也會走一轉台灣，甚至南韓或者日本。
作為已經有小朋友的小編，雖然未至於如此瘋狂，但原來一年半未有出埠實在十分納悶。
工作壓力大，有需要舒緩一下情緒，決定星期日入去迪士尼 Staycation。
人算不如天算，接着的星期一，竟然大清早8:30就開始黑色暴雨！困在酒店房內等待訊號結束、迪士尼樂園開門 ⋯⋯ 等等下已到午飯時間，先去醫肚。
迪士尼 Staycation 計劃附送$400飲食券，昨晚食了自助餐，今日就揀樂園內唯一一間中式酒樓「晶荷軒」飲茶。
餐廳以荷花設計為主題，門外一幅雙層玻璃牆，夾層內鑲嵌了多朵水晶荷花，加上鮮棗紅色的門面，既回應餐廳名字、也切合中菜酒家的風格。
配合酒店中菜館定位，室內設計典雅。
餐枱沒有鋪上枱布，只簡單用白色餐巾墊着餐具；加上同樣係棗紅色嘅絲絨餐椅，整體感覺更有「中式」傳統風味。
最吸睛莫過於懸吊在天花板的幾盞大吊燈，仿真度極高的一朵朵顏色水晶荷花，既有詩意、亦回應餐廳名字。
午餐食量不大，簡單挑幾款特色點心、一兩款，再加一客炒粉麵飯已經足夠。
喺迪士尼飲茶當然要揀迪士尼卡通人物特色點心，但全部一定要提前兩天預訂，餐牌上面並沒有列出。
前菜小碟係麻香豆角及雞髀菇。
蠔汁叉燒豬仔包（$88）係其中一款迪士尼特色點心，豬仔樣子可愛，不過就並非迪士尼卡通人物。
講真，除了樣子可愛之外，味道真的麻麻；包身唔夠鬆軟，餡料唔多、亦唔夠香。
始終覺得傳統叉燒包蒸熟後包面爆開，可以望到裏面的餡料，更吸引、亦更加好吃。
帶子鳳眼餃（$88）有蝦粒、帶子粒及蟹籽。
味鮮清甜。
鮮蟹鉗甫魚餃（$98）外型像一條魔鬼魚，但就選用了翠綠色的澄皮，賣相顯得更可愛。
餡料以蝦餃及蟹肉絲為主，又用蟹鉗扮成魔鬼魚的尾部，但就真係食唔到原隻蟹鉗。
相信迪士尼嘅酒店唔會欺騙客人，可能蟹鉗真係太細隻，又或者蟹鉗肉已經全部拆出？廚師炮製脆皮吊炸龍崗雞(半隻)（$228）前，已將雞皮下過多的雞膏去除，炸熟後雞皮更香脆，就好似脆片一樣。
不愧係星級酒店，已經去除了主雞骨及雞殼胸骨，食起上嚟啖啖肉；雞髀肉固然嫰滑鮮味，雞胸肉同様唔嚡口。
除了傳統炸子雞的必備調味淮鹽之外，第二款並非普遍的香蔥甜豉油，而是檸檬汁；先蘸一點檸檬汁、再加點淮鹽，原來很好味，將雞肉味道提升，道理就有點似日式炸雞必定配搭一小瓣檸檬一樣。
晶荷軒炒飯（$288）好大碟！八個人分享都綽綽有餘！食材豐富，有鮑魚粒、雞粒、魷魚粒、蟹肉、蕃茄粒及鹹蛋黃；亦真係好足料，啖啖飯都充滿食材。
飯粒分明，唔會太乾硬、又唔會太軟糯、亦唔油膩，係質素高嘅廣東中式炒飯。
略嫌鹹蛋黃份量偏少，未夠鹹香；亦食唔到蕃茄粒，可能已經全部炒成蓉，並融入飯粒內，飯粒味道有少少甜酸，有啲似西炒飯。
酒店級價錢中菜，但比起市區名牌五星級酒店中菜廳的奢華價位，總算比較便宜。
只試了三款點心，味道質素中上水平。
至於小菜及炒粉麵飯的定價，以渡假級別酒店來說，都唔算太貴，味道亦在應有水平之上。
服務態度就真的無話可說，非常抵讚。
如果來到迪士尼渡假，值得一試；專程來的話，就未必需要了。
相信大家如果諗起有迪士尼特色既菜式個陣，好多時都會即刻諗起以西餐為主既菜色 但其實香港迪士尼響製作有迪士尼元素既中式點心都好有一手架! 今日小編就帶大家黎到「夢幻國度」迪士尼樂園隔離，需要乘坐穿梭巴士先去到既晶荷軒!晶荷軒位於香港迪士尼樂園酒店大堂樓層，正門入口轉右，響紀念品商店對面就係餐廳既所在地。
話明係享用富有迪士尼元素既中菜，又點少得佢地拿手既中式點心呀! (不過千萬千萬千萬要記住，如果想享用迪士尼元素中式點心，就必須最少48小時前預訂。
大家可以於訂枱時叫員工預約電郵點心餐單俾你預訂，咁你就保證入座時可以享用到吧!)由於之前疫情比較期間用餐，員工們都嚴謹既遵守防疫規則，甚至每張枱既距離都分得比較開，以避免需要設置間板而影響餐廳觀感。
小編與老公就被安排於可以望到園景既位置，一邊享用點心一邊望住小朋友響米奇圖案花圃玩，都算係悠閒既體驗呢!今次用餐以迪士尼元素為目標之下，等小編都介紹下自己對唔同中式點心既評價先:1) 米奇煎薄餅($88)：有4件類似薄撐，但比平時酒樓食到較厚身既米奇頭形狀薄餅。
薄餅唔係單純既麵粉漿煎成，而係加入少少蔥同椒，令你食個陣味道變化會多點，而配合甜酸汁或XO醬食會更令煎個種香味更突出，建議試試。
2) 唐老鴨綠豆蓉包，黛絲鴨崧子紅豆蓉包 ($88)(店員有提及呢款點心係期間限定)：自從晶荷軒早幾年推出迪士尼朋友 (Character)點心後一直大受歡迎，而Donald & Daisy就係晶荷軒響2021年開始推出既新點心。
雖然大家可能覺得佢地個樣有少少怪，而眼睛因為豆豉眼既關係而令面部比例有點怪，但內餡綠豆及紅豆蓉都係以完全磨碎既蓉為主，食既感覺可以當係平時既紅豆包咁，但當然係滑好多既版本啦!3) 醫神海鮮雞肉包 ($88)：大家有睇醫神Baymax呢套戲既話，都會知道醫神肥肥而可靠既角色好令人鍾意；呢款海鮮雞肉包既造型就係調轉，將Baymax製成頭大身細既效果。
內餡其實小編唔係太食到海鮮味，反而可以直接以雞肉包去形容會比較好。
(當大家將醫神既點心﹑唐老鴨既點心再幾隻公仔比較個陣，你就會見到響點心既造型比例上要努力諗下點做得更似喇)4) 迪士尼Duffy & CookieAnn水晶餅 ($88)：凍食既點心。
造型上的確好吸引但事實上大家可以當成紅豆餅及綠豆餅去享用。
與之前Donald & Daisy點心唔同既係呢款水晶餅似芋泥既質地，比較黏身及多粉，所以都會幾令人頂肚呢!5) 迪士尼Duffy椰汁糕 ($78)：推薦點心! 小編響上面所食既點心一直都係又睇得﹑又食得，但今次點款Duffy椰子糕就係可以玩得喇!上枱時我地都覺得椰汁糕上既樣子實在太單調，無理由只係得1隻顏色既。
所以員工於上枱時會俾支畫筆你，方便你利用椰汁糕附近既朱古力醬，畫去Duffy既樣子去製作成獨特既糕點。
(呢個係小編既作品，希望大家睇完都覺得似Duffy啦!)綜觀而言，以每款點心差唔多要$7888黎講，晶荷軒迪士尼點心既價錢的確真係幾貴，但小編相信預早訂購既主要原因，係點心師傅需要特別製作迪士尼唔同角度既樣或造型，都真係要幾花時間去逐步製作，所以作為打卡既角度都係算值得既。
入住迪士尼樂園酒店🏨，選購了晶荷軒的可愛造型迪士尼角色午餐，套餐價錢(已包茶資/服務費)，可品嚐不同的食品，比起散叫抵，推介😁👇🏼柚子鮮元貝(刺身)沙律，新鮮帶子配上日式芝麻醬，鮮甜和濃香的結合，美味非常，還有柚子肉、爽脆芽菜、鮮甜蕃茄和青瓜片👇🏼米奇煎薄餅，逗人開心的米奇造型，味道不過不失👇🏼叉燒豬仔包、綠色小人菜肉包，造型實在太可愛，菜肉包味道稍勝叉燒包👇🏼彩棠蟹肉豆腐羹，顧名思義，有蟹肉、蟹肉鮮甜好吃，也有健康的豆腐和菜，而放在羹面是滑嘟嘟的蒸蛋塊，再配上少許蟹籽，點綴了這羹的色彩👇🏼迪士尼小炒，好吃的碩大蝦球爽口彈牙，青瓜和翠玉瓜米奇造型手超可愛👇🏼檸汁芝麻炸軟雞，外皮滿佈香濃芝麻，皮較厚身，但都是脆香的，雞肉嫩滑，整件蘸滿檸汁吃更佳👇🏼蠔皇鮑魚炒飯，其實應該叫蠔皇原隻鮑魚燴飯更貼切，鮑魚質感不夠淋，但蠔皇汁滿佈每粒飯，又不鹹，所以吃到舔舔脷，菜心夠淋到位👇🏼Duffy紅豆蓉包拼雙色凍糕，桂花糕清香，山渣麥芽糕酸甜開胃，Duffy造型頭栩栩如生，紅豆蓉包暖熱好味🖌整個套餐吃得很開心，皆因坐得舒服；又有造型cute的食品，食物質素也好，份量足；另外欣賞員工們的服務態度好，既有禮，又主動添茶和加熱水，讚👍🏼
Book staycation 的時候包埋400大洋的飲食券，所以就在這間酒樓試試看。
我們叫了三樣食物，買單連加一444 ，即是補返$44。
嚟得迪士尼，一定要叫有公仔的點心。
最特別的公仔應該是這個三眼仔菜肉包。
純粹打卡。
小籠包正常，同平時酒樓差唔多。
最後加個主食，兩個人其實都夠飽。
.食物質素：🌕🌕🌕🌘🌑打卡指數：🌕🌕🌕🌗🌑抵食指數：🌕🌕🌕🌑🌑再訪機率：🌕🌕🌕🌘🌑==============================因為金卡有折嚟食過幾次，喺眾多嘅迪士尼酒店餐廳入邊，晶荷軒算係比較抵食嘅一間！侍應非常熱情，好好服務🥰味道同出邊酒樓差唔多，唔會有伏，全部都幾好食😋口水雞 $168雞夠嫩滑+有雞味！但係略嫌唔夠香麻，係小朋友口味嘅口水雞。
麻婆豆腐 $178同樣係bb辣，啱晒小朋友！份量大大份但係好油，未必會再encore。
晶荷軒炒飯 $288雖然配料唔係見到，但係份量真係大大份。
味道無鹹蛋黃味但係好食👌🏻加埋佢哋嘅xo醬一齊食更加惹味！環境🪴掛係天花板嘅荷葉水晶燈好靚🥰因為樓底高加上座位安排合理所以空間感大，唔會話食食下飯聽到隔離檯八卦。
📍迪士尼酒店
晶荷軒餐單提供粵菜, 廣東, 京川滬, 點心, 酒樓, 酒店餐廳等推介美食位於大嶼山區，餐廳座位數192人均消費約$401-800，結賬可以用Visa,Master,現金,AE,JCB，Booking訂位可以電話致電 35106000 查詢。
您對於大嶼山餐廳「晶荷軒」有何 comment？
晶荷軒餐廳詳細資料：
- 晶荷軒地址: 大嶼山香港迪士尼樂園酒店 Crystal Lotus, Hong Kong Disneyland Hotel, Lantau Island
- 晶荷軒電話: 35106000
- 晶荷軒價錢: $401-800
- 分類: 粵菜, 廣東, 京川滬, 點心, 酒樓, 酒店餐廳
- 座位: 192
- 付款: Visa,Master,現金,AE,JCB
- FB專頁: 晶荷軒 Facebook
更多晶荷軒相關資料:
香港餐廳2026推介9月