平記茶樓 大嶼山

平記茶樓 評價 相片

梅窩都係無咩好食，所以係朋友介紹下，決定試下羅馬餐廳班底既班記。

叫左個叉燒雞米粉外賣，簡單既野但整得好食。

因為係外賣大約等左10分鐘到，米粉吸曬湯既精華，比左雞翼位我，不過不失，叉燒有點偏肥，不過靠個湯底已經好夠! 會推薦朋友黎食。

好似話下午茶既雞脾仲正。

搵日再試!

原本一個月前去梅窩, 但pigpig 病左,. 終於起上個星期日同到pigpig 去到梅窩, 一下船就周圍睇下有咩食. 原來憑直覺找野食..真係好唔可靠…入到黎呢個熟食市場. 見到個廚房… 已想走人.. 但事關好餓.. 又比個店員由說下. 最後還是中計了.有室內室外選擇. 好熱所以入左室內食.. 7,8隻烏蠅 圍住我地個位.. (因電話有問題. 張相冇左.) 幾經辛苦. 終於趕走晒>去其他張枱.其間都有食客到場. 見到咁既情況都選擇了走人所有點心一律13元正 好似幾扺下.. Pigpig 話好想食鳯爪. 結果好油,等好耐, 仲要個feel . 唔知整左幾耐, only 整返熱.PIGPIG的.. 沙嗲肥牛面HK$24.00 送可樂 第一次見到PIGPIG食到個樣.. 面容扭曲.. 明明湯底有色. 但面無味. D 肉. 仲有陣怪味./我的. 蒸雞飯 HK$20.00 送可樂  好肥, 唔知點解會有層膏定油起面. ~_~D 員工真係好好招呼. 但D 野食真係唔得..建議大家去離島玩前真係要睇下有咩好食先出發…

一班朋友係貝澳露營, 第二朝散 BAN 前係梅窩食 d 野再搭船過中環...不幸地左平記.人多關係, 叫左好多款點心, 大部份都係 $13 一款, 無分大中小點.基本上無一款點心係入到口既.蝦餃皮一夾就散, 粉粉的, 蝦仲好唔新鮮, 有洗腳水味... (朋友形容)燒買又係臭臭地既, 肉質好奇怪, 梅梅地既?!大飽小數入到口既點心, 因為成舊野都係飽, 個餡得果少少...鮮竹卷個人認為比較正常, 至少食唔出臭味...唔會再去~

星期五, 早上約十一時, 由東涌起行, 到達梅窩, 已經下午二時許, 到附近找食, 見到熟食檔門口寫著小菜套餐三十元, 就去試試.坐下, 店員說有點心及炒粉麵, 我和朋友最後決定點了二個小菜套餐.小菜套餐是跟一碟餸, 一碗飯, 一碗例湯及一壺茶.例湯 雪耳豬骨湯, 都算大碗, 有幾件湯渣, 感覺不是味精湯, 不過味道未夠濃. 涼瓜牛肉 不算細碟, 涼瓜炒得恰到, 不會過生或過腍, 牛肉是較為厚切, 但不韌, 味不太濃, 似屋企feel, 不過油了些少.豆腐班腩煲 熱騰騰, 很吸引, 班腩都有數件, 但豆腐就偏少, 只得一兩件, 但卻在煲底墊了些綠葉菜, 感覺有點喧賓奪主, 菜葉吸了不少煲底油, 感覺很肥膩, 不太健康.最奇怪店名是茶樓, 可能只是因為有點心供應的原故吧. 所以店員沒有問我們喝甚麼茶, 就給我們一壺茶, 壺裡有幾片茶葉, 但不太有茶味. 可能近海邊, 所以覺得枱椅有沙塵味, 不過環境大致可以接受, 在秋天的閒日坐在這裡, 是舒服涼快的.

平記茶樓餐單提供港式, 粥品, 點心, 大牌檔等推介美食位於大嶼山區，餐廳座位數未知人均消費約$50以下，結賬可以用現金，Booking訂位可以電話致電 29841182 查詢。

您對於大嶼山餐廳「平記茶樓」有何 comment？

平記茶樓餐廳詳細資料：

• 平記茶樓地址:
  大嶼山梅窩梅窩碼頭路梅窩熟食市場10-12號舖
  平記茶樓, Shop10-12, Mui Wo Cooked Food Market, Mui Wo Ferry Pier Road, Mui Wo, Lantau Island
• 平記茶樓電話: 29841182
• 平記茶樓價錢: $50以下
• 分類: 港式, 粥品, 點心, 大牌檔
• 座位: 未知
• 付款: 現金
• FB專頁: 平記茶樓 Facebook

更多平記茶樓相關資料:

• 平記茶樓分店
• Youtube
• Facebook
• Twitter
• Google