百味小廚 大埔

百味小廚 評價 相片

相不到來到大排檔都能嘗到如此好的即磨咖啡!附圖中即磨咖啡單售$10, 跟餐免費。

本人原本不好咖啡, 但經老闆(超nice)極力推介下嘗試,意外發現真的不比酒店的差!p.s.該店粉麵亦不俗, 本人食了沙嗲牛肉米粉。

今晚入大埔探阿媽同屋企人, 仲係第一次見我男朋友, 阿媽話D師奶高度推介熟食中心呢檔小菜, 所以試下。

坐低後, 夥計態度非常友善, 笑意盈盈, 亦無任何 hard sell, 媽咪叫左佢自己鍾意食D嘢, 因為佢驚我地叫埋佢唔食嘅牛羊, 佢叫左:肉碎味菜浸花蜆 (蜆非常新鮮, 個湯阿媽飲晒)沙爹粉絲蟹煲 (好入味, 蟹膏都好夠)咕嚕蝦球 (不太甜, 不太酸, 但蝦嘅肉地略為過熟)花鱔煲 (鱔好新鮮, 都爆得好香)乾炒牛河 (超正, 勁小油, 非常香口, 連叫兩碟)酥炸桶蠔 (勁新鮮, 超大隻兼肥美, 未食完男朋友已經識做叫多碟)除左自己叫左幾杯即磨咖啡同幾支大啤之外, 老闆仲送紅酒, 大家都飲到好盡興而回(值得一提係, 想唔到大排檔都可以飲到咁正宗嘅即磨咖啡)最可惜係試唔到阿媽最想食嘅煙燻走地雞, 因為買晒, 老闆話最好預頂, 下次一定要試。

一共五個人, 埋單$560﹐ 好抵食~

成日聽朋友講大埔o既熟食中心d 野好好食.今日終於有機會一試.唔知係咪母親節前夕, 七點去到, 已經滿晒....本來想去"三小姐"... 但太多人等位.最後見到呢間有位, 就即刻坐低.叫o左1. 芝士大蝦伊面 芝士味唔夠濃, 但蝦好新鮮, 好爽 2. 肉碎浸花甲 花甲都幾大隻, d 湯入面有虾米仔, 3. 招排骨 一般下次會試下伍仔記 / 三小姐順帶一提, parking 都幾抵, $5 per hour

幾日前一眾朋友相約大埔墟晚飯. 朋友們心大心細, 最後決定去大埔墟街巿上面既大排檔, 因為果頭都幾多選擇.泊好車, 撘電梯上到街巿二樓就就見到有鋪頭貼紅紙試業...幾經相議最後就揀左呢間 "百味小廚" 試下去新鋪點都要試下佢地啲招牌菜, 經果度老闆介紹下, 我地叫左煙燻走地雞, 肉碎浸花甲, 沙嗲粉絲蟹煲, 魚湯五寶菜及朋友挑選既水煮牛肉, 椒鹽鮮魷同黃金蝦.首先, 不得不讚一下碟煙燻走地雞, 本人因為怕肥膩, 己經好耐無食雞皮. 但呢隻雞除左新鮮之外, 啲皮仲一啲都唔肥, 老闆同我講話有秘方迫啲肥油出黎…. 哈哈, 唔食過都唔信…另外要讚既係蟹煲, 沙嗲好惹味.. 蟹啖啖都係肉, 最情彩既係啲粉絲吸晒蟹同沙嗲啲味, 唔洗十分鐘就清左煲, 想搵條粉絲睇下都無, kaka 接住落黎係花甲, 原來花甲即係蜆(我都係而家先知 )… 今次試呢碟肉碎浸花甲, 啲花甲鮮味同夠晒肥, 肉碎同啲湯仲可以撈飯食, 好味椒鹽鮮魷係排檔standard餸, 呢間野既椒鹽鮮魷皮夠脆, 裡面啲鮮魷好淋, 加埋有啲啲避風塘炒法, 值得一試!!最後食埋個魚湯五寶菜, 清清地, 仲有啲杞子係上面, 都幾夠特色.埋單六個人, 一人六十蚊, 晚飯黎講都算抵食… 等佢正式開張要去試多一次~ hehe.

百味小廚餐單提供粵菜, 廣東, 大牌檔等推介美食位於大埔區，餐廳座位數200人均消費約$50以下，結賬可以用現金。

您對於大埔餐廳「百味小廚」有何 comment？

百味小廚餐廳詳細資料：

• 百味小廚地址:
  大埔鄉事會街8號大埔墟街市及熟食中心2樓CFS17號舖
  百味小廚, Shop C F S17,2/ F, Tai Po Market Complex,8 Heung Sze Wui Street, Tai Po
• 百味小廚電話:  
• 百味小廚價錢: $50以下
• 分類: 粵菜, 廣東, 大牌檔
• 座位: 200
• 付款: 現金
• FB專頁: 百味小廚 Facebook

更多百味小廚相關資料:

• 百味小廚分店
• Youtube
• Facebook
• Twitter
• Google