生力飯店 大埔

生力飯店 評價 相片

是日去了朋友家竹戰，為了慳返時間再戰，所以揀間唔雖要等位的餐館，在外圍看到呢間都幾多人幫趁，又有位，所以拿拿林坐低叫餸食飯。

最緊要快五個人點了：椒鹽九肚魚：夠熱夠脆口鐵板馬拉盞炒通菜：好大碟，幾抵食，但一點馬拉盞味都冇，甚至係淡味。

例牌鹽焗雞：都唔錯，但未夠入味，相比大埔另一家出名的東江雞，差好遠。

有待改進。

石班兩味之西蘭花炒斑塊：原來係細細碟，不過不失。

石班兩味之蒜蓉蒸斑腩：呢碟就比較搵笨，似係魚骨多過腩。

埋單的確很抵食，五人都唔過$360。

但回家後勁口渴................

我們又在大埔搵晚飯吃, 因老公好想食梅菜扣肉(因他剛在北京一家最近人氣很旺的餐館吃了一牒所謂不能不點的梅菜扣肉, 但根本不是那回事, 所以回來想到生力這正宗客家菜!!)我們當然點了不能不點的鹽焗鶢, 還有梅菜扣肉 及鼓汁蒸大鱔 (伙計問我們 :你們唔食菜??)我本人就是不大喜歡吃菜的所以就不點囉. 但他們這麼一問, 感覺到濃濃的街坊互相關心的人情味.鹽焗鶢 :當然無問題啦, 依然嫩滑無比梅菜扣肉 : 不負所望, 肥瘦適中, 入味香稔,我不愛吃肥豬肉都嘗了兩塊!!老公一個人吃下差不多整牒鼓汁蒸大鱔:因即叫即蒸, 所以是最後上的菜.不過飽都要吃因實在太肥美了.還是會再來試另外菜式的!!!

弟弟生日晚上，一行八人到這兒開餐，貪其不用加一兼食物質素不俗。

是晚點了︰鹽焗雞一隻︰雞肉好老，不過鹹味適中。

上湯浸菜芯苗︰用了榨菜同熬，味道偏濃，菜芯並不是太幼嫩。

椒絲腐乳通菜︰還未是時候吃通菜，好韌有渣。

上湯手打鯇魚丸︰超正，魚丸勁彈牙，魚味夠濃，湯底呈奶白色，非常好飲。

八珍豆腐煲︰惹味，豆腐內裡嫩滑，配料十足。

大石斑兩味︰炒斑球肉質爽；蒸頭腩夠鮮味，只是份量少了一點。

飯後還奉送 2 碟橙，晚市水準雖不及午市，但勝在抵食。

12.5.2008 星期一兜黎兜去唔知食乜好,又行到鬼咁累,想搵間坐得舒服d o既餐廳食飯o者!! 本來話去椰林閣,貪佢(好似)坐得舒服d,但鬼咁多人,同埋我聽亞媽講話d野食好渣,都係唔食...晌尋覓當中又路經哩間飯店,d人坐到出商場度,幾有氣氛咁o番!!! 是鬼爛但啦,好累啦~就入去啦!由於下午茶個餐仲未消化的關係,只係叫左兩樣野食:1.西湖牛肉羹幾大煲呀!! 味道亦唔錯喎!! 幾足料!!2.XO醬炒豬頸肉好味~香口野梗好味~d肉唔會話太少~3.靚仔兩碗埋單$121~仲有橙送添!!如果我住哩頭我諗我都會經常黎~

一間重新再開的食肆,街坊式裝修,門牌是711號,與頁首的地址不同.曾在此飲過茶,覺得可以接受,特來此試試她的晚飯.三個人叫了三個餸,分別是:薑蔥焗羔蟹$48:羔蟹是奄仔蟹,有五隻,膏多肉實,薑蔥就更為惹味,超值之選;西芹花姿帶子$65:帶子有四至五隻,一開二切邊,花枝亦有七至八片,炒的火候亦夠,味道很好;火腩大膳煲$40:芡汁調較適中,很入味,師父功夫亦好,是大路貨中之上上選擇.整體來說料靚餡足.碟頭份量夠,後鑊有水準,完全是街坊晚飯的好去處;唯衛生條件要改善,因有兩三隻小昆蟲在飯店中飛來飛去.但洗手間很企理整潔.埋單總計$171,抵食！

生力飯店餐單提供港式, 茶餐廳, 冰室等推介美食位於大埔區，餐廳座位數未知人均消費約$50以下，結賬可以用現金。

您對於大埔餐廳「生力飯店」有何 comment？

生力飯店餐廳詳細資料：

• 生力飯店地址:
  大埔安慈路4號昌運中心地下86號
  生力飯店, Shop86 Fortune Plaza,, Tai Po
• 生力飯店電話:  
• 生力飯店價錢: $50以下
• 分類: 港式, 茶餐廳, 冰室
• 座位: 未知
• 付款: 現金
• FB專頁: 生力飯店 Facebook

更多生力飯店相關資料:

• 生力飯店分店
• Youtube
• Facebook
• Twitter
• Google