富熹園 大埔

富熹園 評價 相片

星期日一家去食午餐，叫左個牛肉鐵板，雞肉石頭飯同小小壽司，落完單之後就一直坐系到等，壽司同飲品黎到之後，兩個等左好幾未到，就打算問下d樓面，點知未開聲問就已經見到兩個樓面系正我格離因為送餐問題系到好大聲鬧交，搞到我都吾好意思再吹單，再等多陣石頭飯終於黎到，點知雞肉就比錯左豬肉，同樓面講佢就話換返比我，一收返個飯入去，第二個餐就黎，但系可惜又錯左，牛肉鐵板無鐵板，就咁用個黑碗裝比我，之後又發現係出錯，又要等…食個午餐淨系由落單到送岩食得，足足等左成40分鐘，好彩果日吾趕時間，如果吾系就真系玩死…食物係ok既，但系態度真系好差，真系未見過有餐廰既員工會因爲送餐問題而鬧交

前幾個月黎過兩次，星期日同朋友經過樓下見到宣傳海布入邊d野食好似吾同曬甘，好吸引，所以就上左去食，上到去先知原來食豪同吾食豪有兩個價錢我同朋友對豪都無乜興趣，所以就選擇左吾食豪個價錢，不過都貴過之前好多，行出去打算睇下收貴左之後改變左d乜野，點知…原來只係多左d火腿同埋幾種凍海鮮，其他都係果d野，d員工又掛住傾計，舉左好耐手都無人黎，熟食方面最食得下既就係炒蟹，其他既同之前無乜分別，有d似大排檔甜品方面，員工吾同左，甜品都吾同晒，前幾個月上去食過個oreo凍餅已經無左，真係有d失望，因為個凍餅真係幾好食，今次我就無食甜品，轉食左雪糕。

刺身壽司都係得朋友食，因為自己本身吾多鍾意食生野，唯一食得下既都係得燒烤區，款式都算多總括黎講同之前比真係吾抵，眼見都小左好多客人甘，因為上幾個月黎都好爆場，今次黎食左成兩個鐘都係得幾枱客，吾知係咪都係因為d人覺得吾抵，同埋d服務態度都差左d

佢開業咗咁耐，我就幫襯咗咁耐，經常推介俾朋友，有咩聚會都會提議嚟呢間，因為真心覺得平，靚，正。

今日又再同老公去食，食物質數仍然好好，食得好開心，但埋單時打咗個突，心諗係唔係計錯數呀？比平時多咗$80一個人？問個員工，原來加咗貴，以前$198一個人，而家$278！嘩！！加咗差不多40%，好誇張啫，問點解加咁多嘅，佢話因為多咗任食生蠔。

啱，有生蠔咁嘅價錢唔算貴，但係我同我老公都唔食生蠔嘅，咁我咪啫係俾多$160請人食生蠔？其實我個人覺得安排可以彈性啲，食生蠔嗰枱同唔食嗰枱可唔可以唔同價錢呢？咁樣會唔會係雙贏呢？加價絕對明白，但因為咁嘅理由而加咁多，有少少put me off, 睇怕以後都會好少去，同埋唔會再介紹人去，除非知道嗰個人好鍾意食生啦。

中秋入左大埔同朋友一齊食飯賞月捉精靈，佢地提議食韓燒，我先知原來大埔有間任食韓燒！肉類種類都有好多，最好味係牛仔骨 而且仲有好多熟食同壽司刺身！ 三文魚刺身見佢不停出 食多幾碟都回本 不過最驚喜係甜品，唸住呢啲任食韓燒既甜品多數都係椰汁糕個啲，點知一食完個綠茶布甸真係要再添食幾個，超濃綠茶味！食食下途中發現只要like佢地facebook 有得送蜜桃味燒酒飲！食飽飲醉去賞月

本星期已計劃行程和家人在大尾督踏單到大埔遊樂，順便逛街，和尋找美食大埔真的多美食，在大埔墟交完單車行經麥當奴，看到一大廣告牌韓燒自助，上到去裝修整潔光猛，我們入座後已即時去找食物，嘩好多種類，因為我們好肚餓，即食三文魚，非常新鮮好好味，加點熟食大滿足，熟食方面幾好有豬脾啦，青口，重有炸蝦，不用我們慢慢燒，生肉多蘿萬有，簡直物超所值，我們最喜歡牛仔骨，吃了好多，而且飲品任取非常自助，下次我們又多一個選擇

富熹園餐單提供韓國菜, 日本菜, 日式放題等推介美食位於大埔區，餐廳座位數未知人均消費約$101-200，結賬可以用現金。

您對於大埔餐廳「富熹園」有何 comment？

富熹園餐廳詳細資料：

• 富熹園地址:
  大埔寶鄉街88號88廣場1樓20號舖
  Full Hei Korean Japanese Restaurant, Shop20,1/ F,88 Square, N O.88 Po Heung Street, Tai Po
• 富熹園電話:  
• 富熹園價錢: $101-200
• 分類: 韓國菜, 日本菜, 日式放題
• 座位: 未知
• 付款: 現金
• FB專頁: 富熹園 Facebook

更多富熹園相關資料:

• 富熹園分店
• Youtube
• Facebook
• Twitter
• Google