好好粥麵 大埔

好好粥麵 評價 相片

早上, 早出門, 又決定係火車站附近, 食左先至走. 搵食地點, 當然, 也是就腳的新達廣場啦. 滿是連鎖食肆的新達, 早上開門的食肆其實不多, 是日, 就來試試這一間連鎖的粥品店.入黎粥舖, 本應食粥. 不過早上愛吃返一碗麵的我, 見到有麵, 當然以食麵為先. 係粥店不吃粥, 不吃腸粉, 吃公仔麵, 本來都感覺幾怪, 但看看其他人食的東西. 大部份都是食大樂式的扒餐或茶記式的公仔麵. 所以, 一點怪既感覺都沒有. 雞扒公仔麵, 早上, 總覺得食白肉健康過食紅肉. 可是, 雞肉連皮連皮下脂, 其實是幾多油的. 本身薄薄的一地塊扒已經可以足夠應付忙碌早上所需的能量. 但這一塊雞扒就特別的厚, 大大塊, 同快餐店比, 呢一片雞扒可以做到佢地三塊. 大塊連皮, 當真, 是幾多油下. 份量過盛.味道上, 也是用返湯粉沖湯, 湯底味道足夠, 麵條就飽滿了少少. 算得上是可以. 份量過盛, 其實啱哂體力勞動既人士....飽滿了自己, 又要繼續為兩餐而努力.

今日腸胃炎呀，亞佬入咗嚟陪我睇醫生後食早餐。

一進店內即有服務員招呼，點菜後我哋要求轉枱仍冇問題。

不過茶水要顧客要求才會送上。

坐位闊趟、環境舒適。

洗手間要出去商場出面。

我哋點了 皮蛋魚片粥 同埋 皮蛋廋肉粥。

粥底唔夠綿，而且好稀似冇米粥，但味道撘夠。

皮蛋魚片粥，材料唔足夠，皮蛋冇糖心。

皮蛋廋肉粥，材料和粥成正比，瘦肉醃得好入味，而且不韌不痴牙。

今晚要自己一人吃飯 胃納不大, 不想吃飯, 吃M記又太熱氣了. 六時許, 知道好好粥麵還有下午茶吃, 份量剛剛好, 就於此解決晚餐!看到糉子, 就快到端午節, 好想食唷! 點了一客吃, 還有凍豆漿喝.不過有點失望，糉的味道還可以, 但內裡真的沒有太多料, 應該說是不夠餡, 好像只是吃它的米, 有點單調. 下次試其他!

很久沒有到新達廣場食飯～今天下午茶時間經過，買了一個金牌雲吞面下午茶餐回家～想不到面和湯是分開放的，回家後面質仍很彈牙。

只是雲吞有點沾了糖水的味道，但整體仍是不錯

電梯一上新達廣場就有三間食肆, 太興日日都大排長龍, 越棧都客滿...肚餓唔想等? 梗係去好好啦~魚旦魚腐酸辣米線︰魚旦彈牙, 魚腐少少腥, 米線滑, 不過...食黎食去都食唔到酸辣喎...咸肉糉︰大大舊肥豬膏包響糉入面, 少少旦黃, 當然冇食肥膏啦~ 食咗成舊糯米+豉油~皮旦超咸瘦肉粥︰本來佢個名只係叫皮旦瘦肉粥, 不過D瘦肉真係超咸, 唔通廚房知我要下火? 好多皮旦, 我鍾意! 粥都好綿~炸雞翼︰剛剛炸起, 熱辣香脆, 乾身咗少少啦~熱豆漿︰好味, 唔鞋口, 飲完個口唔會酸~ 唔洗等位, 總有原因的...呵呵...

好好粥麵餐單提供港式, 粉麵, 米線, 粥品, 快餐店等推介美食位於大埔區，餐廳座位數100人均消費約$50以下，結賬可以用現金。

您對於大埔餐廳「好好粥麵」有何 comment？

好好粥麵餐廳詳細資料：

• 好好粥麵地址:
  大埔南運路9號新達廣場1樓010號
  HoHo Congee & Noodle, Shop10,1/ F, Uptown Plaza, No.9 Nam Wan Road, Tai Po
• 好好粥麵電話:  
• 好好粥麵價錢: $50以下
• 分類: 港式, 粉麵, 米線, 粥品, 快餐店
• 座位: 100
• 付款: 現金
• FB專頁: 好好粥麵 Facebook

更多好好粥麵相關資料:

• 好好粥麵分店
• Youtube
• Facebook
• Twitter
• Google