嘉年華海鮮酒家 大埔
地址: 大埔頌雅路6號富亨商場地下6號舖
最後更新:
嘉年華海鮮酒家推介
我就叫左生炒骨同埋梅菜扣肉(無加飯或者其他野ofc)，平均每碟$75，但點知返到去打開，感覺好似比人食過定點，一碟都唔夠一個人食(大約一個人分量)。食物既味道就ok既，梅菜扣肉味道重口味左小小之外(可能個人問題)。食完之後，都要食返個杯面填飽肚。Overall來看，我先唔講職員態度，但從食物既分量，到味道來看，我會比3/10左右，因為真心好貴～(利申：疫情下明白食肆辛苦，所以諒解點解咁小食物，但真係小左啲)
大埔嘉年華海鮮酒家
| 餐廳分店 | 嘉年華海鮮酒家 |
|---|---|
| 地區 | 大埔 |
| 電話訂位 | 26667876 |
| 餐單 Menu | 粵菜, 廣東, 點心, 無肉餐單, 海鮮酒家 |
| 人氣指數 | 1015 |
| 價錢幾錢 | $101-200 |
嘉年華海鮮酒家訂位位於大埔區，詳細地址是大埔頌雅路6號富亨商場地下6號舖，餐廳寬敞座位數目共有未知幾多個。嘉年華海鮮酒家幾錢？價錢優惠後人均消費大約$101-200埋單，早餐午餐晚餐嘉年華海鮮酒家餐單包括有粵菜, 廣東, 點心, 無肉餐單, 海鮮酒家等美食，付款方式有Visa,Master,現金,銀聯付款，Booking網上訂位可以電話致電 26667876 查詢訂座。
嘉年華海鮮酒家優惠
嘉年華海鮮酒家 評價 相片
我就叫左生炒骨同埋梅菜扣肉(無加飯或者其他野ofc)，平均每碟$75，但點知返到去打開，感覺好似比人食過定點，一碟都唔夠一個人食(大約一個人分量)。
食物既味道就ok既，梅菜扣肉味道重口味左小小之外(可能個人問題)。
食完之後，都要食返個杯面填飽肚。
Overall來看，我先唔講職員態度，但從食物既分量，到味道來看，我會比3/10左右，因為真心好貴～(利申：疫情下明白食肆辛苦，所以諒解點解咁小食物，但真係小左啲)
我哋太貪心，因為太抵食😛2個人叫8個點心，平日12點前比較優惠👍🏻唔記得影孖寶點心紙，A孖寶揀2樣=$24B孖寶揀2樣=$26早茶優惠計12點前入單，比其他酒樓計埋單較好🤩🤩🤩🤩呢份蘿蔔糕夠大件，食到蘿蔔肉粒，食完唔口渴因為本人對味精超敏感，值得推薦👏🏻👏🏻👏🏻春卷炸得香脆可口😋炒米粉較為遜色😞潮州粉果$14（小點）牛肉腸粉都唔細份燒賣豬肉肥瘦均勻$13，抵👍🏻山竹牛肉球，不過不失六福點心拼盤$29⋯⋯真係好抵食+好食😋
要數香港屋邨酒樓，一星期嚟足7日，好似聯誼會咁飲茶傾偈，唔使約嘅，街坊都系到時到候就會落嚟，每次一嚟到這個大埔富亨邨商場，自然對這屋邨酒樓有種歸屬感，每天都有三五個長者在門前排隊等開門，系奇景嚟，其實食咩都唔緊要，最主要有個地方坐下，留約二個鐘，傾到更上下咪走，要講就是這間叫（嘉年華酒樓），一種昔日屋邨情懷，回憶無價，現今少有鄰里街坊情，酒樓以熟客為主（1）燒腩仔要數香港地道美食一定有燒味，美食處處的大埔區原來都有不少高質又平價的燒味店，最初以為平價就無質素，這想法是錯誤的，其中一道推介是燒腩仔，取五花腩部位，皮香脆卜卜，咬落去好似食薯片咁脆，肉質鬆軟，肥肉不會太肥膩，肥瘦肉比例均勻，肉味唔太鹹，炭火香氣突出最正，價錢合理，食多碟都唔會肉痛以前吃燒肉，不是阿媽拜神買來的，便是斬料，怎料到今時今日吃燒肉會成為潮流，說的是燒腩仔，流行程度由酒樓點心紙，高檔粵菜館到五星級酒店都找到它的蹤影，有些還以它做招牌菜，鐘意它的原因很簡單，肉夠香滑，脂肪香口又不太膩，而且切成一粒粒，一口一件，吃時還可選蘸芥辣，更加野味，現很多食肆都有燒腩仔供應，個個標榜皮脆肉嫰，事實很多都不合格，不是食落有豬肉羶味就是皮不夠脆，有水準真不多，鐘意食燒腩仔的我當然不放過（2）狗仔粉記起童年回憶，細個跟屋企人去飲茶食的銀針粉，但今趟試的是狗仔粉，外型都是圓碌碌，像狗的尾巴，估計稱為叫狗仔粉，湯底有蝦米仔，冬菇，蔥花，豬油渣，菜脯，雖然材料簡單，價格相宜，但當加有最鐘意食的菜脯，食起來別有風味，雖不會太鹹，但蔥花味道較重，很香噴噴好開心見到這裡有充滿香港情懷的美味狗仔粉，所以亦不防試下呢間酒樓手勢，真系好懷念嘉年華海鮮酒家大埔頌雅路6號富亨商場地下6號舖
今日去到富亨飲中午茶，今次坐近有中國風+日本風嘅紅色裝修 位置枱。
一碟椒鹽魷魚鬚，一鍋芫茜皮蛋魚腐米線。
飲飲茶慢慢吃， 差不多半小時之後，2:00 到下午茶時間，有一位女夥記好熱心提我哋，如果唔太肚餓可以等多陣下午茶，點心抵食好多。
我哋當然睇下午茶有咩抵食？？樣樣都好吸引，結果我哋叫咗個碗懷舊狗仔粉$13 ，家鄉蒸豆腐$13， 陳皮紅豆沙$10薑汁蕃薯糖水$10， 芒果布甸。
估唔到米線炸班腩都大概有五至六件又香脆，又唔腥，湯底都好鮮味加埋啲芹菜， 簡直可以俾我哋全部食曬。
碟鮮魷好爽口 ，炸得好香脆。
下午茶狗仔粉都唔失禮，銀針粉配冬菜蝦米好惹味。
蒸豆腐好滑。
芒果布甸係一條錦鯉魚形狀，有少少芒果肉配淡奶好香滑。
碗薑汁蕃薯糖水夠曬薑， 好好飲，番薯有煲得夠淋。
紅豆沙就差咗少少，未煲得夠起沙，但甜度適中。
爸媽係都要黎依間酒樓，不停話抵食，點心難食，而且環境迫夾殘舊，衛生一般，位置隔躡行到我傻，平又如何啫。
燒腩仔，除了皮脆外，咸到癲，油到傻！叉燒切雞，不是白切雞嗎？勁咸雞肉，全部雞胸皮薄肉鞋。
咸咸肥叉燒，肥都乾鞋硬，劣質。
鮑汁雞腳，水汪汪只有豉油味，浸雞腳唔係炆雞腳，白雲鳳爪般爽口。
稻香炆得更色香味，更膠黏好食。
滷水鵝掌翼，翼瘦猛猛細細，肉質韌韌而幼嫩不足。
掌非常爽脆，清淡滷水味道。
咸水角，平庸普通，先油後脆再嚥嚥韌韌，微量肉碎添點味道。
炸雲吞，室溫不是新鮮即炸，還算脆卜卜，沾上咕嚕汁酸酸甜甜，不過不失。
炸魷魚鬚，點解有殻既？原來係層厚厚硬硬炸粉，我當然剝左殻先食啦！魷魚鬚爽彈彈牙，咸鮮可口，不計脆漿係好食的。
雞絲春卷，食得到雞絲，蒜味強，脆卜卜滾埋酸咪咪喼汁，還可以。
蒜香長春卷，餡料份量少到彷彿沒有，咬緊春卷皮。
唔似蝦肉，腍劈劈似肥豬肉，食極都唔覺有蒜味。
百花釀魚肚，雖然有點酒味，食得到蝦膠極不新鮮，師傅想蓋過腥味異味實在太天真喇！錦繡雞紮，終於發現有味食得過，皇殷浩盪呀！魚肚爽滑爆汁，火腿咸香彈彈，冬菇厚厚水潤滑嘟嘟，雞柳嫩嫩結實醃味甜味，讓嚥韌腐皮捲著享用，幸福滿意。
北菇棉花雞，魚肚質素跟雞紮不相伯仲，綿綿滴汁魚肚，厚厚不腥不鞋。
硬掘掘乾爭爭雞柳，整件塞進趙到我牙骹軟。
半塊冬菇清香，厚厚滑嘟嘟。
魚肚鴨腳紮，雞紮的變種嗎？魚肚、芋頭條，冬菇碎、火腿，感覺怪怪的。
鴨腳沒什麼汁能釋放，所以魚肚乾乾的。
鴨腳一向瘦瘦無肉食，食其爽脆滷水腳皮。
琴晚宵夜重份量，排骨飯加個牛腩河再加雞紮，依家晏晝三點都未肚餓，是但食少少啦。
豉汁蒸鳳爪，熱熱的加分不少，芡汁沒有凝固一舊舊，醬汁特濃帶甜，蒜味豉味惹味，損著爽皮腳趾開心愉快。
豉汁蒸排骨，半肥瘦啖啖肉，香甜無肥膏。
鮮竹卷腐皮，乾硬味道一般。
鍋貼，居然係韮菜餡，點解唔寫明係韮菜呢？如果食唔到韮菜會浪費食物，我花掉三十年光陰才能夠克服得到，不再反胃打冷陣，而且越食越愛。
雖然餡少少皮厚厚，但落味真的討人喜歡，韮菜爽甜多汁，間中食到零星肉碎。
潮州粉果，油淋的果皮包著勁多蔥勁多花生，只一啖已受不了！全數歸老爸享用，媽妹都不吃的。
蟹子燒賣，激咸燒賣！連咸得下既阿媽都要浸完滾水洗洗去先食到。
勁多肥豬肉一咬就散，強差人意。
早前質素免強還可以，現在莫講跟銅鑼灣曉廚軒相比，就算稻香都較高質。
過橋米線，魚腐加腐皮加菇菌，淡茂茂。
順德魚湯米線，魚湯米線？淡淡的湯底，足料有魚有菇有肉有菜，跟米線齊齊掃入口，味道還可以。
乾炒豚肉河，我雙嘴脣好鬼潤啊，紙巾一抹全部油，有吸油紙就更好。
我已講要全走，走芽菜走蔥，最後原封不動。
賣相大方得體，顏色明亮啡色。
河粉炒得完整不散碎，滑溜而結實，值得一讚。
靚就靚但無味道淡茂茂，而且鑊氣欠奉。
豚肉彈彈，美甜有咬口。
星洲炒米，我食一定會叫全走，不過屋企想有洋蔥、蔥段、芽菜，無緊要我可以慢慢挑走交比他們處理。
難得一遇的高質、足料、乾爽、味濃，拍手好味道，蛋香肉香咖哩香要添食添食！
嘉年華海鮮酒家餐單提供粵菜, 廣東, 點心, 無肉餐單, 海鮮酒家等推介美食位於大埔區，餐廳座位數未知人均消費約$101-200，結賬可以用Visa,Master,現金,銀聯，Booking訂位可以電話致電 26667876 查詢。
您對於大埔餐廳「嘉年華海鮮酒家」有何 comment？
嘉年華海鮮酒家餐廳詳細資料：
- 嘉年華海鮮酒家地址: 大埔頌雅路6號富亨商場地下6號舖 Carnival Seafood Restaurant, Shop6, G/ F, Fu Heng Shopping Centre,6 Chung Nga Road, Tai Po
- 嘉年華海鮮酒家電話: 26667876
- 嘉年華海鮮酒家價錢: $101-200
- 分類: 粵菜, 廣東, 點心, 無肉餐單, 海鮮酒家
- 座位: 未知
- 付款: Visa,Master,現金,銀聯
- FB專頁: 嘉年華海鮮酒家 Facebook
更多嘉年華海鮮酒家相關資料:
香港餐廳2026推介10月