串皇 大埔

串皇 評價 相片

牛肉串燒，最安全穩陣，雖然有用鬆肉粉，但不太過份，翻熱既味道及質數都咁上下啦 ﹗牛肉腍滑，免強仲有少少應有既質感，味道還可以。

金菇肥牛卷，肥牛又乾又韌又鞋，金菇好生，算罷啦。

牛肉乸得不太過份，還留有微微牛肉味及質感，但滑得不自然。

豬肉串燒，乾硬鞋就唔洗講啦，唔新鮮既味道纏擾著我的味蕾。

前幾次翻熱雞髀都又咸又乾又硬，試多次，我死心了，完全接受唔到 ﹗魷魚鬚串燒，不喜歡串皇既魷魚鬚，腍劈劈又軟賴賴，不鮮不彈。

雖然知道串皇全部食物都係翻熱，並不是新鮮即燒，而且有部份肉類味道異常及超級乾硬，例如雞翼、雞髀、牛柳、牛肉，但我地為的是勁辣汁，就算食物味道較差都可以完全掩蓋，但質感瞞不到呢。

怕師傅聽唔到，已經要求左幾次要勁辣，但位師傅一於少理，照樣溝淡去囉，搞錯呀 ﹗有無聽食客 order 架？將唔辣沙嗲醬同辣沙嗲醬撈埋一齊，依加甜到死，又唔夠辣 ﹗是否因為原材料成本持續上升，而使到質量下降呢？現在跟以前比較的話，唔夠香又唔夠辣囉。

夜晚踩單車經過大埔，有點肚餓，見到巴士站附近有間叫「串皇」賣串燒既店，打算一試。

串燒的選擇好多，有20款左右，價錢大概十一二蚊左右，而且肉非常大件，非常抵食。

我叫左豬頸肉和牛肉，估不到是即叫即燒，當你選完串燒，就會幫你放上爐，等左幾分鐘就有得食，但夏天等到流汗。

豬頸肉會配上「串皇」特製的醬汁，非常香口，好好食。

牛肉的肉質幾淋，加上小辣的醬，味道不錯。

串皇還有其他值得一試的串燒，如司華力腸羊扒等，有機會到來不妨一試。

之前係元朗讀書, 都知道後街有間店,個時為左食一串牛舌燒,放學成日走去問...(因為唔係成日有)好好彩依家屋企附近開左間,而且又近巴士店對於以前大埔只得魚旦,牛丸,車仔麵做夜宵的放工人士來說串皇,係佢地另一個選擇我只係食過一次牛舌, 令我又好似返學個時咁,路過都會問"老細,牛利有無貨??" 可惜.......星期五,落毛毛雨,同朋友路過...Order左豬頸肉,雞軟骨,煙肉金菇之前已領教過,串皇辣的境界....所以必定再三叫唔辣企係店邊等老細燒的時間,見上雜誌的剪頁,都以啤KING做打格子用一睇就知道係你啦....洗咩遮啊.....見到原來爐邊仲有個位置黎燒雞皮....之前都無發現, 於是又買左黎試....等左5分鍾左右啦,因為叫佢除左金菇,其他都燒干身D點解?????燒干身D,加埋特制醬汁, 你先會知道,點解要食串燒的道理豬頸肉,次次食都無失準,蜜味充足,面干,內里肉汁封住,加上特別醬料~雞軟骨,今次燒得干身,所以硬D, 之前無咁干呢,就有油香D煙肉金菇, SIZE時大時細,加煙肉唔錯, 雖然加汁,但都有DD菇被燒濃左雞皮....我平時唔食雞皮的,但烘雞皮,點都要試試,加醬食,軟脆,唔加醬,像食雞味薯片,不過雞皮始終都係肥肥,所以少食少食

是日路過搵地方食晚飯 , 泊車在附近 , 一出黎就見到朋友之前介紹過既串燒 , 於是當飯前小食一試 ,見全剖食物都係燒定6/7成熟 , 你order邊樣佢就返燒邊樣 , 個人認為都係即叫即燒既好 , 火喉爭好遠 , 相信呢點就係大家認為唔夠熱既原因之一 , 點左道燒9菜 , 9菜用煙肉包著 , 似是為增加賣價而免強配搭 , 9菜燒到比較硬 , 有d黑 , 同煙肉味好唔夾 , 雞全翼冇咩肉 , 亦唔入味 , 牛肉味夠重亦好淋 , 但似有+鬆肉粉? 雞賢偏硬&干身 , 全剖食物靠曬個汁 , 朋友好鐘意個汁 , 話佢夠濃夠辣 , ( 認同 ) 但我都覺得芝麻味偏重左d , order 時冇講要唔要辣 , 但佢黎到既時候 , 食落都似中辣 , 唔食得辣既朋友 order 時要小心講清楚啦整體幾味都無咩好感 , 所以冇再追加 ...朋友就話下次經過會再食 , 希望到時有所改善啦

上星期買了串燒加餸這一年周街多了很多串燒檔大埔中心這間串皇原來總店是在元朗有機會也要試試總店的質素..........串燒價錢由$8$1x不等 款式夠多(可惜不一家樣樣有) 不過都算抵食串燒沒有什麼特別 不過醬汁可算有驚喜要辣的......竟然是辣到跳舞食得麻辣的朋友仔可以試試另外一提 燒串燒這個阿姐態度很有問題我只是reconfirm一下某一串是否我要的(擺出來是生肉 我也不肯定是什麼肉)她便噴+呻地講之前有客人點了又不要云云可幸我沒有直接得罪她 肯定會被噴得更慘烈這間已易手的串皇的確非常串

串皇餐單提供港式, 串燒, 小食店, 串燒店等推介美食位於大埔區，餐廳座位數未知人均消費約$50以下，結賬可以用現金。

您對於大埔餐廳「串皇」有何 comment？

串皇餐廳詳細資料：

• 串皇地址:
  大埔安慈路3號翠屏花園地下1號舖
  串皇, Shop1, Jade Plaza,3 On Chee Road, Tai Po
• 串皇電話:  
• 串皇價錢: $50以下
• 分類: 港式, 串燒, 小食店, 串燒店
• 座位: 未知
• 付款: 現金
• FB專頁: 串皇 Facebook

更多串皇相關資料:

• 串皇分店
• Youtube
• Facebook
• Twitter
• Google