Pizza-Box (舊墟直街) 大埔

Pizza-Box (舊墟直街) 評價 相片

外賣送貨比預計時間遲30分鐘送到黎既pizza壓扁左，邊有人將重野放上去🤬一半pizza料痴晒上去個盒 😕想點！OK意粉都還可以接受炸雞黎到，明白可能應該唔脆但係無味先O嘴！ 唔會再幫襯

今天是五月二十六日星期天的中午十二時，諗住食完野返公司做嘢，可惜由12點等到2點半都未見外賣蹤影！我家又唔係偏遠,求助無門！查詢兩次冇回覆後,在跟客戶服務投訴，負責人告訴我找不到外賣車手，但不如叫我再叫其他外賣或自己在家中煮麵食算啦！浪費我時間！以後叫外賣嘅客戶麻煩真係要考慮下自己有冇時間浪費同埋能否忍受餓到胃抽筋？！Pizza box我一世black list!祝福你車就手一路順風！。

今日好熱ah...勁唔想出街所以就叫pizza 外賣啦🤤🌈價錢唔洗講La，平平平平👏👏👏但都唔差wo👍🏻👍🏻👍🏻👍🏻我地叫左啖啖肉pizza大批（芝心)🍕🧀蜜糖墨魚丸🍯田螺焗薯蓉🥔炸雞件🍗🍗首先講下pizza先...好足料 熱辣辣 好多芝士👍🏻🧀田螺焗薯蓉...好多粒田螺仲要大大粒🤤🤤👏👏炸雞件，好脆，熱辣辣唔會凍哂既！🍗蜜糖墨魚丸🍯，蜜糖適中，唔會太甜都幾快就送到屋企，唔會要等好耐👏真係平靚正ah👏👏👏👏👏👏

今晚8点05分落柯打話6O至70分鐘到，結果9時30分打电話追，9時42分說5至l0分到，最後l0時才到，最後我沒要，因過得太久，我怕Pizza已不好吃，我要他們给我原因，為何會這樣，但得不到回覆，真的很不開心。

我最討厭食港式 pizza，尤其係 pizza nut。

但朋友們苦苦哀求又大力推介，好啦好啦，第一次食 pizza box。

最憎食厚批，menu 上面顥示有奇脆薄批、普通批、厚批及芝心批喎，梗係薄批啦。

各隊友食飽飽的話，就要遠征粉嶺鏢賽喇 ﹗辣肉腸牛肉奇脆批，香辣牛肉完全唔覺辣喎，辣牛肉走辣？味道同口感似咸牛肉芝士 pizza，無辣椒粉或辣椒仔供應，是但照食啦，都算滿意既，話晒都啖啖肉又多芝士麻。

我無辣不歡，味道唔錯，新鮮出爐剛焗起特別好食，啖啖牛肉辣肉腸好滿足，芝士味濃、餅底夠脆，唔會腍唔會濕，滿意。

千島海鮮奇脆批，pizza box 好食過 pizza hut 好多喎，話晒足料又偏向意大利 pizza。

只係食到蟹柳、洋蔥同青椒乍喎，無咩海鮮可言。

千島醬太小喇，乾爭爭又食唔到強烈甜酸味道，薄批夠香脆，唔會腍劈劈，唔錯。

小食香辣雞中翼同蜜糖雞中翼兩款味道滿意，焗得不太乾，依然嫩滑而且仍有不少肉汁，唔錯。

千島蘑菇雞柳奇脆批，醬真係太少喇，食唔到味道，再加上蘑菇雞柳都好淡，淡淡淡，麻麻地。

多寶奇脆批，雜錦批有青椒、洋蔥、蘑菇、紅腸、意大利腸，似乎都唔係好多乍喎。

整體大路無投訴，，安全穩陣，芝士香而餅底脆。

多款配料互補不足，撞得奇妙而美味，但我唔食青椒及洋蔥呢。

剛發現仲有個升級版再勁少少架 ﹗超級多寶，有青椒、洋蔥、蘑菇、紅腸、意大利腸、牛肉、火腿、蘑菇、菠蘿，我要試依個 ﹗蜜糖燒墨魚丸，燒得微燋香口既外皮，配上蜜糖依舊大受歡迎，好味道 ﹗真係幾好食架喎，烤到金黃微微燋香，真材實料又夠彈，無話味道死實或粉口。

墨魚味濃又超彈牙，熱辣辣燒得香口，食得過。

味道保持高水準，帶著燒烤香味個個都非常滿意，好味道。

烤德國腸一雙，麻麻地，有點腍而肉味唔多特出，熱狗腸比佢更好味。

燒烤醬雞中翼，不過不失，我厭個醬太甜又太厚，雞中翼內外都合格既。

辣味燒雞中翼，只屬微辣，對我黎講太甜，而且個醬非常厚又杰，完完全全包住隻雞中翼，雞中翼整隻淹沒其中。

食落成口醬，over 左。

雞中翼都算皮光肉滑既，但食兩隻已經好滯。

有朋友仔居然覺得好辣，唔係掛 ﹗焗白汁什菜，我地幾三個男既完全無掂過佢囉，只有小雲一個食晒去喇。

燒烤醬燒豬仔排骨，肉質夠結實，彈牙有咬口，最怕炆都又乾又散既豬肉骨。

豬肉好有彈性，充滿肉汁混上薄薄燒烤醬份外甜美，分得一件係絕對唔係喉囉。

非常高質，比 pizza hut 或 After 5 更好。

豬肉嫩滑富彈性，不乾不散，焗得香噴噴，豬味香濃配上微辣帶甜既醬汁，更加美味，連骨都要損得乾乾淨淨呢。

香焗雞上髀，個名咁奇怪既，唔係叫炸雞囉。

可以跟 KFC 一決高下，各有特色，同樣美味。

炸雞外皮勁脆，撕開時帶著雞油，令到口感唔太乾，而且食落更加香添 ﹗擘盡個血盤大口咬落去，肉汁頓時激射，熱辣辣濕潤又嫩口，正到企唔穩 ﹗外皮炸得非常甘香鬆化，最外層脆脆的蓋住下面滑溜嚥韌雞皮，非常香口 ﹗加上雞油散發出既雞香味，點忍得口呀 ﹗最緊要剛剛焗起，超級 juicy 嫩滑，狠狠地大大啖扯出雞髀肉，肉汁噴射，一地都係喇，好浪費啊 ﹗好好味呀 ﹗外脆內嫩，肉汁泛濫成災，鮮甜無比，滴到成枱都係喇 ﹗雞肉滑溜都不得了，好似蛋白咁滑呀 ﹗白雪雪雞肉充滿彈性，加上多種香料既味道，一咬想再咬，一隻接一隻地不停塞入口呢。

香焗雞上髀，即叫即炸，外脆內嫩，撕開脆口雞皮即見到白雪雪滑溜雞肉，熱辣辣出晒煙仲 Juicy 到暈，香料加香脆加嫩滑加多汁濕潤係舌頭上打滾，那有唔好食既可能。

炸雞最緊要新鮮出爐，咁就無得輸喇 ﹗近日 Jerry 成日想食 Pizzabox，大家就同您一齊食啦 ﹗平時我一個人要 KFC 都要食五六件雞上髀先夠喉架囉，依度夠唔夠分架？哈哈。

我一向對 pizza 麻麻地，有炸雞食就夠晒開心架喇。

蜜糖燒墨魚丸、辣味燒雞中翼、辣肉腸牛肉奇脆批、燒烤醬燒豬仔排骨、香焗雞上髀，除左個雞中翼太甜外，樣樣都好味，質數絕對在 pizza hut 之上。

Pizza-Box (舊墟直街)餐單提供意大利菜, 薄餅, 小食店等推介美食位於大埔區，餐廳座位數未知人均消費約$51-100，結賬可以用Visa,Master,AlipayHK,支付寶,現金,AE,OpenRice,Pay，Booking訂位可以電話致電 26600103 查詢。

您對於大埔餐廳「Pizza-Box (舊墟直街)」有何 comment？

Pizza-Box (舊墟直街)餐廳詳細資料：

• Pizza-Box (舊墟直街)地址:
  大埔舊墟直街美利大廈地下7號舖
  Pizza-Box (舊墟直街), Shop7, G/ F, Mei Lee Building, Kau Hui Chik Street, Tai Po
• Pizza-Box (舊墟直街)電話: 26600103
• Pizza-Box (舊墟直街)價錢: $51-100
• 分類: 意大利菜, 薄餅, 小食店
• 座位: 未知
• 付款: Visa,Master,AlipayHK,支付寶,現金,AE,OpenRice,Pay
• FB專頁: Pizza-Box (舊墟直街) Facebook

更多Pizza-Box (舊墟直街)相關資料:

• Pizza-Box (舊墟直街)分店
• Youtube
• Facebook
• Twitter
• Google