Noc Noc 大埔
多國菜, All, Day, Breakfast, 扒房, 酒吧大埔餐廳
最後更新:
Noc Noc推介
餐廳裝潢以紅磚配木傢具，感覺復古優雅。餐廳主打扒類，如美國安格斯肉眼排、香煎銀鱈魚、美國豬鞍等。設有早午餐，十分適合與家人、伴侶共渡悠閒的假日。
大埔Noc Noc
| 餐廳分店 | Noc Noc |
|---|---|
| 地區 | 大埔 |
| 電話訂位 | 26646128 |
| 餐單 Menu | 多國菜, All, Day, Breakfast, 扒房, 酒吧 |
| 人氣指數 | 1497 |
| 價錢幾錢 | $101-200 |
Noc Noc訂位位於大埔區，詳細地址是大埔舊墟直街28號榮麗苑地下B號舖，餐廳寬敞座位數目共有50個。Noc Noc幾錢？價錢優惠後人均消費大約$101-200埋單，早餐午餐晚餐Noc Noc餐單包括有多國菜, All, Day, Breakfast, 扒房, 酒吧等美食，付款方式有Visa,Master,AlipayHK,支付寶,現金,Apple,Pay付款，Booking網上訂位可以電話致電 26646128 查詢訂座。
Noc Noc優惠
Noc Noc 評價 相片
我同朋友都好耐之前食過呢間，印象唔錯，所以返兜一下。
1️⃣Mudslide（晚上8點前$58/$68）雲呢拿伏特加、百利甜酒百利甜酒！！！ 我至愛！！！ ☺️2️⃣Pina Colada（晚上8點前$78/$88）冧酒、菠蘿汁&椰奶傾左幾個鐘，傾到要飲多杯~🤣3️⃣德國咸豬手配薯條、酸菜&蜂蜜芥末醬（$198）好食！！！仲要$200有找，好抵食！強烈推薦～🤤4️⃣火箭菜巴馬火腿蕃茄水牛芝士薄餅（$148）芝士唔算好多，但火箭菜堆到成座山咁，就黎睇唔到巴馬火腿！！ 👍🏻😋5️⃣西班牙海鮮焗飯 ($158)今餐最差，每啖都食到青口殼…🤢侍應仲係咁話只係飯太硬…😤直到我俾佢地睇…佢先幫我地取消。
最後埋單佢俾左9折我地，對我啲牙有返少少安慰。
🥲整體其實唔錯，係個飯拉低左少少分～
依間餐廳由太和火車站行過去大約10分鐘嘅距離。
佢係一間bar restaurant，可以一邊食住野，一邊摸着杯底，傾吓計放鬆一下。
個環境都幾舒服，我哋坐角落位，唔會太差嘈，朋友們可以輕鬆舒服咁樣傾吓計。
而啲嘢食都唔錯！雞翼三重奏(水牛城，牛油，蜜糖芥辣）$98雞翼皮炸得好夠香脆，而雞肉都多夠juicy👍🏻。
我個人最鍾意食牛油味，夠香口。
Buffalo既味我略嫌太重口味，辣咗少少，我自己就麻麻哋。
火箭菜巴馬火腿蕃茄水牛芝士薄餅 $148⭐️pizza做得幾出色，佢係餅乾皮嘅薄餅底，夠晒乾身香脆，好正！上邊嘅topping亦都好足料。
Parma ham 亦唔會係好多筋，好食😋！德國鹹豬手配酸菜$198每次到bar restaurant ，老公實會叫德國豬手，今次都唔例外。
不過今次依間餐廳嘅豬手，就令我老公有啲失望🤦🏻♂️，因為佢嘅豬手皮焗唔夠香脆，上菜時亦都唔夠熱。
但係豬手嘅肉質就唔錯，唔會焗得太乾身。
有進步嘅空間😜雜錦德國腸拼盤配酸菜$168德國腸又做得唔錯喎，唔會焗得太乾身，香腸嘅味道亦都唔會太鹹👍🏻。
一路食住香腸，一路傾住計，飲住啤酒，簡直係絕配呀😚！不過佢嘅酸菜，我就覺得醃得唔夠，未夠酸，中和唔到香腸嘅油膩感！熱朱古力$48佢嘅熱朱古力嘅拉花好有驚喜！佢係一個咬咗一啖嘅蘋果🍎。
嚟嘅時候我哋都唔捨得飲，因為真係拉得好靚！不過，唔係每一杯都係呢一種拉花。
我哋叫咗兩杯朱古力，其中一杯先係🍎拉花，但已經好滿足開心🥳。
畢竟拉個蘋果需時，都明白唔能夠杯杯都拉到咁仔細嘅圖案。
祝各位🤚🏻🦵🏻好運啦！有另收加一服務費！
人生其中一件最幸福嘅事，莫過於係週末可以訓到自然醒，慢活享受美食、享受生活。
NOC NOC 其實係一間位於內街嘅酒吧餐廳，佢高質嘅食物質素同貼心嘅服務都令我會再回頭。
墨西哥雞肉芝士烤餅配薯條🍟有3件雞肉芝士烤餅，哩個一定要趁熱食d芝士仲會係拉絲狀態👍🏻墨西哥口味加咗蕃茄醬調味，仲有青黃椒絲平衡芝士嘅膩感，如果食得辣嘅朋友仲可以揀辣肉醬餡。
另外俾到驚喜嘅反而係配菜，唔單只有薯條仲有番薯條，小妹勁愛番薯條果種帶點自然嘅甜味👍🏻西班牙海鮮焗飯友人係西班牙海鮮飯嘅狂粉，見menu 上面有就二話不說即刻order。
一上台就知份量十足，而且係用小鐵盤上菜，食到最後都係溫溫地嘅，唔好睇佢表面好似無咩海鮮咁，其實佢已經混合係焗飯當中，魷魚、蜆肉、大蝦、青口全部有齊，美中不足係飯底可以再煮稔少少，但整體嚟講係👍🏻
大埔一天遊 走走下不知不覺走到呢度寛闊門口 好舒服😌同朋友點了幾個小食 悠悠閒閒咁過了一個下午輕鬆一下😘炸菇片配黑松露醬因我係好喜歡黑松露味 所以二話不就點了呢個脆脆既菇片配埋黑松露醬 完美演繹呢個用黎送酒一流 但因為要揸車今次無點到酒飲 下次黎會再點呀！意式辣肉腸薄餅熱辣辣送上 好香 滿滿既配料 芝士仲有好拉絲既效果呀！而我本身就好鐘意薄底pizza 所以呢個好岩我呀！炸薯條呢個有驚喜🤣🤣 呢度薯條混合左兩種既薯條 淺色係我地平時食到既 深色少少既就係用甜薯製作以成另外配上3種醬 分別 黑松露醬（我最愛）、芥末醬、酸甜醬可以一次過滿足晒唔同需要因為薯條上灑了少少華鹽 都好夠味道沾上醬就會令味道更加提升Iced Mocha 和Iced Cappuccino 都唔錯另附上糖水客人可按自己喜歡嘅甜度去調教岩自己既咖啡❤️
<<Thursday couple 尋食記👣😋>> 作為一個波迷，而家搵個好啲嘅地方食嘢加睇波都幾難，咁啱個日行過太和，想同男友搵嘢食，經過幾間酒吧，都有波睇，飲酒，幾chill ! ☺️🔥係幾想睇波嘅，不過醫肚要緊，前面幾間都似齋chill 嘅吧，但唔似有正餐，之後再行入啲，竟然比我地見到呢到！NOC NOC ! 好似幾正咁！有嘢食，順便睇下波！🤣🤣🔥正！呢到食物種都真係算幾多，唔係淨係得簡單嘅白汁或蕃茄汁意粉同飯，無論小食同主菜都有好多類別，紅醬都有分幾種！因為有時得個幾種口味揀，真係食到厭左，呢到多元化啲，😋唔錯！大家可以睇下呢到環境，真係唔錯，前後左右都有部電視for 你睇波，加上地放闊落，氣氛又幾好，暗暗地咁，有番啲情調，幾好！再加上佢有得比你成班朋友坐岀面傾吓偈，chill 下，感覺都唔錯咁！環境真係幾好！🤙🏼🤙🏼我地先叫左個摩天輪小食，男朋友話比我打卡喎😂😂🤣見個個都叫，係幾靚嘅，加上入面咩小食都都有啲，有炸魚手指，炸芝士條，炸春卷，炸雞，炸薯條，最重要嘅係佢竟然有炸蕃薯條！呢個真係好正，味道又好，覺得唔夠喉！其他嘅炸物都好脆，熱辣辣，好正！同埋加埋佢有三個sauce 比你，有唔同口味！我個人好中意mayos 個隻，有啲甜甜地！之後到主食，想食啲香香辣辣嘅嘢食，叫左卡真香辣雜錦扁意大利粉，佢個香辣味好夠，🥳🔥🔥最緊要嘅係佢好足料，估唔到佢啲蝦都有幾多隻，而且好彈牙！🤙🏼👍🏼除此之外仲有啲雞肉，啲料舖滿曬！加上個汁幾特別，係蕃茄嘅酸味，再加啲香辣味，而且個汁啱啱好夠食晒個意粉。
佢用嘅係扁意大利粉，口感比較特別，而佢又唔會煮得太硬，幾推嫁！🥰🥰之後就係佢嘅黑松露雜菌蘆筍燴飯，佢唔係用一般嘅白汁👍🏼🤍佢有蘆筍放喺上面，令成個飯好有口感，好脆，加上啲雜菇炒得好入味，好多汁！🥳🥳同佢用咗意大利米比較短身，所有嘅米都煮得好多林，加上有黑松露嘅香氣，令成個飯提升左level ！🤩🤩🤩呢度真係幾推薦一班朋友落嚟睇波，chill 住食啲嘢！😂😂😎咁如果鍾意食嘢嘅大家，呢度嘅嘢食都真係做得唔錯！👍🏼🤙🏼🔥推介！⚽️⚽️又睇到波，又有好野食，環境又舒服嘅地方真係難搵😵 今日比我搵到，可謂難得😂😂🥳遲啲覆桌！
Noc Noc餐單提供多國菜, All, Day, Breakfast, 扒房, 酒吧等推介美食位於大埔區，餐廳座位數50人均消費約$101-200，結賬可以用Visa,Master,AlipayHK,支付寶,現金,Apple,Pay，Booking訂位可以電話致電 26646128 查詢。
您對於大埔餐廳「Noc Noc」有何 comment？
Noc Noc餐廳詳細資料：
- Noc Noc地址: 大埔舊墟直街28號榮麗苑地下B號舖 Noc Noc, Shop B, G/ F, Winnye Tower,28 Kau Hui Chik Street, Tai Po
- Noc Noc電話: 26646128
- Noc Noc價錢: $101-200
- 分類: 多國菜, All, Day, Breakfast, 扒房, 酒吧
- 座位: 50
- 付款: Visa,Master,AlipayHK,支付寶,現金,Apple,Pay
- FB專頁: Noc Noc Facebook
更多Noc Noc相關資料:
香港餐廳2026推介8月