順興茶檔 大坑

順興茶檔 評價 相片

大坑cafe林立, 一路比人食野會較貴的感覺,今日朋友帶我黎左一間茶檔,大熱天時肯食茶檔,究竟有咩咁吸引呢!?點左呢個 滑蛋蝦仁飯,由於驚份量太大,叫左小飯, 一上台,我就明白!賣相相當吸引! 滑蛋滿滿包住飯,半熟的蛋上面蛋液幼滑每粒蝦仁飽滿晶瑩!最最最重要係個甜鼓油!!係成個飯的精粹! 將所有野撈埋一齊食,連平時唔食蔥的我,都覺得蔥花特別香口,配搭得岩岩好!蛋超香濃,隨蛋液滑入喉中!蝦仁大大粒爽口彈牙,成件事好夾又滿足!

「順興茶檔」——————————————————位於大坑安庶庇街5號地舖係去到大坑必食嘅間茶餐廳🍴——————————————————今次叫咗外賣自取 ;滑蛋叉燒飯,滑蛋菠蘿油——————————————————滑蛋菠蘿油並唔係Menu上面, 但拎到返嚟 個滑蛋仍然好熱 咬落去係有豐富既口感, 比起就咁食菠蘿包更加好食😋! —————————————————滑蛋叉燒飯, 加埋個甜豉油都非常好食 但對比🆚滑蛋菠蘿油! 我覺得滑蛋菠蘿油比較好食😍—————————————————

✨招牌滑蛋叉燒飯叉燒鋪晒喺面 份量唔少 薄身 微甜滑蛋夠滑 飯粒分明 軟硬適中配上 香蔥甜豉油 鹹甜適中總結：食物味道唔錯 飲品用外賣紙杯裝環境就係茶檔格局 街邊幾張枱呢到有好多雀仔等開餐 有可能會直接飛上枱面我食完碟飯一停手 就有隻雀仔飛咗上嚟我俾佢地嚇親要d店員姐姐幫我趕雀仔服務唔錯 店員都好有禮貌 價錢合理

有去過大坑炳記既朋友，都一定見識過對家另一條一樣排緊鐵皮屋既龍。

順興係大坑有兩個鋪位，分兩條龍排，有分可以室內店同係後巷鐵皮蓋下面食。

相對上因為坐街多好多位所以好快。

同炳記一樣營業時間唔多，都係要特別去朝聖嘅時間先食到。

.滑蛋叉燒/豬扒飯 💲55⭐️3.5/5呢到既名物係滑蛋，所以滑蛋叉燒、豬扒或者蝦仁嘅三拼都唔少人叫。

但食落同我心目中都有幾大落差，原本以為佢嘅話但係好似出邊茶餐廳嗰啲牛奶半熟滑蛋加，但係我覺得呢個似屋企嘅炒蛋多啲，因為係屬於全熟嘅。

秘製豉油好味正常，但叉燒/豬扒個人覺得就好普通，唔屬於食得排隊食嘅菜式。

賣風味系列。

.滑蛋菠蘿油💲29⭐️4.5/5佢滑蛋菠蘿油唔係餐牌上面，要特別問侍應。

上網睇過好多人話好早就賣晒，好彩我哋去嘅時候淨返最後幾份，個侍應話啱啱仲有。

其實係菠蘿油黎先，係好肚餓嘅狀態食覺得好好味，雖然菠蘿唔係話新鮮出爐香脆貨色，但係加埋滑蛋同牛油呢個咁邪惡嘅配搭，已經好夠，好難輸。

個人覺得入面呢一份滑蛋香滑過過飯面嗰份。

呢個邪惡嘅菠蘿包我會心思思想再食多個。

.凍奶茶 跟餐用膠杯上，好甜可以試可以不試。

但俾我會去炳記外賣一杯🌝.🔸呢間我會歸為朝聖系列，純粹因為我一心諗住食嘅滑蛋有大落差。

今次來大坑唔食慢活𝘤𝘢𝘧𝘦，來到好有港式風味嘅「順興茶檔」🍹哩種茶檔係香港已經買少見少，綠色帳篷底下有坐地大風扇，大熱天時都感覺涼快😌 雖然旁邊嘅水喉有少少滴水💧 但整體都叫企理乾淨，上菜速度快，店員都有禮貌👍🏻 《 招牌滑蛋三寶飯 》 $664.5 / 5 😍😍😍😍😍一場嚟到緊係要試左招牌貨先！「三寶」分別係：蝦仁、叉燒同牛肉，咩餸都有，滿足到三心兩意嘅你🥴 滑蛋果然好滑溜，面頭仲係水汪汪，配料份量好足，尤其係蝦仁🍤又大隻又爽口😋👍🏻 叉燒就薄左少少😜 成個飯嘅精髓在於細心另外用兜裝起嘅豉油🤤 豉油入面加入左少量乾蔥，更鮮味🤩👍🏻《 滑蛋豬扒飯 》 $554.5 / 5 😋😋😋😋同樣份量好豐足😍 豬扒口感厚實，唔鞋口，醃得頗入味👍🏻 蛋同豬扒vs飯嘅份量根本一比一😂 撈埋豉油食更加開胃🤤 女仔建議嗌少飯唔好浪費！《 港式凍奶茶 》+ $34.5 / 5 😙😙😙😙係港式茶檔少不了要飲一杯港式奶茶🥤 叫左少甜更飲得出茶膽嘅香濃😋 茶味較奶味突出，不過仍然口感順滑👍🏻希望呢種特色茶檔可以一直長存，保留屬於香港嘅傳統味道🙏🏻

順興茶檔餐單提供港式, 大牌檔等推介美食位於大坑區，餐廳座位數未知人均消費約$50以下，結賬可以用現金，Booking訂位可以電話致電 25766577 查詢。

您對於大坑餐廳「順興茶檔」有何 comment？

順興茶檔餐廳詳細資料：

• 順興茶檔地址:
  大坑安庶庇街24號地下
  順興茶檔,  
• 順興茶檔電話: 25766577
• 順興茶檔價錢: $50以下
• 分類: 港式, 大牌檔
• 座位: 未知
• 付款: 現金
• FB專頁: 順興茶檔 Facebook

更多順興茶檔相關資料:

• 順興茶檔分店
• Youtube
• Facebook
• Twitter
• Google