龍亨美而廉快餐店 大圍

龍亨美而廉快餐店 評價 相片

真係做到美而廉，朋友話帶我去食中學的時代食既超美味美食，雞脾燴意粉，佢話果時只係$20，今日要就要$46,，分量真係好大，本身想試其他野，但一見呢個分量，真係兩個女仔都食唔晒，雞脾食落雞皮脆卜卜，內裡超多肉汁，醬汁係好懷舊既西汁味，意粉剛剛好！朋友話全香港都找不到這味道，當然還有她中學的回憶，順帶一提我地兩個人食一碟都冇俾人白眼，又一用心老牌小店！

店家歷史悠久平時路過都好多人！所以少有幫襯，尤其夏天，店外位置真係幾熱下！今日行過見店內剛有位，就決定食個套餐開心下！店內保持多年的裝修，真係好時光倒流！全部手寫餐牌，幾乎講得出嘅餐店名菜都有！當然少不了套餐、午餐、茶餐同常餐。

炒粉、麵就真係夠鑊氣，坐喺度都可以感覺到一鼓氣！第一時間走去收銀姐姐度落單，呢度無電腦單，無LED走馬燈提你，全部手寫兼你未必睇得明嘅單，只要俾完錢將收銀姐姐俾你嘅密碼交去櫃枱就得，入面負責煮嘅哥哥就會即叫即整過你！記住呢度有別一般連鎖店，呢度係即叫即煮，所以會耐少少。

今次就叫咗個套餐，聽見到覺得好緊要！無錯，套餐真係咩都有：煎雙旦、雙腸、雙煙肉再加茄汁豬扒意粉/ 飯，仲要有嘢飲，你話幾豐富。

嚟到快餐店當然要食意粉，別係茄汁意粉，因為佢哋嘅茄汁意粉唔係自烚完啲意粉就俾啲茄汁你就算，意粉係會用茄汁炒過，再加快餐店必備嘅自家茄汁，好食好多。

而煎旦更是外邊有少少香口，旦黃是剛好有旦汁，旦汁加埋落去意粉一齊食就……真係要親身一試先可以知有幾好食，腸仔同煙肉間直係煎到香口無比，此味只有快餐店俾到你。

當然，咁食一次對現今嘅人嚟講直頭係搵命搏，但偶然放肆一下都唔算過份！

※‧※‧※‧※‧※‧※‧※‧※‧※‧※<< 八月初 >>這裡地方細小座位不多，來這裡吃過數次，上次是數月前，吃的是下午茶D餐的豬扒包 ( 2.5分 )，麵包夠熱，夠鬆軟，豬扒一般，其他沒有感到什麼特別。

今次二人一起來到，也是吃下午茶餐。

我吃的是下午茶A餐，炸雞脾薯條 ; ( 2.5分 )A餐本是炸雞翼加上薯條，加五塊錢可改為炸雞脾，炸雞脾的皮也有些脆，肉質一般，有部分有點嚡，整體不及售價比它便宜的「新星」和「日月星」的美味。

友人吃的是下午茶G餐，肉絲炒麵 ; ( 3分 )麵是乾身脆口的那種，麵上面有豬肉和芽菜，友人分了一些給我吃，未被汁觸及而軟化的炒麵，入口脆脆，個人十分喜歡，雖然豬肉沒有味道，芽菜多但失去鮮嫩感，不過整碟炒麵的份量有正餐般多，所以也是抵食之選。

※‧※‧※‧※‧※‧※‧※‧※‧※‧※

好yummy 大家都去食下啦!!價錢低,味道好 超good!!外賣等候時間超快,好大盒 多汁多飯 多牛肉 多菜粒 好低食 ~ 一盒二個女仔食都飽加 唔會餓 餐具任力 無人會話你 好free加~即叫即製

自己一家的怪傳統，很少在住處附近一帶吃東西，所以如果有人問我附近有甚麼好吃東西，我可會口啞啞。

某天有事要去我家的屋村商場，完事後突然想找點東西醫肚。

見到這家庭式的快餐店，招牌有美而廉三個字，是否和旺角洗衣街那一間有關那就不得而知，隨便放下廿元，吃了一個下午茶餐，那刻天氣稍熱，也捨棄喜愛的奶茶，改點一個紅豆冰。

即叫即炸的雞全翼搭薯條，香口度是不容置疑的，上面灑了些許准鹽更添惹味。

不知知否火侯關係，還是作過晾油的功夫，吃入口絕不油膩，熱騰騰的薯條外脆內軟，雞翼也呈Juicy狀態，有這樣的水準，也不必專程去紅磡一躺。

紅豆冰只是一般，冰粒是大粒的來貨，始終找不著以前的碎冰水準，成色帶點濁，豆粒不多而花奶偏重，個人來說只屬一般，今次試其下午Tea，水準不過不失，有機會的話，下次倒要認真吃一頓。

龍亨美而廉快餐店餐單提供港式等推介美食位於大圍區，餐廳座位數未知人均消費約$50以下，結賬可以用現金。

您對於大圍餐廳「龍亨美而廉快餐店」有何 comment？

龍亨美而廉快餐店餐廳詳細資料：

• 龍亨美而廉快餐店地址:
  大圍隆亨商場1樓104號舖
  龍亨美而廉快餐店,  
• 龍亨美而廉快餐店電話:  
• 龍亨美而廉快餐店價錢: $50以下
• 分類: 港式
• 座位: 未知
• 付款: 現金
• FB專頁: 龍亨美而廉快餐店 Facebook

更多龍亨美而廉快餐店相關資料:

• 龍亨美而廉快餐店分店
• Youtube
• Facebook
• Twitter
• Google