新合發飯店 大圍

新合發飯店 評價 相片

每次想食小菜飲下啤酒就會諗起新合發,周圍既氣氛聲音..雖然嘈就嘈左D..但就係咁先會融入到..同朋友吹吹水飲下酒都真係好爽。

飲酒就一定要叫下D佐酒小菜..椒鹽系列我地一定會叫..之前食過白飯魚..所以今次就叫鮮魷。

但鮮魷不太彈牙…有點失望。

辣子雞 （加辣）落單問左店員可唔可以辣D,佢就建議我地加辣…點知真係有料到好香辣..雞件好嫩雖然炒到有點似避風塘..但加埋個香辣…好好送酒！馬拉盞炒通菜咸香味十足..點小得叫返一兩支大啤

講到大圍一班人收工食飯吹水勝地,非新合發莫屬！ 夠快靚正！每次去都必嗌手撕雞 雞肉厚而且不鞋 醬汁好開胃！XO醬炒鵝腸 鵝腸唔肥 入味又爽口yummy紅燒乳鴿 隻鴿不會大大隻 外皮炸得脆口 啖啖肉 送酒一流 水煮魚 魚片夠滑不會多骨啲粉絲芽菜索晒啲味真係好正 飯都唔使嗌 食呢個好滿足！蒜子豆苗 炸蒜炸過後再炒菜 好惹味 又夠鑊氣如果佢嗰晚有鱔魚賣 嗌返個豉汁蒸鱔或者美極煎鱔就正！呢次嗌左䜴蒸鱔 肉質肥美油潤，醬汁香濃 好想爬返兩碗飯啊

🍚新合發飯店🍚👧🏻👦🏻突然想食小炒/打冷🍜🍲於是去左位於大圍一間飯店😎😎🔸招牌bb鴿$❺⓿隻無論色澤賣相已經好吸引外皮脆肉嫩滑😋😋😋😋🔸蠔仔粥$❹⓿碗一碗都足夠2人食，蠔仔份量都算多粒粒肥美飽滿，食到蠔仔既鮮味再配上少許方魚肉😋😋鮮味十足🔸豉椒炒花甲$❽⓿正常大排檔味道，無咩特別花甲好大粒，今次我們食隻隻都無沙👍🏻👍🏻

已經有一段時間無見過啲好手足，今日約左佢地出黎吹水，成班麻甩佬吹水飲啤酒，緊係潮州打冷啦。

由於地下坐滿左人，侍者安排左我地去樓上坐，一坐低唔使講咁多，整3支大啤先。

飲啤酒最緊要重口味，我地叫左椒鹽鮮魷，凍烏頭，滷水拼盤，韭菜豬紅馬拉盞炒通菜同埋豉椒炒蜆。

烏頭有黃油，香到不得了椒鹽鮮魷啲皮唔會太厚，新鮮彈牙，上品也。

拼盤墊底嗰啲五花腩好入味好好食豬紅彈牙，韮菜鮮甜。

通菜有少少咸，不過飲酒唔緊要啦豉椒炒蜆就正常野。

同老死黎食一定會選打冷同大排檔，又唔怕嘈，又可以坐耐啲。

今晚約左朋友食晚飯吹水，預左都會坐得耐，咁耐無見，真係有排傾，朋友介紹大圍呢邊有間叫【新合發飯店】可以食下小炒，又可以吹下水坐耐少少，絕對唔錯。

我咃叫左碟「鹹香金衣白飯魚」，呢個真係真心好食，每一條白飯魚沾滿了金黃色的咸蛋黃，而且炸得又香又脆，白飯魚很新鮮，每一條都胖胖的，咬入口當然是肉肉感重吧，送酒一絕。

「XO醬爆花枝片四季豆」花枝片每一片都切得厚薄適中，可顯大廚的功刀是多麼到家，用大廚自家調製的XO醬爆香的花枝片和四季豆，不但香條氣四溢，入口異常惹味，完全突出了花枝片的鮮味，四季豆亦很顯爽脆，當然食材新鮮都很重要吧。

「西蘭花炒帶子」放到滿滿的帶子很新鮮足料，而且每一粒都很巨型厚肉，絕不偷工減料，很有誠意。

西蘭花亦炒得很香很脆，青脆碧綠。

呢一餐晚飯大家都吃得很盡興，而且吃得很飽滿，我哋決家下次會再黎食過。

新合發飯店餐單提供潮州菜, 大牌檔等推介美食位於大圍區，餐廳座位數120人均消費約$101-200，結賬可以用現金，Booking訂位可以電話致電 23383118 查詢。

您對於大圍餐廳「新合發飯店」有何 comment？

新合發飯店餐廳詳細資料：

• 新合發飯店地址:
  大圍積福街18-20號地舖
  新合發飯店, G/ F,18-21 Chik Fuk Street, Tai Wai
• 新合發飯店電話: 23383118
• 新合發飯店價錢: $101-200
• 分類: 潮州菜, 大牌檔
• 座位: 120
• 付款: 現金
• FB專頁: 新合發飯店 Facebook

更多新合發飯店相關資料:

• 新合發飯店分店
• Youtube
• Facebook
• Twitter
• Google