在家居酒屋 大圍
地址: 大圍下徑口村154號地舖
最後更新:
在家居酒屋推介
型格水泥風裝潢的日式居酒屋，串燒、丼飯等均有供應，丼飯滿滿的，而且色彩繽紛，相當吸引。
大圍在家居酒屋
| 餐廳分店 | 在家居酒屋 |
|---|---|
| 地區 | 大圍 |
| 電話訂位 | 26463668 |
| 餐單 Menu | 日本菜, 海鮮, 壽司, 刺身, 串燒, 居酒屋 |
| 人氣指數 | 854 |
| 價錢幾錢 | $101-200 |
在家居酒屋訂位位於大圍區，詳細地址是大圍下徑口村154號地舖，餐廳寬敞座位數目共有50個。在家居酒屋幾錢？價錢優惠後人均消費大約$101-200埋單，早餐午餐晚餐在家居酒屋餐單包括有日本菜, 海鮮, 壽司, 刺身, 串燒, 居酒屋等美食，付款方式有現金付款，Booking網上訂位可以電話致電 26463668 查詢訂座。
在家居酒屋優惠
在家居酒屋 評價 相片
吳師奶真係好少去入新界，今次入到大圍，人生路不熟，估唔到誤打誤撞搵到間正嘢！做完嘢經過呢間居酒屋，所以就諗住入去食埋個lunch先返公司！食物種類既選擇都好多，仲有我最愛嘅明太子呀！我又點會放過 ！最後我地叫兩個兩款丼飯、一款小食同埋刺身！丼飯係跟餐，所以會有埋沙律同湯，不過呢啲都唔係重點！先嚟嘅係「明太子豬軟骨丼」，我的最愛明太子醬餸飯真係一流，帶少少辣辣地，夠惹味！而豬軟骨煮得夠晒軟腍，仲唔會太大舊，啱晒咀型！配明太子醬原來都幾夾，好有驚喜！而同事叫果碗「旋風滑蛋鰻魚丼」超吸睛！個旋風蛋整得好靚，望埋去仲好嫩滑，就連吳師奶都想學下！而旋風蛋底下就藏咗肥美嘅鰻魚！搞到成碗飯都勁香鰻魚味！鰻魚同滑蛋再加埋一齊食，真係絕配！之後小食我哋就叫咗「炸墨魚咀」，炸粉唔算厚，仲炸到粒粒都係金黃色咁，靚到呢！食落外脆內軟，口感軟韌！而且份量仲好多，抵食又好食！因為跟餐有優惠價可以食埋刺身！我梗係唔蝕底啦！加$38就有兩片三文魚、二件帶子同埋一隻大甜蝦！呢個份量一個人食啱啱好！最估唔到係佢刺身都有水準，三文魚同帶子好新鮮，隻蝦爽口鮮甜！呢餐真係有少少意想不到，住新界嘅朋友未試過嘅話，快啲去試下！真心推薦！
從來未黎過徑口村呢邊，今次朋友帶路，話呢到開左間新餐廳，一於過黎試下過到黎完全見唔到招牌同鋪頭名稱😂都係靠佢門口位置放出餐牌先見到，門面都幾隱藏下😜隔離牆壁有幅畫又幾靚，啱晒打卡😎坐低睇完份MENU見選擇都唔少，好多野都想食下，今次叫左醬油溫泉蛋($15)、鹽燒牛舌心串($48)、明太子玉子燒($22)、旋風滑蛋鰻魚丼($98)、日式味噌牛腸鍋($88)。
後尾先發覺原來鋪頭裡面幅牆仲有寫上是日午餐MENU，更加抵食👍🏻先送上免費餐湯，味道幾香濃，飲完暖一暖身😃免費前菜：胡麻豆腐沙律，豆腐好滑，唔會一夾就散。
麻醬夠香，而且唔會加得太多醬，導致味道過鹹😄醬油溫泉蛋：最中意溫泉蛋呢種半生熟嘅質感，上面加左D木魚片同埋有醬油作調味，蛋味香濃幾滋味😋鹽燒牛舌心串：燒得夠香，而且唔會乾晒身咬落好硬，唧D檸檬汁落去提味，食落香口而且幾有咬口😋明太子玉子燒：表層燒得少許焦香，但內裡玉子依然軟滑，喺串玉子燒上面加上木魚片同明太子醬，食落有玉子嘅香甜味之外，木魚片同明太子醬令玉子燒味道更加豐富😍旋風滑蛋鰻魚丼：隻旋風滑蛋加左蔥花、芝麻、青檸點綴一下，賣相吸引，隻蛋睇同埋食落去都夠嫩滑😁不過味道鹹左DD，配合埋D飯黎食就啱啱好😄翻開面頭嘅滑蛋就會見到鰻魚藏左喺入面，冇乜碎骨，啖啖鰻魚肉😋日式味噌牛腸鍋：上菜時見到真係有驚喜，冇諗過會有咁大鍋🤩裡面除左主角牛腸之外，仲有娃娃菜、京蔥、金菇、冬菇、紅蘿蔔、粗粉絲等，非常足料，味噌湯底味道濃郁，所有食材都已經入晒味，勁正🤤冬天食完鍋物真係暖笠笠🥰作為居酒屋，日本酒當然唔少得😍呢到LUNCH免加一，埋單$271，味道唔錯份量都多，而且呢間小店真係有在家溫馨嘅感覺，難怪黎到都見幾多人幫襯👍🏻補MENU
今日揸車經過顯徑街下徑口村對開，有間新開既日式居酒屋幾多人幫襯，裝修又靚靚仔仔咁，泊低架車係街邊就入黎試下。
.餐廳裝潢以型格水泥風配木色，感覺好酷得黎好乾淨嘅感覺。
餐牌選擇種類多，串燒同丼飯類好似幾抵食。
午市Set lunch由$58$78不等..叫完野食之後每人會附送味增湯同胡麻豆腐沙律😋.▪️綜合天婦羅烏冬定食$78 （午市定食）咁岩呢個時間係lunch time , 我地叫左個炸天婦羅烏冬Set，天婦羅有南瓜、大蝦、茄子、冬菇。
炸粉夠薄身，咬落唔會成堆粉，新鮮熱辣炸出黎好好食，重點個烏冬一d都唔hea，正宗日本烏冬加上鰹魚汁，夠晒煙韌👍🏻跟餐仲可以加$28有刺身，哇！哇！哇！個刺身堅抵食，呢個價錢有2件三文魚、2件帶子、1件吞拿魚、1件油甘魚同埋牡丹蝦😍😍刺身好鮮甜，真心抵🤣.▪️旋風滑蛋鰻魚丼$98 旋風滑蛋，顧名思義應該就係蛋包飯不過整到似旋風咁😙 個名聽落夠吸引又特別，真實上碟又真係幾靚仔，滑蛋鋪上丼飯上面，蛋夠滑身得黎又蛋味好濃👍🏻 另外鰻魚係加左沙律醬一齊煎，所以個飯都充滿鰻魚既香味🤗.▪️串燒：蘆筍豚肉串$25/燒味噌牛腸串$38 串燒類我地order左燒味噌牛腸串，鍾意食牛既朋友一定會好鍾意😍口感似大腸得黎但牛味重好多，一咬落口仲爆晒汁，牛味超重😍另外蘆筍豚肉串既露筍夠粗身得黎無渣，包著既豚肉係日本豚肉，五層肉好juicy😋.本身餐廳係會免費提供熱茶，但見到呢度有「信州白提梳打$25」，就即刻叫左！！呢支果汁好香提子味，飲落唔會得死甜，之前係日本飲都要200幾yen, 呢度幾抵飲😋
🇭🇰Hong KongAverage expense pp: HKD$200300+📍Address: DAH lzakaya, Tai Wai同朋友黎到呢間大圍新開既居酒屋，裝修以水泥簡約風為主，店員態度有禮貌，整體感覺上幾親切舒服。
旁邊有好多泊車位，好適合同朋友遊完車河係到食飯傾計。
估唔到今次又發掘到另一間高質既小店，同行既朋友都話會再番黎食多次😂鴛鴦鳗魚丼（$108）如果中意食吉列鰻魚可以叫鴛鴦鳗魚丼，會有同時兩款：炭燒同埋吉列鰻魚可以試到。
鰻魚真係好厚身，配上醬汁真係好香，又唔會蓋過本來鰻魚既鮮味，因為我地都好欣賞佢地既炭燒鰻魚，所以叫多左個炭燒星鰻丼（$88）炸物： 金磚豆腐($48)、炸墨魚咀($68)我地對炸物都非常滿意，黃金豆腐內脆內軟，椒鹽岩岩好，唔會太重咸味。
墨魚咀既粉漿唔會過厚，每粒墨魚咀都頗足料，唔會似咬緊麵粉，真心幾出色
係大圍 見到係打冷店隔離有間好隱閉既日本餐廳 朋友想食日本野 見到價錢經濟 二話不說就入咗去坐叫咗兩個lunch set 加其他刺身小食綜合粒粒刺身井除左壽司 仲有蝦湯同埋沙律 蝦湯係新鮮即敖 好暖胃 刺身井分量十足 刺身同飯既份量都比出面一般多 賣相亦都好靚 似足出面百幾二百蚊個個級數叮井有三文魚，油甘魚，吞拿魚，腩蓉 呢個價錢出面真係好難食到咁好味既食材 又新鮮又肥美 大家都讚不絕口三點刺身三文魚刺身 帶子同埋蝦全部都係厚切 件件新鮮肥美 食落口勁滿足 超正炸忌廉蟹肉薯餅外脆肉軟 恰到好處 真係好味牛腸鍋除左牛腸 仲有好多蔬菜同埋粉絲 好好食 份量好多
在家居酒屋餐單提供日本菜, 海鮮, 壽司, 刺身, 串燒, 居酒屋等推介美食位於大圍區，餐廳座位數50人均消費約$101-200，結賬可以用現金，Booking訂位可以電話致電 26463668 查詢。
您對於大圍餐廳「在家居酒屋」有何 comment？
在家居酒屋餐廳詳細資料：
- 在家居酒屋地址: 大圍下徑口村154號地舖 Dining at Home IZAKAYA, G/ F,154 Ha Keng Hau Village, Tai Wai
- 在家居酒屋電話: 26463668
- 在家居酒屋價錢: $101-200
- 分類: 日本菜, 海鮮, 壽司, 刺身, 串燒, 居酒屋
- 座位: 50
- 付款: 現金
- FB專頁: 在家居酒屋 Facebook
更多在家居酒屋相關資料:
香港餐廳2026推介8月