Amplifier Restaurant 大圍

Amplifier Restaurant 評價 相片

好少過去大圍果邊，唔知有咩餐廳好食，同朋友誤打誤撞就入咗去呢間餐廳食晚飯，就係因為門口嘅餐牌有威靈頓牛扒，入到去一坐低諗都冇諗就叫咗呢個2人套餐。

想講我哋真係好好彩，唔伏之餘仲要道道菜都咁高質！頭盤先嚟個Parma Ham配哈蜜瓜🐷，鹹香嘅巴馬火腿配以水果嘅鮮甜多汁，頭盤已經帶嚟驚喜！第二頭盤係香煎鵝肝配香脆麵包🦆，大大份又厚身嘅鵝肝煎得非常香口富油脂感，側邊仲有燒蘋果同蘋果蓉可以一齊食，帶嚟唔同嘅味覺衝擊，又一傑作！緊接嘅係是日餐湯——意大利菜湯🥣，有唔少蔬菜切粒喺裡面，味道清爽，剛好解咗剛才鵝肝嘅油膩感。

配上芝士牛油蒜蓉包🥖，睇吓包上面果層蒜味牛油，既邪惡又誘惑⋯平時唔食餐包嘅朋友都食晒成個。

仲未讚歎完啲頭盤之際，主菜就送到啦，我哋揀咗香煎帶子意大利飯🥘。

Risotto生硬有嚼頭嘅米粒感做得非常好，而且忌廉汁非常均勻咁包好每一粒飯，帶子亦煎到剛剛熟唔透嘅質感，處理火喉真係好好。

終於到咗萬眾期待嘅威靈頓牛扒🐮，採用澳洲和牛再用五小時慢煮嘅烹調方式，令和牛肉質非常軟腍，生熟程度恰到好處，加埋酥脆嘅牛油脆皮同埋蘑菇蓉，做法十分正宗，而且份量居然係十分之大方，我同朋友都食得好飽、好滿足！二人套餐嚟講$798加一，每人四百零蚊食到咁高質嘅西餐，仲要有做得好食嘅威靈頓牛，真係好少有。

有機會一定要再嚟試埋佢四人套餐嘅巨型斧頭扒！

食返餐慶祝母親節，選地點比選餐廳重要怕多人，所以選了下午茶時間輕輕鬆鬆地食返餐一行五人預訂了三點鐘五個人點了一份三層架afternoon tea單點一個意粉和一個小食併盤份量不錯，很滿足！二人份三層下午茶飽肚食物好多小食太少了上層原味鬆餅和提子🍇鬆餅，不錯的。

中層迷你漢堡吞拿魚三文治煙三文魚多士炸洋蔥圈不過不失🤪甜品，平平，不太出色！小食拼盤，推介✅很豐富的燒排骨，水牛城雞翼，炸軟壳蟹，炸洋蔥圈，炸魷魚圈炸野炸得唔錯！排骨和雞翼味辣，是出色的！肉醬意粉🍝肉醬超多，喜歡一片片的芝士難得的，節日沒有加價餐廳出品穩定三層架下午茶重點的甜品，有進步空間⭕️進店前量度體溫 ⭕️提供酒精搓手液 ⭕️全店職員戴上口罩 ⭕️座位之間有距離感

因為成班朋友都係住沙田區第二日又要翻工 所以唔想去咁遠喺附近求其搵個地方飲吓嘢呢間係一間西餐廳 但都可以淨係叫嘢飲今次我哋就叫左五隻buffalo wings ($98)嘢食好夠熱 味道都幾好😍之後我哋每人叫左一杯野飲呢度有紅酒 白酒cocktail 等等其中一個朋友叫咗一杯白酒 飲落少少甜 但又唔會太over 不過杯裝嘅白酒就只得兩隻款揀之後仲叫左一杯荔枝味嘅cocktail 呢杯就真係好正啦 唔會太重酒味 荔枝味嘅甜度啱啱好！唔似得平時有啲會太甜😱另一個朋友叫左杯Sangria放左好多mixed berries 同其他水果 勁足料😍如果都係沙田友 唔想去咁遠 呢間係大圍嘅餐廳 絕對可以考慮!! 不過可惜嘅係佢哋10pm就關門 對於我呢啲夜貓來講就有啲早😫🌚

位於大圍，鄰近火車站，都尚算放便，餐廳的裝修及燈光令人很舒服，我們二人，叫了一個下午菜，賣點雀籠上菜，很特別，雀籠內的食物放3層，第一層有兩款鬆餅，第二層有迷理牛肉漢堡、洋蔥圈，煙三文魚多士、吞拿魚包，第三層；芒果拿破崙及雜果撻，但芒果拿破崙味道不好，餅不鬆脆。

是日去左呢間餐廳食飯，因為之前有live music聽，想撞下睇睇今日會唔會有得聽不過今次冇呢，坐底唔係好諗到食咩，就直接嗌左個amplifier set for two，好豐富順帶一提餐廳環境好舒服，燈光唔會好光，偏少少燈黃，然後坐梳化真係舒服到唔捨得走炸洋蔥圈好味道Like左餐廳專頁有一個小食，因為好想食炸野，就揀左炸洋蔥圈雖然免費，但唔馬虎，總共有六個，炸到焦黃香脆，免費既野可能特別好味蒜蓉法包好味道好香濃既蒜蓉味，麵包外脆內軟，唔係薄個種麵包，有厚度所以咬落去會煙韌，點湯黎食一流餐湯好味道當日餐湯無得揀，得返一種湯，但唔係好記得咩名，裡面有薏米同蔬菜，味道無上次飲既特別，比較簡單水牛城雞翼好味道.5跟餐可以點兩款小食，揀左水牛城雞翼，食落少少辣味，好香口，雞翼本身炸過黎再用醬汁包覆，如果嗌小食十分推介！意式帕爾馬火腿蜜瓜好味道今次餐廳既小食真係幾出色火腿好大塊，可以成塊包住唔蜜瓜捲兩圈都得，咸香配上甜甜地又多汁既蜜瓜野菌黑松露意大利飯好味道.5今次師傅既主菜有少少失望個味唔錯，但個飯未煮淋，唔係risotto正常既硬度，我同朋友都食到好多生米既部份，可能師傅心急未煮到合適硬度就上枱不過成個飯既野菌黑松露其實非常好味如果個飯可以煮淋熟啲就好好法式紅酒燴牛臉肉配薯蓉好味道.5個人覺得個薯蓉好好味，好香滑因為朋友鐘意食紅酒燴牛臉肉，所以口味應該岩佢多啲，味道甜甜地咁，啲肉燴得好嫩滑，不過食多幾舊會好膩，所以有薯蓉同蔬菜就岩岩好最後有個跟餐小甜品，掛住食又唔記得影擺盤又係超級靚，酸酸甜甜，最後用黎解膩一流雖然今次有啲可惜，主菜有少少失望，不過跟據以前經驗，餐廳既品質係有保證，希望下次可以食到平時既水準加油啊

Amplifier Restaurant餐單提供西式, All, Day, Breakfast, 扒房, 咖啡店等推介美食位於大圍區，餐廳座位數80人均消費約$101-200，結賬可以用Visa,Master,AlipayHK,支付寶,現金,AE,銀聯，Booking訂位可以電話致電 37053884 查詢。

您對於大圍餐廳「Amplifier Restaurant」有何 comment？

Amplifier Restaurant餐廳詳細資料：

• Amplifier Restaurant地址:
  大圍積福街72號地下D號舖
  Amplifier Restaurant, Shop D, G/ F,72 Chik Fuk Street, Tai Wai
• Amplifier Restaurant電話: 37053884
• Amplifier Restaurant價錢: $101-200
• 分類: 西式, All, Day, Breakfast, 扒房, 咖啡店
• 座位: 80
• 付款: Visa,Master,AlipayHK,支付寶,現金,AE,銀聯
• FB專頁: Amplifier Restaurant Facebook

更多Amplifier Restaurant相關資料:

• Amplifier Restaurant分店
• Youtube
• Facebook
• Twitter
• Google