榮華餐廳 坪洲

榮華餐廳 評價 相片

出島工作，本身可以搭船出中環食午餐，但太肚餓就決定食埋先走。

到內街行，一心想食牛肉麵，遠望見到榮華餐廳個牌；黎到門口見到早餐全日供應就決定入黎😍😍😍入到黎格局同氛圍都街坊小店 (平日坪洲冇咩遊客😂)，見到都有一半食客，應該冇入錯地方😍😍😍沙嗲牛肉太陽蛋麵 麵爽，要牛油方包就加$4，太好，唔使逼我食麵包。

隻太陽蛋蛋黃汁撈麵一流。

我自己食沙嗲牛麵好奄尖，有啲個湯太淡；有啲麵太淋；有啲個牛又硬又鞋；但今日出得呢個食評就代表佢好味😋😋其實個汁黑到我有啲驚牛肉係咪燶左照上枱😫😫 但個湯一飲，點解甜甜地？原來佢有落洋蔥落個汁😍😍😍😍 甜甜地都幾特別，佢呢款沙爹汁同平時食嘅有啲唔同，特別得黎幾好食😋😋😋下次黎坪洲要再encore 呢間，我見佢有不同炒飯，燴意等等。

呢啲小店應該會有好味嘅蕃茄豬扒飯、煎鷄翼等等～～～係得坪洲而又多街坊黎嘅餐廳，冇返禁上下都好難做生意。

我好鍾意間中去坪洲行下，人少啲，好舒服唔會好似長洲同埋南丫島咁，咁商業化坪洲嘅餐廳唔多通常我就會入去行一圈再決定試吓邊一間餐廳今次揀咗呢間 榮華餐廳，係門面就覺得佢好有舊式嘅味道❤️ 蔥油雞扒飯好細心，蔥油分開，可以比客人自己調節蔥油份量蔥油味都做得好好，有誠意估唔到咁大碟，雞扒多個飯🙊雞扒香口，好用鑊氣❤️ 叉燒滑蛋飯份量一樣好多，比我想像中做得更出色叉燒切片不會太薄，有咬口滑蛋都做得好靚，一間餐廳嘅功架，食滑蛋就知道，一個字「得」。

一上枱嘅時候仲出緊煙，係食得出嘅鑊氣❤️ 鹹柑桔蜜 — 好多餐廳鹹柑桔物都做得好淡口，呢個味道偏濃，但係又唔會太鹹，唔錯其實冇咗大排檔之後，好少食到呢個傳統味道，呢間餐廳真係值得推介！！❤️蔥油雞飯叉燒滑蛋飯熱鹹柑桔蜜

坪洲好細，隨便入左一間茶記食，係舊式茶記樣原本都冇期待過茶記有咩正野食，覺得都係普普通通果啲，點知睇下餐牌竟然見到有好多鰻魚菜色🤩抱著駁下既心態，叫左個鰻魚炒意粉....... 有驚喜！饅魚份量唔少，而且食落仲有啲彈牙！唔會切到三色豆咁碎睇都睇唔到果啲... 啲意粉炒得好勻，啖啖都有鰻魚汁味，好夠味！炒得唔錯👍👍👍 真心推介

粟米肉片飯 榮華的粟米肉片飯算抵食, 午餐$26還包餐飲 滿滿的粟米肉片舖面, 粟米雖然不太多, 但都摻了美味的蛋白琉璃芡, 撈飯一流 肉片大大片, 醃得夠味又夠稔

來到坪洲，逛了一會，渾身是汗，想飲杯冷飲解渴，經過這店，門外貼了餐牌，竟然有杏仁紅豆冰，咖啡紅豆冰這類特色飲品，上次吃紅豆冰已是二十年前了。

入內坐下，陳設像回到五十年代，這裏不是「懷舊士他北」，還是不敢太冒險，叫一杯普通的紅豆冰便算。

紅豆冰用一隻懷舊的古典刨冰杯載著，有兩層顏色，下面是紅豆，上面是奶水，冰塊是不規則的形狀，明顯不是從冰粒機「啤」出，相信是從一塊大冰鑿碎而成，我將上下兩層混和才喝，紅豆粒有少部份不夠腍，甜度則剛好，稍嫌奶的份量過少。

不知還有沒有冰室供應蓮子羹？

榮華餐廳餐單提供港式等推介美食位於坪洲區，餐廳座位數未知人均消費約$50以下，結賬可以用現金。

您對於坪洲餐廳「榮華餐廳」有何 comment？

榮華餐廳餐廳詳細資料：

• 榮華餐廳地址:
  坪洲永興街1號地下A舖
  榮華餐廳, Shop A, G/ F,1 Peng Chau Wing Hing Street, Peng Chau
• 榮華餐廳電話:  
• 榮華餐廳價錢: $50以下
• 分類: 港式
• 座位: 未知
• 付款: 現金
• FB專頁: 榮華餐廳 Facebook

更多榮華餐廳相關資料:

• 榮華餐廳分店
• Youtube
• Facebook
• Twitter
• Google