孖發冰室 坪洲

孖發冰室 評價 相片

這是坪洲一間好地道的茶餐廳，多數是坪洲人幫襯，因為門面較普通，遊客大多忽略了，他們除了供應一般茶餐廳的食物，最特別是有鷄湯飯吃，其實只是白切鷄再加鮮鷄湯泡飯，雖然是冰鮮雞，但入口頗有鷄味，再配合那手刴的薑蔥粒，特別可口，如不喜歡泡飯，有白切鷄飯供應，另外一款是蕃茄薯仔排骨湯通粉，入口不太覺有味精，好像媽媽煲的味道，通粉口感輭硬適中，雖然賣相普通，但真係好好味，這是外面的茶餐廳吃不到的，除此之外，紅荳冰也不錯，但不是常有的。

吾講吾知，試過先知原來平日坪洲大約去到15:00大部份餐廳都關門，吾知係疫情期間18:00無堂食，所以先收早d，定係平時不嬲都係咁。

行下行下黎到孖發冰室門口，見佢重開緊，於是揀依間，點知要等位，心諗依間孖發冰室應該吾會差得去邊掛。

黎到下午兩點幾三點已經好肚餓，加上吾熟悉依間餐廳，於是穩陣地揀左是日午餐之一既咖喱雞扒飯。

雞扒係炸既，份量算大份，咖哩汁正常茶餐廳味道，吾算好亦吾算差。

對於我依個凍奶茶控，當然揀番至愛。

茶味香濃，每一啖吞落口飲完的時候，留係口既有一陣澀既茶既餘味which is good and I like it。

總結: 不過不失，正常茶餐廳。

坪洲不大，除了一家午市賣點心蒸飯的飯店，其餘食店大都是茶餐廳，我們光顧的就是這間孖發茶餐廳。

入內後，茶記阿姐告訴我們，一些食物暫時沒供應，最好就是點是日午餐。

我們點了蘿蔔牛腩飯和豆腐火腩飯，飲品點了熱檸檬蜜和熱檸檬茶。

飯送上，米飯的份量多得驚人，一碟已夠兩人吃。

蘿蔔牛腩飯味道很好，蘿蔔和牛腩煮得很軟很入味。

豆腐火腩飯的醬汁看來並不吸引，但原來味道也很好，豆腐外皮有點脆，內裏很滑，很好吃。

想一讚這店的阿姐，我離開後，發現把雨傘留了在茶餐廳，回頭去取，未到店門，便看到她拿着我的傘在街上周圍張望，原來她發現我留下雨傘，就立即出門找我，真的感激！

前日(20112017 Mon)同老公行完坪洲好攰,又唔想搭4點o既快船返中環,而下一班船係4:55至開,加上想搵朋友介紹o既芝麻餅,雖然唔餓,但都搵間o野坐低食吓o野.見到呢間舊式冰室,招牌重寫杏仁奶茶,於是試試.入到去,剩返最出未執o野o既卡位,於是坐低,婆婆級o既姐姐o黎執o野,我睇menu,冇杏仁奶茶,問婆婆有冇?佢答有,試吓吖.然後我o地就叫o左 $29.00o既自選公仔麵,要沙爹牛肉同魚蛋,飲茶走.我要$14.00o既豬柳漢堡三文治同唔知幾錢o既熱杏仁奶茶.好快,兩杯奶茶到o黎,婆婆話俾我o地知邊杯係杏仁奶茶,睇到杏仁奶茶顏色較深,亦嗅到好強烈o既杏仁味;而茶走呢,老公就’了’起佢睇,冇鍊奶o既?應該係婆婆落錯普通奶茶,是但啦,順便試吓呢o度o既手勢.熱奶茶茶味唔算好濃但都滑,OK o既.而杏仁奶茶呢?飲到濃濃o既杏仁味,茶味好似少o左啲.而食物就好快同同時到o黎,我o既豬柳漢堡三文治呢?原來有兩塊豬柳漢堡,食落,方包鬆軟,夾o左豬柳漢堡o既鹹味,完全唔使再調味,既簡單又有創意.沙爹牛肉魚蛋麵呢,老公大讚好得,叫我試吓,我試試.牛肉嫩滑,沙爹味唔算好濃,我冇試魚蛋,但佢話彈牙.o野食雖然唔係特別好食,但睇得出用心經營.價錢:唔知杏仁奶茶幾錢,o個位男廚師計o左$55.00.

新年拜年前之坪洲兩小時遊係愉景灣街渡碼頭搭十分鐘船就到只需$6.5 值得一遊😊睇過openrice有幾間茶餐廳或冰室都想試試但新年好多餐廳開, 隨便選了一間就入去試試睇門口都知有返咁上下歷史香港人還是最喜歡港式食物沙嗲牛肉米, 火腿奄列沙嗲牛肉比出面茶餐廳好味雖然樣唔太好睇🤣米粉都好味 略嫌太碎假日多人都等左10分鐘眼見食客多數係街坊 互派利是服務態度良好！😊很喜歡小島風情日後一定再來坪洲 試試其它餐廳👍🏻

孖發冰室餐單提供港式, 台式飲品等推介美食位於坪洲區，餐廳座位數未知人均消費約$50以下，結賬可以用現金。

您對於坪洲餐廳「孖發冰室」有何 comment？

孖發冰室餐廳詳細資料：

• 孖發冰室地址:
  坪洲坪洲永安街2BB舖地下
  孖發冰室, Shop2 B B, G/ F, Peng Chau Wing On Street, Peng Chau
• 孖發冰室電話:  
• 孖發冰室價錢: $50以下
• 分類: 港式, 台式飲品
• 座位: 未知
• 付款: 現金
• FB專頁: 孖發冰室 Facebook

更多孖發冰室相關資料:

• 孖發冰室分店
• Youtube
• Facebook
• Twitter
• Google