青葉海鮮酒家 土瓜灣

青葉海鮮酒家 評價 相片

今日本來想落土瓜灣某間酒樓飲茶,原來已經關門大吉於是打算去附近另一間誰知疫情下又休息,於是上openrice 睇下有無其他酒樓見到有閰叫青葉就試下啦,上到去都多人可能早所以都有位,見到有張特價紙幾得意寫住~早市全包套餐內包加一及1位茶芥,皮蛋瘦肉粥,布拉腸粉二選一加薑汁雞包仔,蠔皇鮮竹卷又是二選一都係二十五元,如果一個人飲都幾好真係平過食茶餐廳,另外有多款孖寶選擇,鳳爪排骨飯咸魚肉餅飯都是$9.8鳳爪排骨飯味道都可以,其他點心就一般貨色啦

疫情規例改4人聚會後首次到酒樓飲早茶，眼見枱與枱之間吾系太密，近牆邊個啲就有屏風檔隔，不過最吾好就系可以搭枱，呢啲時勢竟然重有搭枱就真的不應該啦，不過附近有間執左，有間就無開，所以變相都多人，好彩我地剛好4人，早茶點心點都比正常時間平，最抵系盅頭飯$9.8，其他孖寶就一般，選擇吾算太多，我地叫左3個盅頭飯，1個粉卷，1個义燒包，再加2個孖寶，佢標榜有營食肆，所以啲盅頭飯有少量紅米，腸粉就有菜系入邊，其他點心就無咩特別啦！

時間過得好快，8月的BB咁快一百日啦，今晚好開心有份參加她們的百日宴，一早搞掂各人出門後就過咗去呢個媽咪度，呢個媽咪好乖，但BB就精力過高令到爸媽成日都無覺好瞓，見今日還未開工就專登早啲去幫手，等她有時間休息一下，順便整咗幾個燉湯包同預備2個早餐，等個媽咪食多個星期就開始返工啦，喺度祝BB快高長大，健康活潑，她們一家每日都開心幸福快樂，呢個喺我湊咗二十幾個最有精力的BB,就算而家3個月更加唔洗點瞓，今日10點左右到後BB飲完奶又唔瞓，跟住去咗飲茶食午餐，之後有啲打麻雀，有啲唱K, 我哋就先同BB回家諗住BB會瞓一陣，沖埋涼先再落嚟，點知BB一直都唔瞓，差唔多7點左右我哋就落酒樓，BB好叻初頭好精神同我哋影相，跟住喺車仔度瞓覺我哋就可以安心食嘢，但差唔多尾段又起身可能車休太細瞓得唔好，醒咗就想人抱開始扭，其實喺想瞓但又瞓唔到，最後媽咪就帶咗她周圍行，她的爺爺麻麻送啲朋友走同埋單跟住我都回家啦，過咗愉快的天天

第一次去依間酒樓、好似新開左一段日子、所以就去試下～ 食物感覺一般、好似比不試下一條街既雙囍坐既位置比較入、所以感受不到冷氣、用膳途中已經覺得好熱同流汗、同過兩位職員反映、但佢地冇打算解決～我地比左錢之後再同經理反映、佢既態度及回應係我地既問題～ 我地應該早D提出😅😅😅🤣🤣🤣

入到去，眼見仲有好多空檯，部長係都要俾張廁所門口嘅檯嚟。

同部長講「因為近廁所，可唔可以俾第二張檯嚟？」。

點知部長話「近度門啫，廁所好遠㗎」。

咁好啦，坐低叫嘢食，點知越坐越覺熱。

原來係個廁所門口係咁噴熱氣出嚟。

我係咁撥扇，由坐低撥到食完走人，先至稍為唔會熱到出汗。

夏天33度呀大佬，咁熱簡直係食住受罪。

另外，落單又係出事。

落單落咗成4次，入單嗰位都係可以漏咗個腸粉，係都唔落。

又唔係賣哂喎，人哋嗰檯都有腸粉上。

仲有，叫阿姐俾碟辣椒油，阿姐應完「好！」之後就冇咗件事。

之後叫部長俾，部長又係「好！」，然後又冇咗件事。

再再再之後，叫另一部長拎先有。

認真超級無奈。

其實之前開張都食過一次，雖然有落漏單但覺得唔錯。

但係依家做落咗就求求其其，由得你死。

嬲到我要開account嚟寫食評！

青葉海鮮酒家餐單提供粵菜, 廣東, 點心, 中菜館, 酒樓, 海鮮酒家等推介美食位於土瓜灣區，餐廳座位數未知人均消費約$101-200，結賬可以用現金，Booking訂位可以電話致電 26187238 查詢。

您對於土瓜灣餐廳「青葉海鮮酒家」有何 comment？

青葉海鮮酒家餐廳詳細資料：

• 青葉海鮮酒家地址:
  土瓜灣炮仗街93號喜築地下及1樓
  Holly Restaurant, G/ F&1/ F,93 Pau Chung Street, To Kwa Wan
• 青葉海鮮酒家電話: 26187238
• 青葉海鮮酒家價錢: $101-200
• 分類: 粵菜, 廣東, 點心, 中菜館, 酒樓, 海鮮酒家
• 座位: 未知
• 付款: 現金
• FB專頁: 青葉海鮮酒家 Facebook

更多青葉海鮮酒家相關資料:

• 青葉海鮮酒家分店
• Youtube
• Facebook
• Twitter
• Google