鐵路便當 土瓜灣
地址: 土瓜灣馬頭圍道278A號地舖
最後更新:
鐵路便當推介
堂食來講其實都幾夠位坐。正餐坦白講唔係好推薦，但係佢嘅小食每一樣都十分之好食。朋友話同台灣食落口嘅味道差唔多，每一樣小食都係用心炮製，食落口滿滿嘅人情味，小店係要支持下嘅。
土瓜灣鐵路便當
| 餐廳分店 | 鐵路便當 |
|---|---|
| 地區 | 土瓜灣 |
| 電話訂位 | 23866690 |
| 餐單 Menu | 台灣菜, 台式飲品 |
| 人氣指數 | 930 |
| 價錢幾錢 | $51-100 |
鐵路便當訂位位於土瓜灣區，詳細地址是土瓜灣馬頭圍道278A號地舖，餐廳寬敞座位數目共有未知幾多個。鐵路便當幾錢？價錢優惠後人均消費大約$51-100埋單，早餐午餐晚餐鐵路便當餐單包括有台灣菜, 台式飲品等美食，付款方式有現金付款，Booking網上訂位可以電話致電 23866690 查詢訂座。
鐵路便當優惠
鐵路便當 評價 相片
堂食來講其實都幾夠位坐。
正餐坦白講唔係好推薦，但係佢嘅小食每一樣都十分之好食。
朋友話同台灣食落口嘅味道差唔多，每一樣小食都係用心炮製，食落口滿滿嘅人情味，小店係要支持下嘅。
平時去食開都係lunch，已經差唔多日日都買😅見到食物咁有誠意，唔寫食評對唔住自己。
首先份量方面，個盒望落好似好細，但入面係堆到滿瀉，而且真係好多。
個比例係主菜多過飯，例如叫炸雞塊便當，雞嘅份量多到嚇死人。
滷肉便當都係好多滷肉。
餐飲係平時係街買珍珠奶茶果D size,好大杯。
絕對夠食有餘。
食物配搭方面，一份便當入面會除咗有你叫嘅主菜同白飯外，佢亦都會有配菜。
食過幾次，配菜會經常轉款式。
呢個就係我想讚嘅誠意之作，配菜食得出唔係求其整，有粉絲/ 肉碎豆角/茄子/咖喱青椒薯仔等是但一樣或兩樣，甚至番茄蛋都試過，每款都好食。
而且配菜轉款式轉得好密。
味道方面大部份都有水準。
炸雞便當，炸雞大舊得黎咬落好juicy，配蜜糖芥末醬最好食。
滷肉飯係我鐘意嘅style，坊間好多台式餐廳多數係肉燥飯。
但佢係半肥瘦好入味嘅滷肉，撈落白飯食又帶少少油香。
係台灣食過的味道。
豬軟骨便當，豬軟骨入味腍口，真係一D都唔求其。
不過炸排骨就真係麻麻地，有D 乾。
大大話話都食過成5，6 次，一開始由於太多人外賣/堂食，每次都等好耐，而家好似請多咗人手，外賣15 分鐘搞掂。
喺土瓜灣附近完成補習工作，經過見到呢間新開嘅台灣便當，就入去試下。
啱啱有位，店員好懇切咁招呼我坐低咗。
裝修簡單但cozy，最緊要夠乾淨！食嘢選擇唔算多，便當主要都係圍繞住滷肉、排骨同雞塊，而亦有台灣大路嘅小食。
我叫咗個出面較少有嘅紅糟肉便當。
主菜嘅紅糟肉大大塊好多塊，便當仲配埋幾種蔬菜類嘅配菜，有蘿蔔、茄子、滷蛋等，好貼心。
聽店員講，配菜每星期轉一下，為便當保持新鮮感。
味道方面個人覺得幾好味。
紅糟肉新鮮炸起，熱辣辣好香口。
配菜亦好味，唔太咸，其中滷蛋最好味。
特別欣賞飯用上日本珍珠米，幾有口感。
份量方面，本人食量唔大，覺得啱啱好，大食嘅男仔可能叫多個小食會好啲。
整體我好滿意今餐，算有小驚喜，得閒會再嚟。
鐵路便當係由真 • 手足開嘅台式食肆，呢度最大嘅特點係性價比超高，便當五六十蚊勁大盒包埋飲品，小食十八蚊起跳。
雖然平，但係質素一啲都唔失禮，酥炸排骨便當（山葵芥末）塊排骨大到完全冚住個便當，一拎開，就見到底下鋪滿粉絲，冬瓜，滷蛋，酸菜，木耳等配菜，認真大件夾抵食。
排骨同配菜味道較濃，但係唔會死鹹，幾滋味。
再叫多三個小食，酥炸甜不辣同海山醬係絕配；臺南炸蝦卷（塩酥塔香）同夜市香腸就正常味道，後者如果多幾塊蒜片會更加正。
唯一感覺麻麻係個宜蘭三星蔥貢丸湯，因為估唔到湯底係我唔鍾意嘅涼瓜排骨湯，而且成個湯都唔係好搵到三星蔥嘅蹤影😐。
食到將近打烊，成間店剩返我哋一枱，同負責人傾左陣偈，了解咗一啲情況。
畢竟間店位置認真麻麻，熱潮過後，能否繼續生存，真係要靠口碑。
至開業以來， 一直都好想試㗎啦但係次次都勁多人排隊天氣咁熱又唔想排難得今日禮拜六放假就諗住過嚟撞下運氣點知星期六晏晝竟然係唔需要排隊，直接Walk in入去就得～間鋪細細大約有10個位左右，內部裝修有啲日式嘅感覺～整體來講整潔舒服😌叫咗個鹽酥雞便當另外再加多$10要杯波霸珍珠奶茶由於係即叫即整所以等咗大約15分鐘嗰便當份量十足，有成三大嚿鹽酥雞鹽酥雞大嚿到好似三塊雞扒咁，差啲食唔晒亦都因為佢唔係用雞粒， 所以炸出嚟唔會乾晒，雞肉仍然保持好Juicy，而外面當然係炸得非常之脆～個便當仲有好多配料：有半隻滷水蛋， 三四舊好入味嘅蘿蔔，粉絲，芽菜，茄子，炸咗嘅九層塔～非常豐富！至於個飯係用珍珠米粒粒分明，索左配料嘅汁所以都好好味！但略嫌太少飯，對於我呢個飯桶來講唔係好夠，可以多番啲！$10加一杯珍珠奶茶真係好抵， 出去買一杯都20幾蚊杯啦！珍珠食落好Q彈， 亦都唔會太甜，幾好！已經有三四年喎去過台灣喇真係好掛住唯有食飯正宗啲嘅台灣便當懷緬吓過客人啦
鐵路便當餐單提供台灣菜, 台式飲品等推介美食位於土瓜灣區，餐廳座位數未知人均消費約$51-100，結賬可以用現金，Booking訂位可以電話致電 23866690 查詢。
您對於土瓜灣餐廳「鐵路便當」有何 comment？
鐵路便當餐廳詳細資料：
- 鐵路便當地址: 土瓜灣馬頭圍道278A號地舖 Railway Bento, G/ F,278 A Ma Tau Wai Road, To Kwa Wan
- 鐵路便當電話: 23866690
- 鐵路便當價錢: $51-100
- 分類: 台灣菜, 台式飲品
- 座位: 未知
- 付款: 現金
- FB專頁: 鐵路便當 Facebook
更多鐵路便當相關資料:
香港餐廳2026推介9月