天園餃子 土瓜灣

天園餃子 評價 相片

雖然大部分時間都係在家煮但星期六就休息一下 去找黃店吃吧！早排見到介紹話土瓜灣新開左間好食既餃子店 我本人其實從來都唔好食餃子 u magazine報導話有松茸湯 所以想試下 可惜送上既係清淡既豬骨湯底 我叫左兩款餃子 一款韭菜豬肉餃 另一款係蕃茄雞蛋素肉餃 雙拼10粒 再配小食 $55 店員推介鹽燒雞翼 其實我係幾失望 我第一食唔出鹽燒咪 第二同上海炸雞翼冇分別 個餃子呢皮係堅滑既 除此之外都冇咩特別湯較清淡 蘿蔔清但唔甜豆漿另加$8 餐配一杯菜蜜另一樣叫既都係店家推薦既肉燥豬扒煎蛋飯 $42肉燥好少我唔係好睇到 豬扒係家既味道 醃得幾好 微煎切件 飯粒明顯受熱不均勻 一d正常一d爛 隻蛋就。

係唔落油就咁煎既蛋😅我真係第一次出街食見到咁既蛋埋單時店員問我好唔好食，嗯。

其實我覺得一般，或者我期望過高。

食物質素黎講 我並唔係話佢難食 但未至於我會再食 不過店內滿是宣傳 值得一試 其實我唔係好明好多街坊推薦係真心覺得好食 正如此店前身係做點心，都被推。

但果時都試過一次就冇再回頭，或者佢係有心機既，但sorry 我食過更好食既#黃色經濟圈 #黃店 #土瓜灣 #天園餃子 #tokwanwan

聽左好耐呢個禮拜終於有機會黎天園餃子食，最後我係去左食2次，第一仲要買左一打生餃番屋企食。

我試左西洋菜豬肉、芹菜木耳同埋韭菜餃。

其實3隻既味都好出！豬肉有口感，啲菜好足料（不過唔係好食到啲木耳）。

最緊要係皮夠薄！成粒餃啲肉好似俾塊皮真空包住咁，好juicy.我加左個小食雞扒，holy f*ck, 好juicy。

無野挑剔。

認真，有機會試試，唔敢堂食咪外賣生餃，番去用雞湯煮熟佢囉，包你唔會後悔。

後記：碗湯入面個一粒蘿蔔先係個精髓，好有驚喜。

呢度新開 以為淨係食餃子點知都有好多碟頭飯嘅選擇，例如豬軟骨飯肉操豬扒飯等等，勁大碗 。

味道都不錯尤其餃子都幾好食，係細隻咗少少。

啲飯勁多女仔最好叫佢小飯。

食完覺得超飽土瓜灣真係勁多黃店佢鋪頭都貼滿支持香港人嘅字句

新黃店💛😋店內有唔少文宣，亦都有學生優惠，一個飯加菜蜜都只係$35😍今次叫左一個肉燥滷雞翼煎蛋飯，粒粒分明既飯，配上蛋汁同肉燥一流，雞翼都好入味！再叫多個10隻西洋菜豬肉餃，餃皮好薄，餡料好足，好食過XX雲集！

Lunch 時間黎到好滿座，點了韭菜餃子餐（有菜同埋橙汁）$41 好抵食。

餃子有10隻，皮薄餡多，可以配其他小食。

午膳時間人比較多，可能新開有少少亂，但簡單家庭式小店，值得再去。

天園餃子餐單提供台灣菜, 粉麵, 米線, 雲吞, 餃子等推介美食位於土瓜灣區，餐廳座位數未知人均消費約$50以下，結賬可以用現金，Booking訂位可以電話致電 34619428 查詢。

您對於土瓜灣餐廳「天園餃子」有何 comment？

天園餃子餐廳詳細資料：

• 天園餃子地址:
  土瓜灣北帝街61號地下
  天園餃子, G/ F,61 Pak Tai Street, To Kwa Wan
• 天園餃子電話: 34619428
• 天園餃子價錢: $50以下
• 分類: 台灣菜, 粉麵, 米線, 雲吞, 餃子
• 座位: 未知
• 付款: 現金
• FB專頁: 天園餃子 Facebook

更多天園餃子相關資料:

• 天園餃子分店
• Youtube
• Facebook
• Twitter
• Google