四川重口味 土瓜灣

四川重口味 評價 相片

老公今晚開夜，要食自己，一個人的晚餐食乜好呢⋯⋯。

諗左成個下午都冇心水，打算求其買盒叉燒飯返屋企食算啦，跟住臨收工有個同事講起酸菜魚，個口即刻自動流口水，即刻上OpenRice搵吓邊度有酸菜魚食，土瓜灣呢間出名就試吓啦。

一坐低就即刻落order先，一份酸菜魚呀！唔該！好快就上菜，原來呢間野係用桂花魚，幾好，骨唔多，容易入口，我最鍾意就係食酸菜㗎啦，個湯底酸菜+胡椒，食落去夠濃，又會食到有少少胡椒粒粒、花椒啦，同埋好重既香味，加埋d辣椒🌶️，我係辣得之人，真係勁正！

話說今日打風同媽咪落去搵野食間間都滿哂人要等咁我自己要趕時間返工咁見無人就同媽咪話不如呢間入去叫左個蔥油雞飯凍0水杯凍0水一黎到飲左啖未飲過咁難飲既檸水唔凍之如得一粒冰感覺好似放左好耐咁同佢講啦都好好禮貌但佢反過黎黑面之後到個蔥油雞飯一黎到已經門聞到(宿)味已經有啲自己都唔好意思講但又真係唔食得咁就叫佢換之後店員仲要話無問題wo媽咪已經燥低了話算啦比錢走但係我心諗一來肚餓二來趕時間都無計死死氣好又一餐唔好又一餐啦

呢日公司啲餸，又唔啱我哋口味 同事建議去『重口味』買外賣 仲俾埋外賣紙我哋揀，佢幫我哋落街買 一打開盒，綠油油的！青瓜切得幼細，好爽口，與肉鬆一併吃，大大減少油膩感；雞翼一共四隻，滷水醃得好入味！飯夠熱，腍腍地，好好味；整盒飯連餸，也足料好吃！

某日好像胃口不佳，想味些辣野提神下，走到土瓜灣 "重口味" 吃辣子雞，水煮魚及土豆絲刺激下。

一來便來了土豆絲，都吾知係佢D咩問題，D薯條軟得很可憐，即係冇人幫襯啦，吾香吾脆口，D汁味很古怪，吃不到幾口便不想別吃。

隨即上來便是水煮魚，得個辣字吾香，魚片很薄，吃下很不快。

辣子雞不一會便到，呢個有小小奇怪，一般辣子雞只有腰果，細細粒既雞，還有很多辣椒，它沒有腰果，但有薯粒，和雞差不多大小。

都不錯的，但辣子雞講明是以雞為主，但D雞炸得很不干身，面不脆又淋身，吃下很不快。

整體上都不合格，呢間食店，叫 "重口味" ，不如叫 "超重口味"，因為超吾掂。

今日無相機係身影唔到俾大家睇間鋪幾唔得。

同行有食齋既朋友，見重口味有齋食先放棄土瓜灣食街其他好店，點知果真重口味，一行五人全中伏。

首先個侍應阿姐非常無禮十問九唔應，落個餐都要係咁重複，結果都係落錯曬，要走既料係度無走既又失蹤，等左成十幾分鐘先上菜。

雞翼其實幾好食叫係入味，薯粉口感似鼻涕，米線硬到咬唔斷，非常無癮。

同當年係北帝街既一線軒相比簡直係輸九條街，人地一個侍應都做得好快手，食物又上得快，薯粉足料又爽囗，蕃茄米線更是無得輸。

講返重口味先，其實見到中午時分無咩客人都應該要知咩事，係我地鬼掩眼先會入左去。

食左土瓜灣六年第一次咁嬲，間鋪唔換侍應加食品質素應該都好難做得住。

四川重口味餐單提供川菜, 四川, 火鍋, 粉麵, 米線, 中菜館等推介美食位於土瓜灣區，餐廳座位數未知人均消費約$50以下，結賬可以用現金，Booking訂位可以電話致電 27587879 查詢。

您對於土瓜灣餐廳「四川重口味」有何 comment？

四川重口味餐廳詳細資料：

• 四川重口味地址:
  土瓜灣北帝街19號
  Heavy Taste, 19 Pak Tai Street, To Kwa Wan
• 四川重口味電話: 27587879
• 四川重口味價錢: $50以下
• 分類: 川菜, 四川, 火鍋, 粉麵, 米線, 中菜館
• 座位: 未知
• 付款: 現金
• FB專頁: 四川重口味 Facebook

更多四川重口味相關資料:

• 四川重口味分店
• Youtube
• Facebook
• Twitter
• Google