囍宴 土瓜灣

囍宴 評價 相片

整體嚟講，成個餐係好飽好滿足，好食嘅！每個餐會跟一杯花雕。

服務好好。

上餐時間稍為快了一點，未食完第一道就上第二道，感覺有點急。

提提大家，要提早預訂！我係兩星期前預訂嘅。

今日一家四口去左食大閘蟹宴，飽到要托住個肚走😂仲要食淨好多野，要打包走，留返聽晚再食。

頭盤有乳豬件同叉燒各兩件，乳豬真係次次食都咁脆，肥瘦適中，保持到水準。

叉燒好厚，不過厚得黎係勁(淋)，真係估佢唔到。

竹笙露筍味道不錯，冬菇鮑魚都幾大隻，糯米飯整得好好食。

元貝蒸得熱辣辣，又大隻，蒸既時間岩岩好，唔會老。

瑤柱蟹肉羹同蟹粉小籠包本人覺得偏咸，要改善一下。

大閘蟹係全晚主角，每人兩公一乸，勁多膏，配埋花雕，值頭無得頂。

可惜眼闊肚窄，要打包幾隻回家明晚食臨走前仲有細細粒，滑嘟嘟既湯丸，勁滿足。

今日做野經過土瓜灣，突然好想食點心，search openrice見到佢係新開，就上咗嚟試吓本身諗住呢頭午市仲要係星期一應該唔算多人，點幾鐘上到都幾Full, 好彩岩岩好有位！叫咗個臘味煲仔飯，燒賣，叉燒酥，帶子腸個茄子份量好多，但個外層厚咗啲，有啲油膩可能係我見識少，第一次食帶子腸粉，好有驚起！腸粉皮夠薄，重點既帶子雖然唔算好大粒，但絕對足料！味道亦好，推介！天氣開始涼就好想食臘味！臘味好香，份量都好夠，如果多啲飯焦就更正侍應服務態度幾好，環境都幾舒服，唔會好嘈，下次可以試吓晚市小菜。

聽個住土瓜灣的朋友話有間開咗冇耐的新酒樓，啲小菜幾好食。

於是就捉埋佢落去等我試下係咪真係咁好食間酒樓都算闊落，唔知係咪可能因為新開，整體感覺都幾乾淨幾舒服。

叫咗個片皮鴨，啲肉都幾嫩口幾香，麼麼皮，有嚼口得嚟又唔會好硬，2樣夾埋配料一齊食真係好正! 不過酒樓冷氣都幾凍，叫片皮鴨一定要快啲食，啲麼麼皮一凍咗就冇咁好食。

之後叫咗個煎虎蝦，比我想像中大隻.同埋唔會煎到好乾，幾好食再叫埋個生炒糯米飯，呢個真係3樣入面最推介! 啲腊味超香，啲糯米飯唔會太硬好銀胃，呢個下次可以再食~(個虎蝦本身係有6隻，食到一半先記得要影下相)

今日去土瓜灣探個喺度做嘢嘅朋友，每次去土瓜灣搵呢個朋友，都會同佢去附近嘅酒樓飲茶，今日朋友就介紹去一間新開嘅酒樓，位置喺馬頭圍道海悅廣場2樓,佢話呢輪同啲同事都係去呢間酒樓幫襯，咁就去試吓，朋友先去攞位，上到去見到裝修都靚，有個黑色衫嘅女知客同我講歡迎光臨，入門口之前佢要我先探熱然後帶我去我朋友張枱度，呢區嘅酒樓來講有咁好笑容同服務態度真係好少見，希望佢哋保持到呢種態度。

坐埋張枱度朋友已經開咗普洱茶同埋洗乾淨左啲碗碟，等我落單叫點心，今日因為都肚餓所以都叫咗好多嘢，叫咗蝦餃、蘿蔔糕、蝦米煎腸粉、山竹牛肉同埋碧綠帶子腸粉、朋友極力推介佢哋隻清遠走地雞咁就叫咗半隻試吓，點心嚟到，先嚟咗煎蝦米腸同蘿蔔糕，個蝦米腸好滑同埋好多蝦米，唔似出邊嗰啲蝦米腸得個少少蝦米，個蘿蔔糕好香蘿蔔味同埋熱辣辣,跟住山竹牛肉同碧綠帶子腸都嚟咗，個山竹牛肉好有牛肉味, 碧綠帶子腸雖然啲帶子細粒但都好有帶子味同埋一碟有八粒帶子值得推介，跟住黎埋蝦餃同清遠走地雞貴妃雞，個蝦餃皮薄啲蝦肉好爽，隻走地雞係我近呢一兩年來覺得最好食嘅雞，隻雞嘅肉質有咬口又好香雞味仲要佢哋跟咗少少雞腎同雞干，食完到埋單嘅時候先知道朋友知我家兩老鍾意食雞，所以佢靜雞雞去收銀買咗一隻外賣俾我拎返屋企俾兩老今晚做餸，兩老今晚食完之後都話隻雞超級好食，仲叫我下次帶佢哋去呢間酒樓度食晚飯，今日真係多謝朋友嘅介紹，希望呢間酒樓可以保持住呢種服務態度同食物嘅質素，下次帶兩老去食晚飯嘅時候再寫食評同大家分享。

囍宴餐單提供粵菜, 廣東, 港式, 燒臘, 點心, 酒樓等推介美食位於土瓜灣區，餐廳座位數未知人均消費約$101-200，結賬可以用Visa,Master,AlipayHK,支付寶,現金,銀聯,微信支付，Booking訂位可以電話致電 37934191 查詢。

您對於土瓜灣餐廳「囍宴」有何 comment？

囍宴餐廳詳細資料：

• 囍宴地址:
  土瓜灣馬頭圍道209號海悅廣場2樓
  Happy Together, 2/ F, Horae Plaza,209 Ma Tau Wai Road, To Kwa Wan
• 囍宴電話: 37934191
• 囍宴價錢: $101-200
• 分類: 粵菜, 廣東, 港式, 燒臘, 點心, 酒樓
• 座位: 未知
• 付款: Visa,Master,AlipayHK,支付寶,現金,銀聯,微信支付
• FB專頁: 囍宴 Facebook

更多囍宴相關資料:

• 囍宴分店
• Youtube
• Facebook
• Twitter
• Google