不得了茶座 土瓜灣

不得了茶座 評價 相片

好涼爽嘅一個星期日, 自然唔搭車行多幾步啦.. 食完light brunch (亦即係成十一點先食嘅breakfast), o係北帝街周圍逛下, 又買下野... 準備返家途中.. 靈機一動! 係噃! 以前車仔麵舊鋪開左間小店, 成日經過, 都冇機會試添. 不如.. 經一經過打探下先 > 睇佢menu.$30餐 有 7吋長大熱狗配薯角 有野飲?! 隨即心動~ 關鍵係薯角!! 小店肯配薯角一係為左啅頭, 一係就想表明立場, 此乃心思作品. 因為可以係求其一堆油炸野. 但薯角要整得好食, 一定要加d d 心思先掂.佢咁樣擺出個擂台, 我當然接受"挑戰"啦! 好, 黎一個hotdog set, 跟hot chocolate (+$5)~hot chocolate 乃同行 阿炳 之選. 甫一到來, 可可味撲鼻, 已知不賴. 細細啖嗒落去... 那種香滑, 又太不甜的味道, 茶記朱古力粉做不來. 享受中, 阿炳指一指menu, huh?! from Switzerland? 嘩, 係咪咁猛我就唔知喇, 不過我so far 要飲到呢種級數嘅hot chocolate, coffee shop 三四十蚊一定走唔甩. (except Tim Hortons,價廉物美 coffee shop 連鎖店, 位於 北美)既然餐飲有誠意, 我暗自盤算, 就睇下你個hotdog set 有幾出色~不消一會, 一碟熱狗跟薯角端上來. 呆一呆, 只因上面堆滿肉醬. 餐牌冇寫架喎. 心想... 呢個做得賣點啦.. 果然不容小覷..食熱狗一定要一大啖咬落去由上而下cover哂, 入面所有汁料混和起來先夠正. 可幸有大嘴巴母親遺傳下來一個大口俾我. 當我仲享受緊肉醬同腸嘅滋味同時, 細味之下, 先發現原來青瓜, 芥醬一早放入包中. 7吋長熱狗果然有份量, 大大啖咬落去, 腸肉結實彈牙, 肉醬更出色, 肉味香濃, 醬汁充滿茄蓉及蕃茄皮... 配合爽脆青瓜片. 往往層次豐富嘅美食, 係令人越食越開胃...越食越想食落去...薯角亦不負所望, 唔係"索哂油"淋身果種, 顯然係即炸嘅. 而色澤金黃, 亦代表冇用萬年油. 食多兩舊都唔怕~ 咬落去, 薯角連皮, 很脆. 入面亦很鬆軟. 真可幸佢係用新鮮貨, 上面灑上調味粉, 我想是七味粉. 蠻不錯.三十五大元 o係土瓜灣食個包一d 都唔平. 有飯有湯有野飲大把有得揀... 但係想用呢個價錢, 叫師父精心炮製一隻充滿誠意嘅熱狗, 仲可以嘆杯西式cafe先嘆到嘅熱朱古力, 係超值嘅.食野有時為左'依'肚 (e.g. 我個brunch, etc), 但有時就係為左品嚐製作人對佢作品嘅要求. 去置地zuma, 中環pierre, mandarin grill 等, 當然係精心打造, 大把驚喜啦. 但你想$35就試到製作人嘅心機同誠意... 我就覺得有著數喇~ 希望佢可以繼續對自己嘅食物保持呢個質素, 而我有機會都會想試下佢介紹嘅其他小食.p.s. 其實都唔洗試薯角, 都知呢間cafe真的不錯.. 誠意可嘉.

上星期夜晚7點幾經過, 間野冇客, 係門口派左張menu比我地睇過餐牌, 食既野係同區都比較少見講真土瓜灣食「西式包」既, 除左老麥都真係講唔出仲有邊間...不過當晚咁o岩我地食完飯先行過, 冇計啦所以今晚先去幫襯7點左右入到去, 又係冇客...地方細細, 但勝在新淨企理, 感覺幾fresh架!bf叫左個 不得了漢堡 餐, 我本身想試埋個hotdog, 不過後尾都係叫左個hae hae地既丁麵餐漢堡餐有漢堡一個, 仲有薯角, 外加熱飲, $30丁麵餐就茶餐廳例牌野, 單餸丁麵、火腿奄列加熱飲, $23丁麵餐...er...冇咩特別; 價錢來講都ok啦, 但水準真係普通都唔普通但係!! 個漢堡就真係...估佢唔到!個包唔係一般既漢堡包, 但有少少粉係面果隻...(但都唔係m記muffin果隻呀!)入面既才料夠新鮮, 生菜落得夠多, 塊漢堡都好厚好juicy~~食落口一d膩既感覺都冇~正正! 薯角都好脆好香口鍾意佢落黑椒, 好香好惹味不過可能去果陣就收鋪...? 有d凍左...如果熱食一定好好味~下次去一定要再試下佢個hotdog先!!

一直對這間新營業的小茶座很有興趣。

之前可能是在試業階段吧，開的時間好像不大穩定，有時想走過來吃份早餐卻是屢次碰個空。

過了一段時候，好像每天都有開門做生意了，於是找了個下午來一個tea set，算是了結一個小小的心願....食物的選擇不多，小茶座只是小本經營，看起來是家族小生意，人手不多，這自然不是太稀奇。

坐位也是只得數張，星期天的下午，人客當然不少，而且太座又行動不太方便，所以還是買外賣回家方為上策....一客熱狗及漢堡包連薯角套餐，是很典型的美式下午茶配搭。

熱狗的size很巨型，說是能當飯來吃也不為過。

包身略微烘過，熱熱哋又帶少許脆口，味亦有點點甜，很合個人口味。

除了大大條frankfurt sausage外，還有多至滿瀉的蕃茄肉醬，實在是大滿足。

腸烘得皮脆卜卜的，肉味濃厚，這固之然好，但小弟更欣賞是那毫不吝嗇的洋葱及酸瓜粒，酸酸咪咪的令人極開胃，不知不覺地便將本應很膩口的大腸也能輕易的解決掉....漢堡包用的是偏近於像muffin的包身，吃起來是像有些"粉狀"物體跌出來的，入口有點乾涸，是小弟少有不愛吃的包類之一。

不過漢堡牛肉倒是做得像樣 有肉汁之餘又不乾及死實，是比意料之外的好，而且生菜絲也落得夠多。

相比之下雖然覺得沒有hotdog的出色，但已是很不錯了....薯角現炸現吃，做得外脆內軟，當然不會太差。

辣椒粉能下得多點，就更好.....這兒的前身是賣車仔麵的，吃過一次水準還不賴的，但不久後便被這小茶座取而代之，想不到這後起之秀也做出相當不錯的小吃來，實是有些始料不及呢.....

琴日黎開土瓜灣探朋友, 經過一間cafe, 見到裝潢好新, 又見到d價錢真係好抵, 所以入左去。

我同我男朋友叫左個不得了漢堡同一碟豬頸肉芝士撈丁, 漢堡好香好有份量 ,好食過麥記嗰d包。

我自己就like撈丁, 豬頸肉好入味, 配芝士汁幾特別 , 都只係$25。

放假行過見鋪頭細細,諗住醫醫肚,點知...竟然有咁正既漢堡, 讚!仲有Espresso 驚喜!

不得了茶座餐單提供港式, 漢堡包等推介美食位於土瓜灣區，餐廳座位數未知人均消費約$50以下，結賬可以用現金。

您對於土瓜灣餐廳「不得了茶座」有何 comment？

不得了茶座餐廳詳細資料：

• 不得了茶座地址:
  土瓜灣馬頭角道28號金都豪苑地下6號舖
  Buddy's Deli, Shop6, G/ F, Metropolitan Rise,28 Ma Tau Kok Road,, To Kwa Wan
• 不得了茶座電話:  
• 不得了茶座價錢: $50以下
• 分類: 港式, 漢堡包
• 座位: 未知
• 付款: 現金
• FB專頁: 不得了茶座 Facebook

更多不得了茶座相關資料:

• 不得了茶座分店
• Youtube
• Facebook
• Twitter
• Google