Softball Cafe 土瓜灣

Softball Cafe 評價 相片

有heart 的一間餐廳。

推介斧頭牛扒😋，焗烤雞，三文魚沙律，烤肋排斧頭牛扒，要早3天order，因為要預早slow cook ，廚師即時用炭火燒香表面，外脆內軟👍🏻烤鷄：原來佢地在皮同肉之間塗上牛油同調味醬，之后才焗，所以肉香滑但不鞋！咖哩角（老細話附近做野D印度人好鐘意食）😄最後老細仲問我地飽未，未就整個蒜香煙肉炒意粉，以為普通野，點知有驚喜。

真。

好食！由於掛住食，有D野都冇影到😅。

下次一定要再叫多D人再去

前排第一次跟朋友去壘球会睇壘球，个到四周都被樹木包圍住，空氣清新好有日本feel的感覺😁 睇睇下又有D肚仔餓点算好？原來壘球会入面有間餐廳，於是我地就入去試下啦（否則要行番好遠先有野食😅）。

入到餐廳一看實在太多選擇（我有D選擇恐懼証），所以我都係叫番我至愛的餐旦面再加杯拿鐵啦老闆當時問我个麵想要淋少少/硬少少？我話咁要硬身少少😊（這个老闆对客人也超級細心，好少会有人問尼D囉）。

麵到左之後我地就係餐廳外面的露天坐位食野仲可以一邊睇壘球添跟住老闆就出嚟同我地傾計，佢話佢地遲D夜晚会搞埋燒烤&人多仲可以包場添😲我當時心諗得唔得架，餐旦面变燒烤？😞不過傾計其間得知个老闆对食物都幾有要求个隻😂於是我同我个fd二話不說就話好，如果你搞燒烤我地一定嚟支持下！係fb見到尼个老闆終於出post話有燒烤，所以我地就打比佢book左晚上7人的燒烤，問老闆有D咩？佢話食材由佢地決定，包你食到最好最新鲜的野&份量足夠你地食有餘😮咁得意？咁又真係未試過……當晚去到大家坐抵晒，之後老闆就話比住少少前菜比我地食住先，嘩！一拿出嚟係一大盤煙三文魚沙津菜（沙津菜係用新鮮水種的，再淋左黑醋好开胃呀）+熱辣辣的薯條（个味好正，原來老闆加左D香草係D薯條到）D主菜一樣一樣咁出，所以送到枱都係熱的！有一件有如乒乓球拍的扒，我問老闆尼件叫咩？佢話叫“斧頭扒”😅……之後有羊（分別有紐西蘭+內蒙的）/羊膝/什菜烤雞/rib/薯角/尤魚卷/plaza/芝士蛋糕/原隻燒菠蘿！單是个件斧頭扒，我地7个人都搞佢唔掂😅可能太多野食啦！樣樣食D已經超級飽切開件扒時真係有D驚，因為入面巧紅呢，我地即該問老闆係咪未熟？佢話唔係，佢地会先用slow cook方法整左幾个鈡，之後再燒烤所以肉質会好淋&血水都冇滴！哦！放心晒！食落又真係好有肉味&幾正喎！烤雞又淋什菜亦吸晒D精華😀rib&D羊樣樣都好淋好入味要講有咩唔好，咪唯獨係个羊真係有DD“蘇”&肥左DD，菠蘿都係涷的好味（本人覺得），醬汁多番D選擇便更好，其他大至都好巧ok😉最後老闆仲話佢地不定期会推出一D新菜式，揾到有咩好野仲会比大家就下！太窩心啦，我地一定会再嚟幫一陣架……哈哈！

Softball Cafe餐單提供港式, 烤肉, 會所等推介美食位於土瓜灣區，餐廳座位數未知人均消費約$51-100，結賬可以用現金。

您對於土瓜灣餐廳「Softball Cafe」有何 comment？

Softball Cafe餐廳詳細資料：

• Softball Cafe地址:
  土瓜灣天光道香港壘球總會
  Softball Cafe, Hong Kong Softball Association, Tin Kwong Road, To Kwa Wan
• Softball Cafe電話:  
• Softball Cafe價錢: $51-100
• 分類: 港式, 烤肉, 會所
• 座位: 未知
• 付款: 現金
• FB專頁: Softball Cafe Facebook

更多Softball Cafe相關資料:

• Softball Cafe分店
• Youtube
• Facebook
• Twitter
• Google