老記海鮮粥麵菜館 南灣

老記海鮮粥麵菜館 評價 相片

第三次去澳門，今次先食到水蟹粥，朋友介紹食呢間就黎try try😺見餐牌好多款式，但同男友2條友食飯試唔到咁多野，叫住4樣野加湯先。

一場黎到，首先我地一人一盅迷你佛跳牆先，幾足料，花膠滑嘟嘟，都幾多魚翅，鮑魚仔有34隻幾入味，有d紅棗桂圓、乾瑤柱同大舊海參，重點啖湯的確幾甜。

我既主角*水蟹粥*😍聽就聽得多，終於有得食。

有足一隻蟹架🦀size就一個大湯碗咁多，粥底綿，見到有好甜金黃既蟹膏，蟹肉好鮮甜，好食👍🏻清晒～鵝腸好爽，無肥膏的，覺得炒得好均勻，味道適中。

但我比較喜歡食白灼既多d，因為鍾意鵝既原騷味😂😂炸乳鴿價錢的確比香港貴，但係一只等於兩隻份量，肉質滑溜鮮味，都幾脆添。

揚州炒飯就好大碟下，配料幾多，炒得幾有鑊氣，飯粒分明。

呢餐食到勁飽，因為明明見飽都想食晒個粥佢

黎到南灣區做野，又要同兩個外國同事食飯，佢地話食中菜又要地道d 唔食酒店野。

甘其實又有好多選擇，哩間係米芝連推介既，我自己都係好耐好耐之前食過一次，個時都未上榜。

佢裝修好中國式，佢係石牆間格，又有個石拱門影下相，佢以前係普通茶餐廳間格，今次就即管試下。

外國同事要求食最typical 既野，甘就食d local 野先楊州炒飯炒得好香，熱辣辣上枱係吸引既，用料都足，每啖飯都食到餸。

干炒牛河炒得混，每條河粉都有色，好正，不過牛肉小左d, 不過同平時一樣炒河超油，但係甘先正，邪惡食物永遠都好味既。

燒味，梗係叉燒加燒肉燒肉皮脆，唔咸，ok叉燒係廋左d,如果有半肥廋就好啦。

下午食完葡國菜，夜晚都係食中菜，但係又唔想去李康記或者陶陶居，最後朋友話試吓呢間。

去到門口見到好多人喺外面等位，應該唔差，仲見到佢攞到米芝蓮推介。

又咁近新葡京，又有推介，唔怪得知咁好生意，不過就係大陸人為主。

好彩我哋只係兩個人，其他人多數係等大枱，等咗一陣就有枱。

餐廳嘅裝修都幾啱大陸嘅口味，仲有十大元帥同十大上將掛喺牆上。

酒櫃有茅台，XO同藍帶拱橋等大陸人特別喜歡嘅酒，酒櫃下面就有一台大陸客至少飲咗兩支茅台，好彩餐廳裡面冇一大陣嘅白酒味。

我哋兩個都唔係好肚餓同埋都鍾意食粥，所以先叫咗兩碗泥鯭粥，其他就冇乜所謂，叫咗隻乳鴿，蝦醬通菜同紅燒魚頭煲。

兩碗粥最先嚟，泥鯭應該係煎咗先至折肉，咁樣煲啲泥鯭肉冇咁易散，但係啲粥就冇乜魚嘅鮮甜味，好彩粥底唔差，好好味。

啲粥未去到廣東粥咁綿同埋仍然可以見到煲得相當爛嘅飯粒。

乳鴿相當香脆，但係就太乾，要食到近脾位先有啲肉汁，不過不失。

淨番嗰兩味就極之失望，都係太鹹。

個蝦醬通菜煲煮到淋晒，通常揭開煲蓋時啲菜應該仲生生哋，用煲嘅熱力慢慢焗熟啲菜，但係呢煲菜一開蓋已經淋晒，仲出到成煲水，只可以食嗰啲冇俾嗰啲汁浸住嘅菜。

魚頭煲亦一樣，只有啲豆腐唔算太鹹，可以食。

魚頭亦平平無奇！真係唔知佢點攞到個推介！

到這間老店，點了它的雲吞麵。

印象中的澳門麵條與香港的最大分別是，澳門的較彈牙，和沒有鹼水味。

而這次的麵條雖然是沒有鹼水味，但麵身就較腍了，是不合格的那一種。

老記海鮮粥麵菜館餐單提供粵菜, 廣東, 粥品等推介美食位於南灣區，餐廳座位數未知人均消費約$50以下，結賬可以用現金，Booking訂位可以電話致電 +85328710018 查詢。

您對於南灣餐廳「老記海鮮粥麵菜館」有何 comment？

老記海鮮粥麵菜館餐廳詳細資料：

• 老記海鮮粥麵菜館地址:
  南灣賈那韶巷2號地下R及S舖
  Estabelecimento De Comidas Lou Kei Hoi Sin, Travessa De Inacio Sarmento Decarvalho, N.29/ C, Loja R, Praia Grande
• 老記海鮮粥麵菜館電話: +85328710018
• 老記海鮮粥麵菜館價錢: $50以下
• 分類: 粵菜, 廣東, 粥品
• 座位: 未知
• 付款: 現金
• FB專頁: 老記海鮮粥麵菜館 Facebook

更多老記海鮮粥麵菜館相關資料:

• 老記海鮮粥麵菜館分店
• Youtube
• Facebook
• Twitter
• Google