Tram View Cafe 半山

Tram View Cafe 評價 相片

✨🌟以下絕對是私心推介🌟✨經朋友介紹才知中環半山纜車徑旁有間隱世古典風Cafe🍽，環境清幽人不多，坐窗口位可近距離看著纜車上上落落🚃😍一推門進去，是以木傢具為主的復古風cafe，仿如進入一間外國小屋🏠，吊著古典吊燈、遠處有個高至頂的木書架📚和仿木頭火爐🔥，也有露天茶座位⛱坐到窗口位，每隔15分鐘左右看着纜車近距離又上又落，絕對是個無敵打卡位📸，由於現在實行1.5米餐枱距離，餐廳不久便已坐滿人，假日來便請趁早！常餐A ($78)：火腿蘑菇忌廉湯通粉 配 炸薯餅+茄汁豆+選2款配料+多士/牛角包常餐B ($78)：芝士火腿雞絲奄列 配 茄汁豆+沙律菜+ 選1款配料+多士/牛角包[+$10配港式冷熱飲品/+$20 配冷熱特飲]朋友事先告知食物水準一般，但環境取勝，點了兩個常餐，想不到賣相十分豐富，堆滿碟子，食物是港式風味😍常餐A的「忌廉湯通粉 🥣」有不少火腿蘑菇，湯底啖啖忌廉味不會膩，算是足料，「煎蛋🍳」夠厚身，蛋白也滑溜，B餐的「芝士火腿雞絲奄列🍴」份量足，佔了半隻餐碟，切開夾著疑似懷舊茶記洋蔥汁，是令人滿意的味道😋，再配2隻炸蝦🦐和2片烘多士，牛油已預先熱溶🧈，感覺窩心，最怕吃上碟冷冰冰的牛油需等待溶化，這個常餐B確實精彩👏🏻喜歡加$20配的「蜜糖玫瑰茶」，大大杯帶甘甜，亦落了多粒玫瑰花🌹，喝後令人感覺更relax🌞～可能朋友見餐館環境以為是西餐水準，其實有時吃一下懷舊港式味道也不錯哦👅落單店員服務也夠親切呢！邊吃邊欣賞纜車，感覺像回到70年代，假日來這間餐館就是能給人愜意舒適的感覺😎，適合慢下來、hea 一會🌻

趁同閨密响港麗食完自助餐慶生後，一齊到附近的香港公園散散悶氣。

邊走邊影相，一直走到壁球中心，過去纜車站影相時看到牆邊的指示牌，前上方不遠處有間咖啡店，正好想找個地方坐下來聊天。

拾級而上，好快就看到招牌，建築物半圓外形有點像城堡。

噢, 剛好見到纜車下來，未試過咁近睇，好開心哩，咖啡店正好在旁，增加入咖啡店坐的興致。

店內氛圍休閒恬逸，一片大玻璃窗對正纜車軌，坐在旁邊可以看到纜車上落。

咖啡店除了室內座位，仲有戶外露天座位，戶外有一座雙人鞦韆，纜車軌就在眼前，我們選擇坐在戶外，喜歡這邊更有興味。

選好坐位，返回店內點餐，部分飲品點讚面書打八折，中午吃很飽，還不太肚餓，點了兩杯飲品和兩款小食，食物即製需時，拿著呼叫器回到戶外等待。

趁著空檔又係拍照時刻，大家都在捕捉纜車經過的時刻，拍夠了，食物也可以去領取了。

一邊喝咖啡，一邊聊天，還不時看到纜車出沒，實在很療癒哩。

最近愛上冰滴咖啡，咖啡是經「低溫慢滴」萃取，在家製造很花時間，見店內有供應便立即點了。

冰滴咖啡入口不苦澀，甘味香醇，慢慢地啜著，好正。

炸餃子出乎意料地好吃，皮薄餡多，又香又脆，難得毫不油膩，好味啊！薯條新鮮熱辣，外脆內軟，醮上黑松露醬來吃，真是絕配哦。

閨密選了玫瑰蜜糖紅茶，玫瑰花香加上蜜糖香甜，紅茶味香，據說喝著很舒服，好好喝的說。

坐在這裡消磨時光，放空一下，很是不錯。

肥妹仔喺新年之後有好耐未出過街，今日肥妹仔就同肥爸肥家姐一齊去咗山頂嗰邊一間叫tram view cafe 食午餐，順便呼吸下新鮮空氣。

all day breakfast $58肥爸揀咗呢一個全日早餐，入邊有吉列魚柳，黑松露炒蛋，香腸，茄汁豆，牛角包。

肥爸話個魚柳炸得好香脆，炒蛋好嫩滑，好香松露味，牛角包就好香牛油嘅味，係一個好好食嘅全日早餐。

吉列炸蝦日式鰻魚泰式炒飯 $68肥家姐話好肚餓，所以佢就揀咗呢一個泰式炒飯。

肥妹仔我試咗啖佢嘅炒飯，應該係黃薑飯，好香香料嘅味，炒到粒粒分明，唔錯。

至於佢嘅吉列炸蝦， 都炸得幾香脆，日式鰻魚就冇咩特別。

牛肉漢堡包拼薯條  $50呢個牛肉漢堡包大路貨式，牛肉唔算太乾，不過牛味唔夠香濃，薯條都炸得好香脆。

美式朱古力蛋糕 $45芒果芝士蛋糕 $45朱古力蛋糕好香濃，有少少似brownie嘅感覺，好sticky。

而佢嘅芒果芝士蛋糕好香芒果味，芝士味就比較弱，不過肥妹仔都好鍾意。

阿華田麥提莎脆麥乳酪 $38肥妹仔畀佢個阿華田同麥提莎吸引咗，所以就叫埋嚟食。

佢呢一個乳酪係plain yogurt，食落去係冇甜味。

麥提莎同阿華田應該大家都會鍾意食，成件事夾埋就好得意好神奇。

薑汁榛子咖啡 $42玫瑰鮮奶咖啡 $42薑汁焦糖咖啡 $42少女心爆棚嘅肥爸叫咗玫瑰鮮奶咖啡，肥妹仔飲咗一啖，真係有玫瑰嗰陣香味。

佢嘅咖啡唔甜，但係好香奶味，呢個好好飲。

至於佢嘅 薑汁榛仔同薑汁焦糖咖啡，薑汁味好濃，飲一啖好refreshing。

好耐之前同朋友嚟過呢間位於半山嘅cafe，感覺好悠閑，宜家諗返起都好回味。

💭 餐廳環境好舒適，好多木製嘅傢俬同裝飾，俾人一種好柔和、好relax嘅感覺。

😌 喺正門入口位置附近擺放咗唔少精品，富有香港特色，作為土生土長嘅香港人，不禁覺得好有親切感！💕·餐廳分咗室內同室外兩部份，我哋揀咗室內近窗邊嘅位置，間中會見到有電車🚃經過，影相打卡一流。

📸 ·食物方面都幾多元化🌏，西式、日式、中式都有。

由於朋友都係細食之人，所以我哋叫咗一個set同蛋糕share嚟食。

·🔸 Signature Set B（$78）4款Signature Set之中，我哋揀咗Set B，係芝士火腿雞絲奄列配茄汁豆及青沙津、吉列魚柳、牛角包。

熱辣辣嘅牛角包 🥐 配半溶嘅牛油當然無伏！🤤 另外值得介紹下芝士火腿雞絲奄列，奄列入面有半流心嘅蛋汁，配埋火腿同雞絲一齊食，好正！·🔸 芒果芝士蛋糕（$45）超香濃嘅芒果味🥭，好似食緊芒果雪糕咁，每一啖都係幸福嘅味道！🥰·🔸 Flat White（$36）朋友試咗佢哋嘅咖啡☕️，唔錯呀！😆·餐廳環境同氣氛我會俾好高分，食物方面都好唔錯，食下嘢、影下相，可以好好放鬆下。

另外餐廳原來可以包場BBQ🍢🔥，想同班朋友搞party嘅話，又多個選擇！😎

每次行上山頂，總是路過這間cafe，今日終於走左入去試。

店舖里里多外都很有異國風情戶外花園還有鞦韆任玩，仲可以進行bbq活動在這兒好好享受一個早上，吃個豐盛早餐，減下壓，真係一個不錯既選擇。

電子餐牌A/B/C/D有全日早餐，泰式炒飯和鰻魚，同埋芝士焗吞拿魚肉醬意粉。

當午餐食都得啦，早餐價錢，午餐份量，低食不過，所有餐都唔包飲品，要加錢。

加$8$20蚊就有飲品，蛋糕或甜品揀，都ok既。

牛肉漢堡＋懷舊紐紋薯條 $50個包好好食，外脆內軟。

件牛肉好厚身，夾埋啲洋蔥，蕃茄, 生菜和秘製醬汁，食落去好juice慢活怎可缺少佢呢度有三款手工咖啡選，我揀左埃塞俄比亞G1西摩達有SCA評分：89分用佛手柑，白葡萄，無花果和黑朱古力沖製而成咖啡味香濃，苦澀味不重，反而有種甘甜味，回甘度長。

A餐全日早餐 $78黑松露炒蛋，牛角包，炸薯餅，煙肉，茄汁焗豆仲有碗通粉。

黑松露炒蛋又滑又香，薯餅很香口大大碗香濃雜菜蕃茄湯通粉，蕃茄湯好濃郁，通粉很軟腍。

呢到仲有香港精品買，唔買都可以欣賞下以後行山又多一個補給站啦

Tram View Cafe餐單提供西式, 咖啡店等推介美食位於半山區，餐廳座位數未知人均消費約$50以下，結賬可以用Visa,Master,現金,八達通，Booking訂位可以電話致電 23236873 查詢。

您對於半山餐廳「Tram View Cafe」有何 comment？

Tram View Cafe餐廳詳細資料：

• Tram View Cafe地址:
  半山䌫車徑2號地舖
  Tram View Cafe, G/ F,2 Tramway Path, Mid- Levels
• Tram View Cafe電話: 23236873
• Tram View Cafe價錢: $50以下
• 分類: 西式, 咖啡店
• 座位: 未知
• 付款: Visa,Master,現金,八達通
• FB專頁: Tram View Cafe Facebook

更多Tram View Cafe相關資料:

• Tram View Cafe分店
• Youtube
• Facebook
• Twitter
• Google