麥記美食 (景文樓) 北角
地址: 北角堡壘街19號景文樓地下2號舖
最後更新:
麥記美食 (景文樓)推介
偶然看到哩度竟然有蔥油餅賣 立刻衝過來試下 沒想到竟然如此好吃 係厚身的餅😍 唔會油膩 表面好似有少少椒鹽 蔥落的恰到好處 唔會有好大粒裡面仲係濕濕果種蔥 但係又有蔥香 因為我唔鍾意生蔥 但又鍾意食厚實碳水 搵到這家舖真係好感動🥹 以後常來看到好似係下午三點開售 我會買果陣時 店員姊姊講出邊啲凍賽 總俾鍋上面熱辣辣的餅我❤️❤️❤️
北角麥記美食 (景文樓)
| 餐廳分店 | 麥記美食 (景文樓) |
|---|---|
| 地區 | 北角 |
| 電話訂位 | 57113599 |
| 餐單 Menu | 港式, 滬菜, 上海, 小食店 |
| 人氣指數 | 821 |
| 價錢幾錢 | $50以下 |
麥記美食 (景文樓)訂位位於北角區，詳細地址是北角堡壘街19號景文樓地下2號舖，餐廳寬敞座位數目共有未知幾多個。麥記美食 (景文樓)幾錢？價錢優惠後人均消費大約$50以下埋單，早餐午餐晚餐麥記美食 (景文樓)餐單包括有港式, 滬菜, 上海, 小食店等美食，付款方式有現金付款，Booking網上訂位可以電話致電 57113599 查詢訂座。
麥記美食 (景文樓)優惠
麥記美食 (景文樓) 評價 相片
偶然看到哩度竟然有蔥油餅賣 立刻衝過來試下 沒想到竟然如此好吃 係厚身的餅😍 唔會油膩 表面好似有少少椒鹽 蔥落的恰到好處 唔會有好大粒裡面仲係濕濕果種蔥 但係又有蔥香 因為我唔鍾意生蔥 但又鍾意食厚實碳水 搵到這家舖真係好感動🥹 以後常來看到好似係下午三點開售 我會買果陣時 店員姊姊講出邊啲凍賽 總俾鍋上面熱辣辣的餅我❤️❤️❤️
長文，慎入。
麥記我食左好多年，由我中學，佢老豆開，食到宜家佢個仔接手，我個仔讀中學都仲有食。
但今日買外賣既經驗，真係令我好嬲好嬲。
今次係我第一次幫襯新店，其實一知佢開新店，已經好期待，諗住搵日要去食下,因為有冷氣有得坐，唔使好似以前咁”茂“響街邊。
今日我仔話想食佢啲辣魚蛋，咁我就12點15分左右落去，諗住買埋啲生煎包鍋貼做午餐。
好啦，我一落去，係有幾枱客既，有個女人等緊外賣，我行埋收銀機，問老細有冇餐牌，佢無理我，繼續專心入佢張單。
另一個身型龐大既阿姐就幫緊枱堂食客落單，我聽到呢位阿姐同枱堂食客講，等老細落埋張單先幫佢落，但其實老細係入緊前面張單，完全無理過我。
好啦，等老細入完佢張單，我話我想要餐牌，佢就響收銀機範圍自轉左一個圏，無俾任何回應我，然後有個矮矮地既阿姐就叫老細響門口張枱拎本餐牌俾我。
咁果個龐大阿姐呢個時候就過去收銀機入單喇，我就想行過去問下佢一串魚蛋幾多粒，點知佢真係好野，佢豎起隻手指響咀前面，殊我叫我唔好嘈（我後尾睇到佢對之後買外賣既客都係咁），然後我無出聲，只係行前左一步，完全無出過一粒聲，佢竟然右手繼續入單，用左手掩左向住我既左耳，我真係第一次見有人咁招呼食客，好出色。
我覺得你可以叫我等一陣，但佢既肢體動作令我覺得好唔舒服。
然後佢搞掂佢張單喇，表示批准我嗌野啦，過程中係咁唔好意思，又靚女又盛，其實可以專心番個服務，做少啲小動作既。
我叫左9隻生煎包，9隻鍋貼，4串魚蛋。
佢指住剛放落鑊既半盤鍋貼，同我講要等，我話無所謂。
然後都唔想阻住人門口，出左去等。
但等左10分鐘左右，我驚佢嗌number我會聽唔到，而且又開始多人叫外賣，所以我入番去。
我張單尾數係23,我入去，我入去聽到3X，甚至4X都叫左，但仲未叫我，但我無出聲催，費事又俾人殊，跟住我聽到龐大阿姐係咁話鍋貼要等，咁我就諗，難道我之後果十張單都無人叫鍋貼，所以唔使等？咁我唯有就一路等啦。
中途見佢入單，包外賣，出餐，俾外賣既過程都好混亂，都有錯漏，果啲我唔講喇。
跟住最嬲係我聽到龐大阿姐同另一個阿姐講，因為有張大單，我唔知佢係咪將我頭先見到盤鍋貼俾哂啲大單啦，終於我12：22分落單，因為我趕住要接個女校車，所以叫個仔落黎接力等外賣，我都真係第一次。
然後我12：54whatsapp阿仔問佢等到未，佢話未。
最後應該等到1點先拎到。
（因為佢1：03先影俾我睇話番左屋企，而我地只係住落上。
）其實佢慢唔緊要，我落單果陣佢掩住耳仔我真係chok住條氣，佢之後幾好口都無用。
然後我同我個仔等外賣加埋等左8個字，我自己賣番屋企煎都煎好兩底啦，仲要俾我聽到佢俾哂啲鍋貼俾大單，後我十張八張飛既人都走哂。
我好少好少響呢到寫野，今次可能都係第二次，但真係好嬲，我仔話以後都唔食，其實佢細鋪時要等都唔會咁離譜，如果下次真係好想食，我會番細鋪叫，好大部分原因係唔想再見到個龐大阿姐要俾佢殊。
by the way,講番食物正正常常不過不失，但鍋貼個餡好似有啲細，生煎包個餡又有啲太林，爛爛地，無乜咬口，但多汁既，不過我本身鐘意食皮多過餡，所以對餡無乜要求。
呻完
樓面個呀姨勁趕客本身佢話落單要出收銀處落郁左半個身位 好nice既收銀姐姐話過黎落單落完單之後個樓面呀姨走黎找晦氣類似話下次落單行出去(收銀)呀之後隔離入左檯一男一女樓面呀姨又係同樣操作我心諗你地可唔可以夾好少少先黎招呼人之後個樓面呀姨將我地叫既野食送左去隔離檯明明就係我地落單先🥶到第二次個樓面呀姨又送錯去隔離檯隔離檯話佢地仲有叫咩咩咩架喎個呀姨真係好好笑仲死撐冇錯😂埋單果時收銀姐姐話下次再見真係要諗下先😅
經過見多人排隊就一試，雲吞擔擔麵有5大隻雲吞足料好食，酸辣湯酸辣度適中，但餃子和生煎包覺得皮偏厚，爆汁度低，辣醬醋吾問就無畀，煎包底部吾夠脆，不過套餐價錢親民，整體ok。
麥記美食想試好耐 曾多次入選🤩米芝蓮小食但平時小去北角 所以未有機會試同事啱啱食完讚不絕口 尤其係擔擔麵仲話係舊舖附近新開左間分鋪小店入到去大概六點半 侍應姐姐話生煎包已經賣哂🙃之後陸續都有客人入黎想叫生煎包 可惜 今次無緣試到 🤓叫左一個餛飩擔擔面套餐 跟三隻生煎鍋貼同飲品 ($54) 加$3轉左凍豆漿另外 散叫8隻生煎鍋貼($32) 同4隻小籠包 ($30)💁🏻♀️餛飩擔擔麵擔擔麵湯底非常出色 花生味同辣味配合得恰到好處😍辣得黎帶香 仲有肉碎酸菜蔥花 好有咬口 麵條掛到湯 整個配搭好惹味😋餛飩有6隻 不過餛飩就普通 皮夠滑但偏厚同過淋 每隻都係一夾就散 d餡跌晒出黎 但餡料足 豬肉鮮甜 味道不錯 💁🏻♀️生煎鍋貼餃子賣相煎得相當吸引 餃子底煎得香脆 可惜皮厚有d靭 底部咬落好乾硬 食到個口好攰😅豬肉餡料偏少 食唔到鮮肉味💁🏻♀️小籠包小籠包個皮一睇就知厚 食落去就係同諗法一樣 但個皮口感唔錯 好煙韌 如果皮薄少少就好啦肉汁同豬肉偏鹹 欠缺豬肉鮮甜 豬肉比較多肥肉 厚皮都扣左唔少分💁🏻♀️凍豆漿樽裝豆漿 唔係自家製 微甜帶小小豆香 同埋好夠凍✨整體黎講餐廳整既皮都比較靭同厚 同想像中既皮薄餡靚有一段距離 😌好大進步空間推介擔擔面👍😚真係喜出望外 令人回味食物: 7.5/10環境: 7/10服務: 7/10性價比: 8/10
麥記美食 (景文樓)餐單提供港式, 滬菜, 上海, 小食店等推介美食位於北角區，餐廳座位數未知人均消費約$50以下，結賬可以用現金，Booking訂位可以電話致電 57113599 查詢。
您對於北角餐廳「麥記美食 (景文樓)」有何 comment？
麥記美食 (景文樓)餐廳詳細資料：
- 麥記美食 (景文樓)地址: 北角堡壘街19號景文樓地下2號舖 麥記美食 (景文樓), Shop2, G/ F, King Man Court,19 Fort Street, North Point
- 麥記美食 (景文樓)電話: 57113599
- 麥記美食 (景文樓)價錢: $50以下
- 分類: 港式, 滬菜, 上海, 小食店
- 座位: 未知
- 付款: 現金
- FB專頁: 麥記美食 (景文樓) Facebook
更多麥記美食 (景文樓)相關資料:
香港餐廳2026推介8月