錦記風味小廚 北角

錦記風味小廚 評價 相片

星期六晚近九點，附近發記重要等位，但呢到竟然有位，雖然有少少冇信心，但見夜唔想等就即管試下。

冇叫魚同海鮮，三個人只係要咗三款小菜:半隻霸王雞，炒菜心同椒鹽九肚魚。

雞又滑又有雞味，而且幾大隻但唔肥，但鼓油汁幾甜幾香，帶出雞嘅味道，個人幾欣賞隻呢味餸。

九肚魚上碟時好熱，炸得好香口，但裡面d魚肉重保持得好嫩滑同juicy，幾好工夫。

炒菜唔太油而幾爽脆，都幾好。

d餸份量都幾足，幾抵食；但地方有d迫，冷氣口又滴水，而且只有細枱，人多就冇枱。

之前阿爸阿媽試過話有料到,但係見佢茶餐廳式嘅裝潢都無甚興趣. 直到一晚屋企無煮飯跟埋兩老去食先覺得幾唔錯.食飯人人跟一碗例湯,大大碗,飲得出係夠火候嘅,最適合平時成日要開OT無湯飲嘅我.不過之後幫襯過咁多次都有少少遍鹹,不過係可以接受嘅. 樓面哥仔嘅服務態度一流,因為碗湯太大碗,可以要求阿媽那碗湯在飯後另上,好親切.之後試過佢午飯時段嘅套餐好有住家感覺,無味精,同大家樂差唔多價錢,但係份量大一截,而且無咁油膩，新鮮好多. 晚飯走小菜路線. 大斑尾先炸後燜好好味,而且食得出係新鮮魚,而且價錢公道,好似係$98,係6人份量嘅小菜.同婆婆，姨媽一家去食,轉眼清碟。

香口菜如黃金蝦，燒汁元貝，燒排骨（唔記得個正確菜名）都唔錯，個廚應該擅長炸野，而且用料大大件。

反而招牌菜之一嘅嗒嗒雞本人認為不太出色，個汁太濃，而且雞唔夠香，不過香港始終好難食到新鮮雞嘅。

總睇係一間好抵食，好有人情味嘅街坊飯堂。

跨區嘅都可以試下。

前日我帶女朋友行完工展會後想揾嘢食,最初都吾知去邊間食好,後來行入到天后,我哋企正喺間生菓店前面,生菓店老闆就八掛地介紹我哋入去斜對面間錦記,話包無介紹錯,咁我哋亦信吓佢講入咗去食啦,我叫了一條星斑,葘 葘 雞,知美娃娃菜煲,我最鍾意食魚,條魚蒸得啱啱好(正!)镧 葘 葘 雞喺冷盤嚟架,辣辣哋(正呀!)仲有個娃娃菜煲,當靚仔樓面傳菜來時,過煲噴出來D煙,即時全塲都望住我味菜話好香呀!食落仲好好味潻,個仲滋味娃娃菜真係好滋味,即刻引得隔鄰那張枱又叫了一個,最失敗是我,沒有帶相機影低比大家分享吓,不過吾緊要,我女朋友話月尾呀媽生日就帶佢嚟食過,呢次可以試多幾款菜式,到時我再影低比大家分亨,其實信我最好自己試試,無介紹錯(正!正!正!)

錦記風味小廚餐單提供港式等推介美食位於北角區，餐廳座位數未知人均消費約$51-100，結賬可以用現金。

您對於北角餐廳「錦記風味小廚」有何 comment？

錦記風味小廚餐廳詳細資料：

• 錦記風味小廚地址:
  北角電氣道74號B地舖
  錦記風味小廚,  
• 錦記風味小廚電話:  
• 錦記風味小廚價錢: $51-100
• 分類: 港式
• 座位: 未知
• 付款: 現金
• FB專頁: 錦記風味小廚 Facebook

更多錦記風味小廚相關資料:

• 錦記風味小廚分店
• Youtube
• Facebook
• Twitter
• Google