百樂潮州海鮮酒樓 北角

百樂潮州海鮮酒樓 評價 相片

登登登…父親喜歡這裏的杏汁白肺湯，極力推介，香，濃，滑又潤.....通常是晚飯例湯，今天跟點心比美,一碢可分八至九碗。

傳統潮州酒家，有煎潮州韮菜棵做得有水準，其他點心一般的家常，沒有賣弄精巧，實事求事。

慶祝嫲嫲生日往年嫲嫲生都係去上環澳門賽馬會的今年黎呢度都幾隱蔽平好多, 又有鮑魚食但D野食都好食潮州野又有特色賽馬會太普通喇芋茸香酥鴨好正最後食到好飽!! 正正正正

5月9日, 母親節點都要同屋企人飲個茶~ 今日黎咗附近嘅百樂潮州, 好過去對面間難食嘅喜悅, 咁啱又唔駛等位~ 睇一睇點心紙, 雖然種類唔多但係都有晒我地想食嘅野~ 另外水吧仲有d特別d嘅潮州打冷添!::: 蝦餃 :::飲茶必叫點心之一, 蝦餃皮比較乾身, 好易夾起不過黐住筷子, 扣咗少少分~ 不過味道尚算好味, 蝦都幾大隻新鮮~::: 燒賣 :::飲茶必叫點心之二, 燒賣上嘅肥豬肉雖然太多, 但係要咁樣先食到燒賣應有嘅精髓~ 好大粒啖啖肉, 絕無吝嗇, 要彈嘅只係燒賣上面唔太新鮮嘅蟹子, 有點畫蛇添足…::: 牛肉球 :::落足料, 又蔥又馬蹄, 都幾香芫茜味, 唔算好特別, 中規中矩~::: 潮州粉粿 :::潮州茶樓當然要食潮州粉粿啦, 特別在佢冇乜韭菜, 所以顏色比較齋, 但係食落味道反而幾香, 唔錯~::: 小籠包 :::小籠包就失色, 一來皮唔夠薄, 而且又係好乾~ 二來冇乜肉湯, 裏面嘅豬肉亦唔夠味. 凍咗食仲衰添, 一舊粉咁…::: 叉燒腸 :::味道都唔錯, 可惜粉皮太厚以致腸粉中間部份好淡… 叉燒唔算新鮮不過可以接受~::: 鴨腳扎 :::我地冇食到, 屋企人都食淨咗, 睇賣相麻麻…::: 流沙包 :::流沙程度都ok, 唔可以話做得好出色, 入面奶黃有少少凝固咗, 都幾香甜啦~::: 咸水角 :::入面嘅料好似俾人偷咗咁, 得好少, 又凍咗… 變到一咬落去好黐牙. 差差差~~~::: 鮮蝦腐皮卷 :::反觀呢一碟有驚喜, 蝦都係好新鮮彈牙, 最重要竟然連腐皮都做到好脆口感~ 腐皮同蝦夾埋好鮮, 又熱辣辣, 呢個值得一讚~::: 蘿蔔糕 :::呢個都好好味~ 蘿蔔同粉份量平等, 最憎食到一口粉而又冇蘿蔔肉~ 煎嘅時間亦剛好, 外脆內軟, 一流嘅咬口, 亦值得一讚~總括食物方面唔算係好出色, 不過總比喜悅好一大截~ 坐得都幾舒服, 又唔係好嘈, 竟然母親節都唔駛等位, 又唔會趁機加價, 我地決定咗父親節再黎過~

3月16日晚, 一行十人走咗嚟呢間「百樂潮州酒家」食晚飯,坐底就有花生及咸酸兩款小食, 不過只有各樣兩小碟, 十個人好似唔多夠喎...跟住係功夫茶, 正!先嚟個「鹵水拼盆」($98), 嘩... 比佢嚇一嚇, 點解得咁少既...... 成舊水喎....................不過都算幾好味既! 「椒鹽九肚魚」($68), 呢個非常好味!! 「潮洲蠔烙」($72), 又係正嘢, 不過好貴呀....................「金銀蛋浸莧菜煲」($68), 呢個就普通啦!「青瓜煮魚鏢」($98), 唔錯, 不過份量超少囉....................「糖醋肉排骨」($78), 幾好味, 但又係得幾件.......................「檸檬蒸烏魚」($68), 呢個我話要食既, 都幾好味, 可惜, 又係份量少喎.......「原籠糯米荷葉香雞」($108), 好鍾意食呢個, 因為有藥材味! 不過個籠就大, 但加埋都係得四、五個碗仔既飯同餸咋... 離譜咗少少喎.......「魚蛋粉」($30), 284 特登叫咗呢個粉食,我冇食到, 佢話都OK, 但未算好好食。

呢個係用東亞信用咭埋單就送既魚肉餅, 襯熱食又出奇地好好味架!! (匯豐/ 恒生/ DBS / 中銀咭等都有得送)食晒所有嘢後, 真係有少少唔夠飽, 見到職員將一大碟「糖醋伊麵」送給房,就諗起我哋未食呢個咁好味既菜呀!! 不過我哋叫呢個係例牌, $88, 其實唔多夠食, 但加大就計雙倍, 唔抵喎!所以最後每人都只係分到一個角仔食咋!餐牌上面仲有超多嘢食, 對呢度既食物質素都幾滿意,可惜, 呢度所有菜既份量都太細喇! 價錢又貴..............................最後埋單$100 位, 少少覺得唔抵食呢...........Ref : http://hk.myblog.yahoo.com/joycewai616/article?mid=6280

有親人生日呢度擺番圍。

先凍蟹，一向唔喜歡將海鮮凍食，唔係好欣賞。

再滷水併盤，味道唔錯，最欣賞大腸，夠晒入味。

跟著菜式都係一般酒席菜，無乜特色，不過煲翅就唔錯，好足料，除此之外，川椒炸子雞同絛魚都OK。

最後整個大壽桃，大飽包細飽，好唔好食，唔係問題，最緊要係壽星鍾意。

埋單都幾貴，唔係咁抵食。

百樂潮州海鮮酒樓餐單提供潮州菜, 海鮮, 點心, 中菜館, 酒樓等推介美食位於北角區，餐廳座位數400人均消費約$101-200，結賬可以用Visa,Master,現金,AE,銀聯。

您對於北角餐廳「百樂潮州海鮮酒樓」有何 comment？

百樂潮州海鮮酒樓餐廳詳細資料：

• 百樂潮州海鮮酒樓地址:
  北角電氣道169號宏利保險中心地下
  Pak Loh Chiu Chow Seafood Restaurant, G/ F, Manulife Tower,169 Electric Road, North Point
• 百樂潮州海鮮酒樓電話:  
• 百樂潮州海鮮酒樓價錢: $101-200
• 分類: 潮州菜, 海鮮, 點心, 中菜館, 酒樓
• 座位: 400
• 付款: Visa,Master,現金,AE,銀聯
• FB專頁: 百樂潮州海鮮酒樓 Facebook

更多百樂潮州海鮮酒樓相關資料:

• 百樂潮州海鮮酒樓分店
• Youtube
• Facebook
• Twitter
• Google