潮味坊 北角

潮味坊 評價 相片

同一個位置以前叫潮客，依加改左呢個名，同一個聯邦集團，食物素質差左好多，叫左個一筒飯，係好大筒但入面勁差，啲料勁少，飯仲要乾巴巴。

其他潮州滷水，完全淡到冇滷水味。

員工態度非常差劣，極之冷淡唔想做你生意。

到大約晚上9點半就一直想趕我地走，食完一碟收一碟，啲員工遠遠企係度吹水望住我地。

最觸發我打文既原因係，要膠盒一個要比4蚊，一個袋要1蚊，個員工態度真係好："膠盒來貨貴咪賣得貴囉" 勁臭串 但我地又食剩好多唔要又好浪費一餐普通平平既潮州菜+員工態度 不了 不了 以前叫潮客好幾多 唉。

一肚氣

如無大礙我係唔會去到北角嘅，不過有咁啱得咁橋，啱啱又遇著剛剛，我要去探一位長輩，所以就不得不到北角一行。

去人屋企我都要買番啲嘢孝敬下老人家， 就咁我就去到呢間酒家嗰度買一盒鹵水鵝 孝敬下啦。

鹵水鵝都幾大件斬得好齊，厚薄均勻，下面又墊咗少少豆腐同花生，鹵水鵝啲鹵水味好香，不過食落口就覺得好咸，唔係講笑真係行得好緊要，而且啲肉質呢又唔係咁嫩滑，我位長輩就覺得只要有得食就乜都冇所謂啦，唔好太多要求。

不過而家唔係1959年，而係2019年！ 人係有要求先有進步嘅！我哋唔能夠停留喺遠古嘅水準！ 呢盒鹵水鵝一啲都唔好食！

成日經過fitfort 見到呢間潮州酒樓 今日終於去咗試下 下午茶時間都幾多人好耐無食乳鴿 一於叫返隻黎試下 佢嘅乳鴿細細隻 都炸得幾香口 魚肉尖椒偏多油 尖椒大大條 魚肉多炸魷魚so個魷魚好彈牙同入味 好好味 可惜粉太多 每咬一條條魷魚就會甩出黎 我最後無食啲粉 淨係食魷魚🦑奶黃包 隻隻都大大隻 有流沙 抵食牛肉球 每次去飲茶我必點牛肉球 呢度嘅牛肉球偏多粉 少牛肉味 相對細粒雷沙煎堆仔大大粒 都幾多豆沙料 皮有啲厚 食落唔會覺得好油膩（可能凍咗張紙索曬啲油）伊麵偏油膩

星期六早上大多都會同長輩去飲茶。

健威呢個商場有免費泊車，消費滿$200 就有三個鐘免費泊車，好抵好方便，真係飲幾耐茶都得！好多時呢度都要排隊飲茶，但可能呢個長週末多人離港所以都唔洗排隊，大把位。

食過幾次，點心都不過不失，保持到水盡。

我最中意食就係甜品白果芋泥。

呢隻潮州甜品唔係咁多地方有得食。

整得好滑，好香，好似食緊唔凍的雪糕咁，好滿足！鯪魚球都係我喜歡的點心。

入面有蝦米，特別香！魚肉都好新鮮，唔會有腥味，仲有鮮味！仲有一個好中意食，俾同枱人秒殺無影相的係香花芋頭卷，係煎的芋頭糕，不過入面無肉，都是豆，外面有腐皮包住，煎到好香脆！啖啖都係芋頭！飲茶都係開心事！食到好味的點心就更加開心！

一向少到東區的我，昨天在朋友的建議下，到了健威花園的潮味坊，說這裡點心水平不錯。

兩點鐘到了人客不多，稍等了一會便入座。

來之前做了些功課，點了些好評的點心。

個人覺得桂花糕足料最好味，建議可雪凍少少，想必更佳。

肉碎粥做法較潮式，好味但較細碗。

紫薯煎餅軟糯香甜，亦是佳作。

綠豆爽則一般全餐最弱。

奶黃包很好吃，略嫌流心太流類似液體，我覺得應該杰身一些，半流質方是上品。

xo醬炒豬腸粉則沒有xo醬的香味，亦沒有煎炒過的微焦。

酥炸魷魚鬚的粉漿太厚，影響口感。

全場最好味的是鮮蝦豆苗餃，蝦粒又鮮又大粒，很好！昨日下午茶人不多，坐得很舒服，我們加單亦沒有很麻煩，服務員態度積極跟進勤快。

此店交通十分方便，兩個人吃了二百多，雖不算便宜也沒有很貴…還會再來！

潮味坊餐單提供潮州菜, 客家菜, 中菜館等推介美食位於北角區，餐廳座位數未知人均消費約$101-200，結賬可以用現金，Booking訂位可以電話致電 26259918 查詢。

您對於北角餐廳「潮味坊」有何 comment？

潮味坊餐廳詳細資料：

• 潮味坊地址:
  北角英皇道560號健威坊地下上層U26號舖
  Chiu Cuisine, Shop U26, U G/ F, Fitfort,560 King's Raod, North Point
• 潮味坊電話: 26259918
• 潮味坊價錢: $101-200
• 分類: 潮州菜, 客家菜, 中菜館
• 座位: 未知
• 付款: 現金
• FB專頁: 潮味坊 Facebook

更多潮味坊相關資料:

• 潮味坊分店
• Youtube
• Facebook
• Twitter
• Google