渣華軒 北角
地址: 北角渣華道市政大廈室內運動場5樓
最後更新:
渣華軒推介
晚市提供私房菜，食物賣相吸引。古法滋補桑拿蝦、回疆熱石火焰羊鞍及櫻花蝦炒蛋白伴西蘭花等菜式也適合「相機先食」。
北角渣華軒
| 餐廳分店 | 渣華軒 |
|---|---|
| 地區 | 北角 |
| 電話訂位 | 31020363 |
| 餐單 Menu | 粵菜, 廣東, 中菜館 |
| 人氣指數 | 866 |
| 價錢幾錢 | $101-200 |
渣華軒訂位位於北角區，詳細地址是北角渣華道市政大廈室內運動場5樓，餐廳寬敞座位數目共有未知幾多個。渣華軒幾錢？價錢優惠後人均消費大約$101-200埋單，早餐午餐晚餐渣華軒餐單包括有粵菜, 廣東, 中菜館等美食，付款方式有現金付款，Booking網上訂位可以電話致電 31020363 查詢訂座。
渣華軒優惠
渣華軒 評價 相片
舊年年尾結婚，疫情肆虐，原本訂咗20圍酒席必須延期。
但始終結婚大日子點都想同家人吃餐飯。
我只想找個簡單地方，容許我以不太貴的價錢包場，進行斟茶儀式及吃餐晚飯。
無意中搵到渣華軒，場地岩岩好，其實本來容納 80－100人亦可，但因為疫情要將桌子分隔，4人一檯，最多40人，所以當晚30幾人啱啱好。
老闆好好人，可以比我一早來set場地，簡單整咗個backdrop，加上餐廳本身的裝飾，非常有氣氛。
我自己帶咗個細bose喇叭，播下啲懷舊歌曲，唔駛洗幾萬蚊請啲咩佈置公司已經好有氣氛。
我根據 pre－set 咗嘅圍菜餐單再細選自己喜歡的食物，老闆樣樣都配合，實在感激。
好記得原隻上又脆皮嘅乳豬 （老人家見到實開心），香噴噴（必食）的古法滋補桑拿蝦，我90歲婆婆都話好食好淋嘅火焰羊鞍，非常非常足料好味（又係必食）嘅花膠魚翅佛跳牆，好開胃嘅士多啤梨咕嚕肉，好嫩滑嘅鳳仙脆皮走地雞，當然仲有個個都覺得神奇好特別嘅黃金裹蒸粽。
。
真係諗返都流口水。
老細仲非常搞笑，會好興奮地介紹每一碟菜。
我實在冇嘢可以彈，唯一係老闆煮開12人一圍嘅餸菜，當晚需要4人一台，每一碟餸嘅份量都非常非常多，要攞走食咗幾日先食得晒。
總括來說，我極力推介渣華軒，甚至乎因為食咗呢餐飯而家再擺酒嘅衝動都無埋。
真係好開心，渣華軒比咗我同我家人咁好嘅回憶。
回想轉頭，好多新人搞婚禮，追求豪華嘅裝飾，好fancy嘅食物，使好多錢 （唔少場地最低消費10幾20萬），其實真係唔係咁重要。
估唔到市政大廈內嘅一個小型婚宴更加令人留下深刻同美好嘅回憶！
阿拉斯加長腳蟹粥🦀大家到北角渣華道市政大樓食樓，或去只會到Benedict Cumberbatch 也會去打卡的東寶小館，但其實樓上有一家渣華軒個人都甚為推薦。
雖然市政大樓的餐廳裝修比較平實，但味道十分不錯。
餐廳只推出圍餐，有分6/10/12人餐。
當中豬肺湯，桑拿蝦，燒羊架都十分出色。
最吸晴莫過於阿拉斯加長腳蟹粥，一鍋粥足夠12人享用，十分足料。
師傅及員工都十分親切，亦會營造生日派對氣氛，場面熱鬧，適合長輩一家老少用餐。
個人覺得性價比極高，絕對是私藏推介🥳🥳🥳🥳🥳P.S. 沒有開瓶費切餅費😛
為了慶祝生日，選了渣華軒私房菜。
雖然沒有華麗的裝修，但勝在交通方便。
又因桌數不多，不會太嘈吵。
比起其他洒樓菜式，大大碟的，也相當足料，價錢公道，但記得要預訂安排菜式！京淮五小碟：五款不同小食，青瓜酸辣爽脆，海哲爽口彈牙，酸辣的雲耳配上芝蔴，令人一試難忘，？？入味可口，一點都不過䶢，齋粒調教味道適中，很合胃口。
回疆熱石火熖羊鞍：羊肉不會有難入口的羊羶味，肉質林軟易入口，味道很好，以一位羊肉控的人來說，傑出之作。
古法滋補桑拿蝦：好特別的一道菜式，上菜時廚師親自把石紙拮穿，使蒸氣從穿口向上升起，並聞到濃烈藥材味(川芎杞子），蝦肉也爽口彈牙，是不錯的菜式。
黃金裹蒸粽：很有趣的一道飽肚菜式，用裹蒸粽壓平煎至金黃色，頂上放置木魚碎，香口入味，聽師傅講：是得奬之作，真係頂瓜瓜！飯後，師傅很有趣地給我們送上假蛋糕、化妝舞會戴嘅眼鏡及帽，再關上燈，並播放生日歌，叫生日的人有驚喜。
師傅也很努力地攪攪氣氛，令這次的生日飯，平添了歡樂的氣氛！特別要讚讚廚師的手藝丶努力和友善，這是我們會再探訪的原因！
😋😋新一年，黎緊好多朋友都要約開年飯、春茗或者團年飯等等，就等我地黎介紹一個你估都估唔到有野食，但係又非常值得推介嘅隱世高質私房菜啦😍點解話估唔到呢? 原因係呢間私房菜位於渣華道體育館樓上，你真係可以睇住人打波一路食飯架🤣🤣 海景餐廳就見得多，體育館餐廳大家又點睇呢?😆 (不過去嘅最好睇清楚地址，佢唔係渣華道街市入面架).雖然體育館，好似唔太吸引，但係渣華軒食物嘅質素絕對值得一試再試，無論你係想影相打卡，定食好西，呢到都滿足到你😉 (其實我地黎左三四次，絕對誠意推介😎)咁到底有咩好食呢? 呢到其實同一般私房菜一樣，要事先訂位，包場都係78圍左右，店舖唔大，但係黎到一定要試佢個12人阿拉斯加大蟹粥全包宴🦀。
12道菜，包埋一個20人份成個洗手盆咁大阿拉斯加大蟹粥真係唔講得笑😮 (覺得太誇?可以掃右➡️睇圖架😂真係無扼你😂 )，泥鯭粥底，加上成隻淡淡肉嘅阿拉斯加蟹，份量十足加上味道真係一流，抵食夾大件，岩哂一班人黎食👍🏻👍🏻.除左個勁吸晴嘅阿拉斯加大蟹粥，其他菜式都值得推介😋豬肺湯椰汁非常清甜，豬肺又滑又爽口，飲落真係夠哂潤👍🏻🦐其中蒸蝦新鮮就唔洗講，佢仲用左藥材去蒸，蝦身入哂味，正😋仲有羊鞍鮮嫩得黎又唔羶，仲要用石燒上菜，保證熱辣辣，真係忍唔住食多兩件😳🐤貴妃雞麻油味非常出眾，又唔會太咸同油膩😍😍.仲有值得一提大廚嘅得獎菜黃金裹蒸粽，煎到金黃色嘅裹蒸粽入口外脆內軟，面頭加上柴魚同素鮑魚增加口感，值得一試👍🏻👍🏻.🦀阿拉斯加大蟹粥全包宴( 一至五 $2980, 六日及假期 $3,180, 12位, 每加一位$120，免加一)🔹京淮五小碟🔸古法滋補桑拿蝦🔹回彊熱石火焰羊鞍🔸碧綠蝦子鮮菇鮑汁螺片🔹阿拉斯加大蟹粥🔸薑蔥麻香貴妃雞🔹海底椰杏汁玉肺湯🔸翠林白雪伴櫻花 (富士山之回憶)🔹清蒸生猛大海斑🔸黃金裹蒸粽🔹脆炸越式素菜春卷🔸椰汁官燕大團圓湯圓附送一渣橙汁，壽桃包.總括黎講，野食水準非常高，加上每位都只係大概$240270左右，私房菜呢個價錢絕對CP值超高😍😍而且現場氣氛唔錯，大廚中段會走出黎同客人交流，食到尾餐廳會全場熄燈，disco 燈四射，唔理有冇慶祝都會生日歌四起，送上燭光壽包一碟，仲會有道具同客人影相留念，約生日飯都唔錯架😁😁
話說有同事退休，我地一大班同事同佢搞個退休晚宴，退休同事話想食蟹粥喎，所以就揀左呢間餐廳。
呢度雖然比較癮敝而且地方淺窄，但麻雀雖小，五藏俱全呢！因為地方細，要食就要預先book定。
我地6點半就有人到場，等齊人就8點開飯，一路食到約10半，大聲V哇鬼叫都冇人話，全場氣氛真係好正!呢度個燒羊架，上菜時烈火紅紅好有氣派，食落一d都唔so, 我都忍唔住食多舊。
d蝦好甜好新鮮士多啤梨骨係呢度其中一道招牌菜，一定要試下! 酸酸甜甜仲有好香士多啤梨味。
最後當然唔少得個蟹粥! 大大隻長腳蟹，每隻腳都好多肉，唔識食呢度廚師仲主動走埋來教你點食，點埋佢個柚子醋，真係無得彈! 煲粥更加係吸收晒蟹既鮮甜味，大大煲，食唔晒記得唔好嘥，帶俾屋企人試試。
呢度每道菜都整得好出色，不能盡錄，總之就係回味無窮!!食完餐廳仲有搞笑影相環節，有唔同道具俾人玩，氣氛一流呀！
渣華軒餐單提供粵菜, 廣東, 中菜館等推介美食位於北角區，餐廳座位數未知人均消費約$101-200，結賬可以用現金，Booking訂位可以電話致電 31020363 查詢。
您對於北角餐廳「渣華軒」有何 comment？
渣華軒餐廳詳細資料：
- 渣華軒地址: 北角渣華道市政大廈室內運動場5樓 渣華軒,
- 渣華軒電話: 31020363
- 渣華軒價錢: $101-200
- 分類: 粵菜, 廣東, 中菜館
- 座位: 未知
- 付款: 現金
- FB專頁: 渣華軒 Facebook
更多渣華軒相關資料:
香港餐廳2026推介8月