海家小品 北角

海家小品 評價 相片

今日行過, 見係老舖所以試一試下午茶~ 🤔🤔🤔叫咗個普通沙嗲牛餐 + 豬扒麵食~店員提醒咗個咖喱好辣所以叫咗小辣~ 🌶️🌶️🌶️2 杯（茶！？）都淡到以為叫咗檸水~ 😯😯😯正常跟餐飽蛋冇乜特別~ 係塊多太小油啫~個沙牛麵清過清湯腩~ 肉質其實唔差, 個麵又整到彈牙爽口, 如果俾番啲沙嗲黎就好喇~其實成個麵唔差㗎~ 麵身彈牙配料靚仔, 豬扒煎得肉質 Juice 唔柴~ 唯一又係衰喺個湯汁度~ 完全同普通茶餐湯底一樣清到乜咁只係得個辣字, 講咗係白咖喱都唔覺有味~總結店員有禮有心, 所有食材廚師手勢都可以, 但係全部敗在「湯汁」上~ 如果可以改善一吓必定有所作為~ 💪🏻💪🏻💪🏻

從不喜歡外賣午餐回公司食, 尤其是焗飯。

焗飯之所以好食, 是因為可以即刻從焗爐處取出並送到食客面前。

上枱時, 雙層芝士仍因為焗爐嘅餘溫, D芝士在客人面前慢慢溶入米飯中, 當品嚐到熱騰騰, 香噴噴又Juicy 嘅豬排飯, 簡直係人間極品配以一杯即磨咖啡, 立即令人充滿力量再回公司繼續衝刺~

如果我一早入去之前睇到Openrice嘅食評，我就唔會喺呢度同大家講嘢！叫咗個檳城白咖哩豬扒麵， 點知嚟到嚇一跳，成碗都係辣油！ 食落口除咗辣之外，乜味都冇！ 其實我本身都食得辣，但係佢呢一種辣味簡直辣到我成個嘴唇變孖潤腸！ 咁我叫侍應畀啲椰漿我加落去碗麵度啦， 點知個侍應話佢哋用即食麵嘅湯包開水 ，所以冇椰漿，跟住個經理夠膽死畀碗滾水我叫我洗啲麵嚟 到食，你話吹唔吹脹！ 你辣唔緊要但係唔係淨係得個辣字！咁食法真係食到胃潰瘍! 後面嗰枱又係食呢樣嘢， 一路敢怒不敢言， 喺度死忍！ 真係貼錢買難受！永不幫襯！

完全無做research ，無望過食評，純粹貪方便丶經過丶誤打誤撞，連餐牌都無仔細望過，咁樣入咗去醫肚…呢個係下午茶版，迷你煙三文魚忌廉汁天使麵，只有一小塊煙三文魚，同平時出面食嘅有D唔同，啲魚肉比較削，少少腥，忌廉汁無乜味，個天使面好似白烚咁…咁啱嗰日咖啡機壞咗，餐飲就揀咗最最最普通嘅熱檸茶，檸檬嘅品質好差，完全冇鮮檸檬味，成杯野好苦澀🤢佢嘅定價係正常嘅，只不過係食品嘅質素麻麻，應該唔會有下次。

同屋企人響北角附近搵食，見到響正北角地鐵站對面有哩間餐廳，座落英皇道大街嘅食肆都只係幾十蚊一個餐覺得都幾抵，就即管試下啦～午市套餐都有幾多選擇，同埋啲相都幾吸引☺️最後我地三個人叫左個雙重芝士焗豬扒飯、芝士美式肉醬意粉同埋鰻魚雞扒飯。

午市套餐包咖啡/茶☕️，仲唔使加一，仲可以簽卡～焗豬扒飯個飯底有啲濕得滯，可能佢係用啲珍珠米做飯底而唔係炒飯底，所以同平時食開嘅連鎖快餐店焗豬有少少唔同。

味道唔太濃，兩大塊豬扒有啲香草味同煎過下都幾好味，又唔會好韌好難咬，起碼老人家都有牙食😆😆鰻魚雞扒飯都唔錯，雞扒都幾嫩㗎～同埋我幾鍾意啲鰻魚燒汁，甜甜地好好送飯😋我食嘅話份量都算啱啱好，清曬成個飯係夠曬飽😆屋企人仲食左個肉醬意粉，但係我唔記得影相😅 啲意粉係扁扁地果隻，煙煙韌韌好彈牙（不過我屋企人就鍾意食軟身啲嘅😛），肉醬味道啱啱好，啱我地口味，如果肉醬多番少少就更好喇😃仲要講下杯咖啡，咖啡走奶嘅話係帶果酸味，個人覺得好飲過普通咖啡，跟餐咖啡加左奶反而有啲苦，但係飲落去係滑嘅整體黎講我同屋企人都幾滿意，餐廳環境又裝修到靚靚地，地方乾淨企理，人唔算太多唔會太嘈。

下次可以試下佢地個下午茶餐，好似都幾抵食咁😆

海家小品餐單提供港式等推介美食位於北角區，餐廳座位數未知人均消費約$50以下，結賬可以用現金，Booking訂位可以電話致電 37021099 查詢。

您對於北角餐廳「海家小品」有何 comment？

海家小品餐廳詳細資料：

• 海家小品地址:
  北角英皇道431號地下
  Aquadeli, G/ F,431 King's Road, North Point
• 海家小品電話: 37021099
• 海家小品價錢: $50以下
• 分類: 港式
• 座位: 未知
• 付款: 現金
• FB專頁: 海家小品 Facebook

更多海家小品相關資料:

• 海家小品分店
• Youtube
• Facebook
• Twitter
• Google