飛陽砂鍋粥潮州打冷小廚 元朗

飛陽砂鍋粥潮州打冷小廚 評價 相片

一向都好喜歡黎呢間位於雞地既打冷小店，店鋪雖小，但唔會有一般打冷店的雜亂感同衛生環境差既感覺🙇‍♂️今次一行只係兩位叫左兩個小菜，啤啤佢滷水鵝片墨魚每次黎到都必叫既滷水配搭，鵝片份量好多，入味又唔會老👍👍墨魚爽滑，無渣入味，底層有滷水豆腐同芽菜，送飯一流椒鹽豆腐外皮香脆，豆腐豆味濃，唔會有太重既油膩感，送啤酒一流👍👍總括而言好喜歡呢間打冷小店，衛生情況比起其他打冷老店好好多，不過因為小店位置座位較小，好彩我地黎得早，坐低一陣已經好多人係門口排隊埋單都只係三百幾，抵食👍

老媽出名要求高, 唔知帶佢食咩好, 就帶佢去雞地食街任佢揀. 竟然媽對打冷店情有獨鍾, 更意外的是原來元朗國有黃打冷店. 由於是週末晚上, 都要排隊入坐, 坐門口位, 好彩下午落完雨不是太熱. 餐牌食物多到令人選擇困難😂鹵水鵝真係好彈牙有口感, 重要俾隻鵝髀我哋, 性價比超高👍🏻 阿媽至醒, 知道碟底有鹵水豆腐同花生韮菜豬紅好惹味, 又嫩滑. 汁底可以當湯飲埋😋椒鹽脆炸三寶~魷魚豆腐九肚魚. 火喉剛好, 外脆內軟.蠔仔粥超多料, 蠔仔多到呢🥰

突然好想食潮州凍魚！即刻openrice下，發現呢間最近就去試下啦！去到唔使等，但要坐戶外！凍魚（大眼雞）十分鮮甜味美！完全冇魚腥味！椒鹽三寶特別欣賞佢個椒鹽魷魚🦑！有口感得來，又好外脆內軟！蠔餅大大份，真材實料！

網上搵，想食潮州嘢，元朗區。

就搵到呢一間野。

要等位就係事實，完全值得。

招呼好，服務態度滿意。

最鍾意係個柯仔炒蛋，我鍾意佢脆卜卜。

另外楊氏烏頭，好耐冇食過咁正宗嘅潮州菜。

唔介意等過嚟試吓。

終於，我同友人都可以疫情緩和下，出黎食個晚飯啦，當然仲有其他原因出唔到黎食夜晚啦🙈我地叫左幾款食，我地規則係自付盈虧，自己負責返自己果碟，如果食唔晒嘅話🤣最後4個人叫左6碟餸分別有......潮洲打冷，因為屋企人緣故，我好鍾意食依款魚—大眼雞，真係無得輸跟住友人大排檔都會叫嘅椒鹽三寶，依度特別少少，三寶係有腰果、魷魚🦑九肚魚，因為唔太食炸野，所以每樣食左少少，都還好，粉漿唔會太多依個亦係大排檔例牌菜—鹵水拼盤，不過我覺得稍微遜色少許，食落唔太新鮮，有待改善，同埋大豆芽菜可以再多少少到油鹽水浸蜆啦，我覺得一般，因為沙較多，粉絲都係較少，食過有間更加足料嘅，同埋咁樣煮法，配沙白會較好味依個真係第一次食，友人配粥食，我都覺要配粥先好食，就咁食較咸最後一道，亦係最遲上菜嘅油渣炒豆苗，我覺得炒得都幾惹味，不過都係較鍾意清淡少少，太肥膩啦🙈友人叫嘅，小試吓就可。

整體黎講，其實依間打冷都可以再試下嘅因為都想試埋其他款式加油，支持小店，當然特別係💛

飛陽砂鍋粥潮州打冷小廚餐單提供潮州菜, 粵菜, 廣東, 中菜館等推介美食位於元朗區，餐廳座位數80人均消費約$51-100，結賬可以用現金，Booking訂位可以電話致電 29440598 查詢。

您對於元朗餐廳「飛陽砂鍋粥潮州打冷小廚」有何 comment？

飛陽砂鍋粥潮州打冷小廚餐廳詳細資料：

• 飛陽砂鍋粥潮州打冷小廚地址:
  元朗鳳攸南街3號好順景大廈地下8號舖
  Fei Yeung, Shop8, G/ F, Ho Shun King Building,3 Fung Yau Street South, Yuen Long
• 飛陽砂鍋粥潮州打冷小廚電話: 29440598
• 飛陽砂鍋粥潮州打冷小廚價錢: $51-100
• 分類: 潮州菜, 粵菜, 廣東, 中菜館
• 座位: 80
• 付款: 現金
• FB專頁: 飛陽砂鍋粥潮州打冷小廚 Facebook

更多飛陽砂鍋粥潮州打冷小廚相關資料:

• 飛陽砂鍋粥潮州打冷小廚分店
• Youtube
• Facebook
• Twitter
• Google