金玉滿糖冰室糖水 元朗

金玉滿糖冰室糖水 評價 相片

元朗就出名食甜品，不過之前食過元朗好多間甜品店，都係覺得一般！唯一呢一間我覺得係最好食同埋最足料嘅甜品店，之前已經食過好幾次，今次特登過嚟買佢嘅榴槤甜品！講真佢嘅貓山王榴槤爽真係好食，當然食貓山王榴槤價錢就一定會貴啲，但我又真係覺得值呢一個價！另外再買咗碗芒果西米露，本身想要芒果四重奏，但因為天氣太熱我哋係外賣，坐車要半個鐘先返到屋企！所以決定轉做芒果西米露！之後我哋叫咗的士因為未黎到，疑似係老闆嘅人勁貼心，將我哋嘅甜品先放入雪櫃，話車到先幫我哋拎出嚟！雖然店舖細小，只有幾張枱，但食物質素好，服務也好！如喜歡食甜品或榴槤的人不妨一試

以前係元朗，食黎食去都係食個兩間糖水。

難得係元朗朋友屋企打完邊爐，佢就話要帶我哋試好嘢。

於是我哋就動身去食呢間金玉滿堂。

鋪頭唔算大，等左一陣決定轉外賣。

大概兩個字左右，外賣就到手。

呢個椰皇係非常驚喜，椰汁底又香又濃，唔會稀到好似水咁。

個鮮奶蛋白好嫩滑，時間控制得剛剛好。

成兜仲有勁多桃膠同西米，不過食到一半先記得影，好足料啊！同埋我最欣賞佢個椰皇一刮就可以起到肉，我哋嗌左兩個椰皇，兩個都比我哋刮得乾乾淨淨！呢個益力多冰超級大份，咩料都有啲，絕對係貪心人士嘅恩物。

個益力多冰都好重益力多味，食到最底都仲係勁濃，我哋去到最後要分住黎食都食唔晒。

今日夜晚諗住去食糖水，點知只係食到一肚氣。

事源同朋友入到去，叫左三個糖水之後，一路等，見到陸續好多人催單，但只係見佢地係咁做外賣單，然後又見到遲過我地黎個啲都出左糖水，我地都好有耐性咁等左七八個字先催單，侍應催左廚房，但都無反應，有幾張枱都出現呢個情況而取消，實在等得太耐，最後我地等左一個鐘再催，佢地都未做我地張單，我地真係忍無可忍，唯有取消張單，佢地都無歉意，真係好激氣，浪費曬啲時間，都仲未計係出面等位，呢間店以後都唔會再去食。

元朗好多大大小小既糖水店 但想搵到好食既都吾易...呢到係難得食完想再黎食既一間👍🏻👍🏻👍🏻雜果西米露 甜度適中 水果鮮甜 西米彈牙楊枝甘露豆腐爽 足料！芒果好甜～榴連雪糕豆腐爽 老闆話今日係D24榴連所以貴幾蚊.. 好值得既！味道非常香濃 榴連蓉下面係榴連雪糕🍦超正～～同豆腐爽口感好夾👍🏻實在太足料喇..食完之後超超超飽🤤總結* 雞地有幾間糖水店、相比起另外大名氣既兩間..雖然價錢差不多 但感受到只有金玉滿糖用心製作！支持小店

食飽飯大幾約9點幾去到，吾洗等位！入到去侍應冇招呼我地，自己搵左個位坐底，睇左陣Menu，都有吾小榴連款式既甜品，叫左個榴心心。

♥️榴心心 $49(榴槤、西米、桃膠、椰果、榴槤汁底)將榴連肉整成球狀，望真啲先發現吾係完整球體，係半個球體先岩，可能未完全解凍，食落有啲硬，要浸一陣先稍為軟化。

榴槤汁底味道香濃，同其他材料一齊食幾夾，桃膠&椰果味道發揮正常。

整體而言，份量同價錢成正比例，味道不錯，服務有待加強。

金玉滿糖冰室糖水餐單提供港式, 粉麵, 米線, 甜品, 糖水, 茶餐廳, 冰室, 糖水舖等推介美食位於元朗區，餐廳座位數未知人均消費約$50以下，結賬可以用AlipayHK,支付寶,現金，Booking訂位可以電話致電 24700878 查詢。

您對於元朗餐廳「金玉滿糖冰室糖水」有何 comment？

金玉滿糖冰室糖水餐廳詳細資料：

• 金玉滿糖冰室糖水地址:
  元朗鳳攸南街40號好順景大廈1座地舖
  金玉滿糖冰室糖水, G/ F, Ho Shun King Building Block1, Fung Yau Street South, Yuen Long
• 金玉滿糖冰室糖水電話: 24700878
• 金玉滿糖冰室糖水價錢: $50以下
• 分類: 港式, 粉麵, 米線, 甜品, 糖水, 茶餐廳, 冰室, 糖水舖
• 座位: 未知
• 付款: AlipayHK,支付寶,現金
• FB專頁: 金玉滿糖冰室糖水 Facebook

更多金玉滿糖冰室糖水相關資料:

• 金玉滿糖冰室糖水分店
• Youtube
• Facebook
• Twitter
• Google