藏王 元朗

藏王 評價 相片

呢間日本野, 之前路過過好多次, 不過睇過 menu 覺得佢價錢偏貴, 所以一直都無踏過入去!!某日忽然見到佢做團購喎~~!?2人極上刺身套餐, 團購價 $188 (未包加一), 望下個list都好似唔差, 所以就買咗~某日醒起, 就打電話去book位, 竟然星期5, 6都full咗.. 所以最後book咗星期4食!!收工之後, 就入元朗, 時間啱啱好~坐低就交團購紙比侍應, 然後揀埋要揀果幾樣, 就……..等!!!食品list如下:日式麵豉湯茶碗海鮮蒸蛋香芒蟹籽沙律露筍炒野菜炸物 (唐揚墨魚咀)手握壽司 (海膽, 京蔥吞拿魚腩, 希靈魚, 醋鯖魚, 劍魚腩)一品料理 (清酒煮蜆)極上刺身塔2人份岩鹽燒原條鯛魚甜品 (北海道牛奶布甸, 日式朱古力布甸)飲品 (7喜)最先上枱一定係飲品, 仲有就係日式麵豉湯同埋茶碗海鮮蒸蛋~麵豉湯幾好味, 咸度適中, 唔太濃唔太淡~茶碗海鮮蒸蛋, 呢個賣相麻麻, 蛋面唔靚應該係水蒸汽做成, 敗筆! 不過食落都算幾滑~香芒蟹籽沙律有幾片芒果肉, 甜甜的唔錯, 沙律菜亦新鮮爽脆, 唔錯~露筍炒野菜味道適中, 唔太濃亦唔太淡, 椰菜居多, 不過唔太見到有露筍, 哈哈~唐揚墨魚咀, 呢個都幾失望, 超細粒份量少, 雖然唔算太油, 但係屬於炸物既”佢”竟然…. 唔脆!!~手握壽司, 5 款既刺身都叫新鮮, 唔會有腥味, 亦唔覺有雪味, 不過米粒無醋香味而且唔夠黏~清酒煮蜆反而係我最滿意, 有清酒香味但係又唔會over, 因為我本身都唔like果陣酒精味, 但係呢個就啱啱好, 蜆仔細細無咩肉食, 不過勝在無沙~極上刺身塔, 呢個贏賣相, 夠創意, 食既時候要好小心, 因為佢只係中間有支牙籤拮住, 塔上面既刺身同壽司既刺身質量差唔多, 新鮮, 無腥味, 亦無雪味~岩鹽燒原條鯛魚都幾過癮, 著住火上枱, 燒一陣之後佢就會自己熄, 至於條鯛魚燒得都脆邊, 不過感覺燒得耐咗少少, 魚肉微”鞋”, 不過都好味既~北海道牛奶布甸 & 日式朱古力布甸, 佢寫係自家製, 不過唔知堅定流, 如果係都真係唔錯, 2 款都係軟軟滑滑, 味道香濃~整體黎講, 質素都唔差, 不過…. 如果以原價計, 又覺得好似未太值佢個價囉…所以……. 一試無妨~

話說朋友們都想食日本野...但元朗出名多人個幾間係絕對唔會想食, 一黎人多, 二黎味道唔係話真係好食, 三黎就係d sushi太大舊飯, 食飯都食飽, 完全都唔係真係食刺身呀等等食物...所以就search左呢間黎試, 開左一段時間都未食過, 今次幫襯左真係非常有驚喜...好似個炸蠔咁, 好多地方炸既時間, 個皮又厚, 舊肉係細到搵唔到, 只係食粉團...但呢到唔同, 個蠔炸得好脆, 而且仲有蠔既juicy..一d都唔油膩, 雖然佢隻蠔都稱不上大隻, 但起碼都有得咬開兩啖肉食....巧吃...之後再叫左個烤蟹...佢烤得雖然乾身, 但好有蟹肉既鮮味...就算唔沾上sacue食都冇問題...超香, 而且蟹膏好好食..名鮮....一隻只需$2xx....我覺得可以接受呢個價錢...仲有佢個清酒煮蜆, 都係一個不錯既小食...佢d湯底唔算濃..但蜆肉既口感超正...qq既感覺...好鮮....真係想佢用大隻d黎整...因為真係好好食...個刺身拼盤當然都係好新鮮...另外叫左一個以茶壺黎當容器既海解湯, 你唔好睇佢細細個...但個湯好鮮甜...而且裡面既海鮮湯料絕對有份量.....好棒的一餐晚飯...絕對要encore再食....但可能對元朗街方黎講, 將近400既dinner一個人, 可以係略為貴..但事實上味道可以cover到既, 我覺得就一d都唔貴啦...

剛考完DSE的主修，作中途休息去食正野! 😈住屯門的我們三個女孩子，喜歡係元朗搵食，又近又方便又多種類。

首先黎到係三文魚刺身，幾新鮮幾好食嘅，無咩特別。

蟹子沙律都係食日本菜必叫的，我就覺得沙律醬略小，而且用碟上，撈唔到😹我地唯有夾啲青瓜再夾沙律咁食，味道不錯的。

食食下，店員就黎話我地知上facebook like佢地個page就可以有1蚊一客三文魚壽司，我地地立即like，壽司都無咩特別好講喇！呢個係茶壺海鮮湯，重點來了！個上湯方式幾特別用茶壺上，個味道好鮮嘅，入面有蝦，蜆，魷魚，蟹柳，其他唔記得，幾足料，熱辣辣咁好好飲，我真心推介，值得一試！其他食物都好味嘅，除左呢啲仲有叫墨魚咀同手卷，都好食嘅！haha整體黎講係幾好，服務員有禮貌，價錢都幾抵食。

值得一試！😈

聽朋友講元朗開左間新壽司店，話味道，環境都好好，所以就同班朋友去試下。

我泊左架車係門口(員工服務好好，幫手睇埋有冇抄牌)，望入去見裝修都幾好，跟住侍應帶位坐低，然後介紹左幾款招牌菜俾我地。

我點左幾款壽司同刺身，好新鮮，賣相都好靚。

再點左一口牛同酒煮蜆，都幾好。

跟住再試佢地嗰幾款招牌菜，岩鹽燒鯛魚，冇得彈，好好食。

雪場蟹腳生蠔鍋，海鮮好新鮮同湯底一流(我地飲晒D湯)。

千層刺身塔，估唔到D刺身可以排到咁高，一絕。

最後食埋個甜品牛奶布丁，真係好滑，好好味。

埋單都唔算貴，百幾蚊一個人頭，以咁好嘅食物質素，招待同環境黎計，絕對抵食。

最like係唔怕俾人抄牌，食都食得放心。

第一次食日式魚,要用鎚仔打開外殼,推開外殼後,鮮甜既魚香味滿溢四周,食一啖魚肉,魚味充分,鮮味十分。

十級推介。

重有我最愛既三文魚,顏色有光澤,好新鮮,食完好滿足呀重有一口牛tim呀,輕輕咬一啖,牛汁四射,好有牛既鮮味,100個like. ^^最估唔到係,有生蠔食。

諗住都唔睇好,點知好食過轉食蠔既酒店buffet tim 架。

藏王餐單提供日本菜, 壽司, 刺身, 烏冬等推介美食位於元朗區，餐廳座位數50人均消費約$101-200，結賬可以用Visa,Master,現金,銀聯。

您對於元朗餐廳「藏王」有何 comment？

藏王餐廳詳細資料：

• 藏王地址:
  元朗教育路51-61號地下K舖
  Zao Sushi, Shop K, G/ F.,51-61 Kau Yuk Road, Yuen Long
• 藏王電話:  
• 藏王價錢: $101-200
• 分類: 日本菜, 壽司, 刺身, 烏冬
• 座位: 50
• 付款: Visa,Master,現金,銀聯
• FB專頁: 藏王 Facebook

更多藏王相關資料:

• 藏王分店
• Youtube
• Facebook
• Twitter
• Google