花雪 元朗

花雪 評價 相片

Thanks God It’s Friday! 辛苦左一個星期，終於到星期五，一定要同朋友去飲杯野放鬆下，摸下酒杯底盡訴心中情。

但係今次就特別d，我地黎到元朗飲野，原來係元朗馬田呢邊都有幾間酒吧，夜晚好似酒吧街咁幾有feel。

我地比較左周圍既酒吧，最後決定黎試下花雪。

一入到花雪，老闆已經好熱情咁招呼我地，又好貼心咁幫我地揀左一個音響無咁大聲既位，比我地細細聲傾計。

我點左一杯Cocktail，名字唔太記得，好似係SexyBeach/ Sexy City 啦！係老闆推介既，入口甜味重d酒味少d，有橙汁，菠蘿汁同酒，容易入口，我都幾鍾意既！睇到餐牌，知道花雪仲有做晚餐生意，有牛扒海鮮，下次會黎試下！

話說有一晚同班公司同事去呢到飲酒，咁我哋由花雪老闆介紹買咗一支威士忌，再加兩set啤酒，飲到咁上下無啦啦花雪老闆走埋黎斟我哋啲酒飲，然後行咗去隔離枱同人哋傾計。

見到佢走埋黎又啤酒又威士忌我哋成班人好無奈，當佢第三次走埋黎，我哋阿頭終於忍唔住問佢我哋支酒係唔係公家飲？佢就笑笑口扮晒冇野，呃水吹，話題不停遊走係佢話自己幾有錢幾有錢，我哋成班人聽到好無奈又好無助，心諗咁有錢今晚你找埋條數啦，最後成班同事不歡而散。

一向冇興趣寫食評，因為自己要求唔高，但係今次令我好想寫好評比呢間餐廳琴晚朋友約左我提前食生日飯，佢要比較夜，所以搵左呢間會開到3點，雖然最後朋友可以早啲book左7點半一去到完全冇人，以為有伏，坐低之後店員好nice咁介紹食物，叫左2份聖誕套餐，一份羊架同一份海鮮併盤可能因為冇人，上菜幾快，中途店員一見到我地隻碟有殼就會換過隻，我每次講唔該，佢都會話唔洗，應該既，好親切另外由於我地有3個人，但只叫左2個餐，店員好好咁比多一份湯我地，中途等上菜期間又送上花生因為係慶祝生日，餐廳亦送左份寫上happy birthday既心太軟甜品，非常窩心其實食物對我黎講，我覺得OK，我向來冇乜要求，海鮮併盤有啲一般，價錢唔算貴，但令我最想寫下食評既係餐廳既用心，老闆店員全部好親切，老闆不時過黎講下笑，好似去朋友度食飯咁，而且環境真係幾好，9點前幾靜幾舒服，9點後開始多人今次生日飯真係令我好滿意好溫馨

在元朗周圍晚飯，昨晚與老公及知己朋友晚餐選擇了一間餐廳，下次我會再去，如果同另一半去感覺非常有情調，好有戀愛的感覺。

食物味道好好，特別是那個燒羊膝及肉眼排，還有好好味和牛蕃茄蓉意粉超美味（連我不食蕃茄煮物的人都食到不停口）。

夜點過9點見有很多少男少女走入舖內，原來，夜點可以是一個蒲點的選擇，氣氛相當舒服。

店員招待比人感覺溫馨，非常開心😉

今晚閒逛著到元朗吃晚餐，不經意的盪到這餐廳門前，老闆熱情出來解說晚餐的特色。

看到餐廳內還有靚位，便衝門而入，這裡的店員都很有禮，尤其老闆非常殷勤地招呼客人，很久也沒遇過這樣友善的餐廳。

晚餐選擇有六款主菜，前菜三款任選。

食物方面，看出他們努力用心經營的出品，大致質素屬中上，這個價位的出品，絕對超值。

特別的是今晚的餐湯，紫薯忌廉湯，應該是紫薯先烤再打成蓉，煮成忌廉湯，感覺香口很有田園風味。

連餐包也是黑松露烤蒜蓉包，非常美味香口呢！碰巧今晚是餐廳六周年紀念，八折優惠，感覺更加抵食了。

花雪餐單提供西式等推介美食位於元朗區，餐廳座位數未知人均消費約$101-200，結賬可以用Visa,Master,現金,AE，Booking訂位可以電話致電 24784888 查詢。

您對於元朗餐廳「花雪」有何 comment？

花雪餐廳詳細資料：

• 花雪地址:
  元朗馬田路50號朗景臺２座地下14-15舖
  Wine Bar ‧ Grill ‧ Teppan-Yaki, Shop14-15, G/ F, Block2, Crystal Park,50 Ma Tin Road, Yuen Long
• 花雪電話: 24784888
• 花雪價錢: $101-200
• 分類: 西式
• 座位: 未知
• 付款: Visa,Master,現金,AE
• FB專頁: 花雪 Facebook

更多花雪相關資料:

• 花雪分店
• Youtube
• Facebook
• Twitter
• Google