真．奶 元朗

真．奶 評價 相片

一心你諗住試吓佢啲水果乳酪奶，本身想試小粉紅，即係士多啤梨乳酪奶。

但係今日冇晒士多啤梨。

所以之後揀咗火龍果奶。

要咗微甜走冰同埋轉脫脂奶，諗住可以健康啲，如果可以完全走甜就更加好。

因為天口太熱嘅關係所以我直接加大杯，大杯真係好大杯，但係都好快比我飲晒，因為都係好好味嘅。

試左小粉紅（士多啤梨乳酪奶）同埋keep住團火（火龍果乳酪奶）小粉紅好香天然士多啤梨味，加埋乳酪唔會好甜，好好飲！另外無諗過火龍果溝乳酪奶個味會咁夾架，淡淡火龍果味加上乳酪奶，岩哂啲唔鐘意咁重味同咁甜既朋友。

佢地主打天然健康既飲品例如乳酪奶系列同茶系列，好多款茶可以揀，重點無糖，健康啲同瘦啲🤤除左飲品，佢地仲有甜品，生果乳酪桃膠同埋奇亞籽燕麥杯，比出面一般接觸到既甜品好唔同，好天然同健康，食多左都唔會有罪惡感😚😚另外好欣賞啲飲品名，個個都好有創意又代表杯野飲。

推介！

前排見佢地又推出左新野 再去食佢地新出既既桃膠杯好好味 好清新 價錢幾抵 呢個價錢出面真係未必會食到！仲要細細杯都食到好飽肚，本身係見到佢個招牌 以為佢地賣珍奶 點知原來係健康飲品 好難得 大杯其實好抵飲 就咁食乳酪都差唔多價錢啦😆 仲有個女店主 好吹得😂係我睇緊有咩飲既時候 比佢地改既名吸引住都會不斷介紹我有咩受歡迎 最後得知佢地用既乳酪都有花心思 唔係普通野 同埋一飲就知冇溝水 🤣超有良心既黃店 所以一定要追加食評，繼續支持 會叫更多朋友支持你地 ！

剛剛喺附近食店落咗外賣自取， 諗住喺附近行幾分鐘。

點知行咗20步左右，發現新開咗間飲品店。

店員都好落力sell。

買咗兩杯奶都係少甜，返到屋企先飲。

冇生果味、冇甜味嘅？有改善空間

作為一個正在減肥嘅人，要我戒珍奶真係好痛苦😭珍奶唔敢飲，唯有飲「真奶」！我講緊嘅係最近喺元朗開嘅黃店，主打健康乳酪奶嘅小店「真·奶」！😂呢間店開係空姐牛肉飯嘅舊址，仲要係超藍店B仔隔離！分明藍中一點黃，我實在諗唔到理由唔支持！ 喺「真‧奶」門口列明佢哋家飲料有咩特點。

另外，老闆娘話想手足飲食健康啲，所以呢度嘅飲品都唔似出面咁落奶精，或加大量色素，反而會用全脂奶、日本無糖乳酪、蜜糖、赤蘚醇代糖等健康有益嘅食材，即便我呢類怕肥嘅人，飲完都完全零罪惡感！😂 話明大力懲罰，我連續3日幫襯佢哋😂分別試咗自選生果乳酪燕麥杯、好人一生蘋安及桂圓紅棗茶（加桃膠）。

自選生果乳酪燕麥杯我揀咗士多啤梨，同乳酪溝埋一齊，酸酸甜甜，幾好味。

而且佢哋加咗唔少燕麥，食上口比想像中飽肚。

入面有好多蘋果蓉，好足料！ 老實講，心灰意冷時見到，個心都幾Warm。

另外，佢哋都設有多款水果乳酪特飲，啲名都好搞笑，好似我揀嘅「好人一生蘋安」，即是蘋果乳酪奶，入面有大量蘋果肉，配乳酪飲，比想像中清甜，一啲都唔膩！另外，「Keep住團火」火龍果乳酪奶、「大隻巴打」芒果乳酪奶、「梨是你本身的傳奇」梨肉乳酪奶.....等等，都在我嘅must try list，希望之後慢慢續樣試！🤩 如果嫌乳酪奶太heavy，真·奶又可以揀唔同嘅茶飲，我就揀咗香甜嘅桂圓紅棗。

老闆話所有茶飲仲可加奇亞籽、桃膠，取代珍珠，高纖又高蛋白。

我今次加桃膠，真係好多桃膠😂邊飲邊咬，好爽口，成件事好治癒呀！ 怕肥，可以轉健康代糖~附上真‧奶Menu，供大家參考。

真．奶餐單提供港式, 台式飲品等推介美食位於元朗區，餐廳座位數未知人均消費約$50以下，結賬可以用現金。

您對於元朗餐廳「真．奶」有何 comment？

真．奶餐廳詳細資料：

• 真．奶地址:
  元朗裕榮徑3-5號金禧樓地下5號舖
  Real Milk, Shop5, G/ F, Kam Hei House,3-5 Yu Wing Path, Yuen Long
• 真．奶電話:  
• 真．奶價錢: $50以下
• 分類: 港式, 台式飲品
• 座位: 未知
• 付款: 現金
• FB專頁: 真．奶 Facebook

更多真．奶相關資料:

• 真．奶分店
• Youtube
• Facebook
• Twitter
• Google