男人廚房 元朗

男人廚房 評價 相片

為咗慶祝母親節, 特意上OR搵下有乜好推介, 見到呢間餐廳d食評好似唔錯, 於是預早book枱, 而餐廳方面, 會問定駛唔駛order定d咩食物? 咁佢地可以預早安排, 到時唔駛等咁耐, 咁我當然係order定豬仔骨同鹹豬, 兩個主打啦~ 其餘去到再諗~地點唔算難搵, 但楂車就要早d嚟, 因為係泊街邊, 晏咗就冇位, 要去遠d的停車場泊~呢度地方唔大, 而且我地坐响廚房門口, 所以油煙都幾勁, 不過可以睇住班男人, 响廚房走來走去整嘢, 係等食時一個不錯的節目~ 雖然係母親節, 但依然有set dinner, 而且都算幾抵食, 於是叫兩個餐, 再散叫一d, 最終係食唔哂, 要打包tim~  餐湯、餐包、薯茸 雖然叫咗兩份set, 但只上得一份, 半枱人share食住先, 但差不多分哂嚟食, 另一個都未上, 追問佢時, 話佢地一有就上咗先, 唔會等齊先上, 另一份整緊, 但奇怪地兩個餐係同時落單, 整呢d唔駛搞咁耐呀? 餐湯 > 濃濃的忌廉, 好creamy, 好重奶味, 好滑口~ 餐包 > 焗翻熱的麵包, 係一大舊, 切成一份份的size, 有d牛油香草, 好香~ 薯茸 > 似係自家製, 唔係完全茸哂, 係有d薯粒, 好有texture~  焗海鮮寬條蛋麵焗得幾乾身, 而且都夠芝士, 一人分到一啖仔, 特別覺得好食~ 德國腸拼盤有幾款口味, 當然有雞肉同豬肉, 但始終覺得豬肉好味d, 因為質感實淨d, 又濃味d, 雞肉就肉質太散, 冇口感~ 由於腸係好濃味同油膩, 所以旁邊有d酸青瓜同酸菜絲, 等你解下d味, 消下濟~ 燒豬仔骨 (1份)雖然一早order咗, 但始終都係到咗先安排去燒, 所以都等咗一段時間, 不過燒得乾咗d, 唔夠juicy, 頭尾果兩舊乾到柴咁, 而且味道對我地嚟講係太濃, 有少少失望~  蘇豪特式10"薄餅pizza有兩個size, 其實只係想試下, 所以叫咗個10"試下, 又唔知叫咩餸好, 於是叫呢個蘇豪特式, 有辣肉腸、免治牛肉、五香肉粒、火腿、雞肉、芝士, 夠哂多料~ 但佢d芝士唔夠拉絲, 而餅底厚度唔算厚, 但又未係傳統果只咁薄, 我覺得pizza專門店好d食~ 芝士焗咖哩雞皇飯個飯係超多汁, 而且太辣, 搞到要"片"開d汁,用大量飯配小量汁先食到, d雞又唔算多, 比d汁遮住哂, 好似尋寶咁, 食得有d辛苦~ 黑松露雲吞超大只碟, 入面只係得10粒一口雲吞, 其實一啖放入口, 係食唔出佢有咩餡, 當然唔係黑松露餡啦~ 黑松露只有面果少少黑松露汁~ 呢碟一定要多人share, 我地一人食一粒, 連埋d汁, 都已經覺得好"漏", 因為佢個汁實在太cream, 又濃又漏, 如果兩個人食, 分分鐘食完呢個都飽哂, 唔駛食其他~ 德國鹹豬手好香, 個皮超脆, 好似食薯片咁, 個個爭住食豬皮, d肉比人冷待, 但其實個肉都好好食, 唔會好乾, 又唔太鹹, 但始終唔個皮咁吸引, 又脆又唔油, 伴碟的薯角都係一樣, 熱辣辣脆卜卜~ 但都要食返旁邊的酸青瓜同菜絲, 解一解d熱氣~  凱撒沙律食完d油膩嘢, 食返個沙律, 即刻清哂, 消哂濟, 因為d菜好fresh, 個黑醋酸酸地好開胃, 平時出街都好少叫沙律, 因為覺得又貴又唔夠飽, 唔抵食, 但今餐實在太heavy, 要叫個沙律中和返~呢度由門面到廚房, 真係清一式男人, 冇一個女人見到, 除咗客人, 真係想知佢地係咪連洗碗都係男人?

剛搬入洪水橋，今日趁有時間同老公周圍搵下有咩好野食，起碼第日多個選擇。

上次試左附近d茶記，都係一般，純粹填飽個肚，今次比我搵到間叫“男人廚房”睇落座位都幾舒服，入到去就聞到好香牛扒味，食肉獸既我即叫兩份牛扒餐，望下個價錢$148都可以接受，點知份扒來到份量十足，食落d牛好原汁原味，讚! 個餐仲跟個粟米湯同蒜蓉飽，個湯都ok,個飽就外脆內較，好有水準，原來個飽自家制既，唔怪得特別好食，好味到我再叫多一客。

餐飲加$10就有即磨咖啡，杯啡好香濃，咁既價錢食到咁高水準既餐，呢餐食得好滿足。

望下佢個menu,除左扒外，仲有pizza同牛仔骨，下次一定要試下。

👍

得知 男人廚房，完全是多得 Oli 的blog；雖然洪水橋離我挺近，不過找餐廳也花了一段時間。

其實如果大家搞清楚，它就在人氣 King Ludwig 德國餐廳 的對面馬路，就會好找多了～起初期望它與 King Ludwig 差不多的格局，但我完全的錯了。

這裡有點似豉油西餐廳，精選晚餐只由 $88148，還有 $58 起的晚餐，價目便宜得令人打個突！ 還好是吃下去尚算有水準。

一早預訂了名物 燒豬手 ($200) 及 半份燒豬仔骨 ($200)，這晚來到只額外多點兩份晚餐，已夠4女1男吃到超級飽足。

晚餐會跟餐湯及脆蒜茸包，不過當晚我仍不太舒服，沒嚐了...　對了，這裡的啤酒選擇很多，酒鬼老公及叉叉，分別點了不同口味的啤酒來飲，我當然不會試了... 另外晚餐會跟汽水，就給了另兩位友人，我嘛還是飲暖水好了。

　雖然狀態與胃口都非常麻麻，但見到超巨大 燒豬手 ($200) ，還是非常的興奮！名物豬手製作需時，一定要預訂，但其實在當日中午才訂也來得及。

　成品皮香脆、肉香美味，配上又粗又胖的薯角及酸菜絲，實在是非常的吸引！ 可惜我狀態不佳，只得平日一成胃口，結果... 豬手吃剩了。

不過我們沒有浪費，選擇讓友人打包帶走。

　另一也需預訂的名物是 燒豬仔骨 ($200)，這只是半份的大小！成品約有十條骨，兼夾非常厚身，因此中間的肉汁仍然十分豐盈，加上濃惹的燒烤醬，以及焦香吸引的外層，水準很高。

 近年好吃的豬手多了（屯門也新開了 Berliner！），反而出色豬仔骨不多，這裡值得推介。

曾到訪的友人記得這裡的 焗海鮮寬條蛋麵 ($68 晚餐) 好吃，也點了一份分享。

成品讓我想起 Pizza Hut 的海鮮寬條麵，味道同樣香濃但沒那邊咸，作為點綴也算不錯，重點是好平呢！最後還點了 紐西蘭PS頂級牛扒 12oz ($148晚餐)，據說選用紐西蘭肉品局認證的PS頂級草飼牛，天然放牧，出品會較低卡、低脂肪及低膽固醇（真的？），可以吃得較放心云云。

一頓半頓，孰真孰假不用太著緊，我還是看重味道，而其滋味又的確不差，吃得過。

埋單 $720 多，已夠五個人吃飽飽兼打包，的確幾抵食。

不過算上氣氛的話，還是喜歡對面的King Ludwig 多一些，那邊也會Babyfriendly很多呢。

而且小店有個嚴重缺點：沒甚麼甜品選擇，飯後我們唯有去元朗吃糖水！下文再記～

同朋友到洪水橋睇完佢間新屋之後，順便去醫肚，經過男人廚房（店名好萌啊）見到好多學生係度食，環境都唔錯，就入去試下啦。

Order左個肉醬意粉，朋友就叫左個海鮮寬麵,見到隔離檯個pizza好正，我地之後就叫左個四式芝士pizza。

哇！係唔錯喎！午餐已經咁有水準，感覺用料好靚，啲野又夠熱♨，唔似其他茶記咁求其，個四式芝士pizza好香，餅底好脆，勁有咬口，真係有意外驚喜🎉食下食下就問下老闆有咩招牌菜好介紹，佢話豬手，BBQ豬仔骨都好受歡迎，最好預早訂，下次一定要試試

Pizza 好咸, 咸到食剩半件豬仔骨唔夠冧, 味道一般德國豬手好咸好燶好難食德國腸又係好咸栗米湯一般蒜蓉包好Q硬樣樣都唔好食,但人多唔夠食, 安全D叫個香蒜肉絲意粉........仲難食, 又乾又硬全場最 OK就是沙律菜, 因為不用煮就是被之前的21個好評誤導

男人廚房餐單提供意大利菜, 西式, 薄餅, 西餐廳等推介美食位於元朗區，餐廳座位數62人均消費約$101-200，結賬可以用現金,八達通，Booking訂位可以電話致電 26686864 查詢。

您對於元朗餐廳「男人廚房」有何 comment？

男人廚房餐廳詳細資料：

• 男人廚房地址:
  元朗洪水橋大街德慶樓地下4-6號舖
  Man Kitchen, Shop4-6, G/ F, Tak Hing Building, Hung Shui Kiu Main Street, Yuen Long
• 男人廚房電話: 26686864
• 男人廚房價錢: $101-200
• 分類: 意大利菜, 西式, 薄餅, 西餐廳
• 座位: 62
• 付款: 現金,八達通
• FB專頁: 男人廚房 Facebook

更多男人廚房相關資料:

• 男人廚房分店
• Youtube
• Facebook
• Twitter
• Google