沙查亨餐廳 元朗

沙查亨餐廳 評價 相片

一個似家中客餐設計的印巴藉食店,一直末有勇氣試.在月頭終於一試.星期日的下午.裏面一位中國女仕係兼職..十分建談...食物即叫即製.所以要一點耐性.薄荷朱古力:薄荷味什重,反而朱古力味薄弱.2者味道不平均.錯有錯著.我較喜歡:薄荷味.:薄荷味重飲品甜度亦不高咖喱雞45元:辣度已遷就了港人口味.雞肉是脾肉相當滑.而咖喱亦香口.滑身..相當好食..蒜蓉薄餅15元.薄餅12元..蒜蓉當然香.薄餅新鮮整上手當然熱辣辣.香口..好食.......沒有華麗裝修.但口味正宗,服務亦熱情.一定會回頭的理由....

今日兩公婆專程黎試下喱度既印度美食，果然不錯，叫左兩個set lunch，食到好滿足。

$38有飯，Naan，春卷兩條，重有飲品。

　菠菜雞：偏油，有Ｄ辣，味道怪怪的，雞都幾滑。

　咖哩魚柳：可選擇幾種辣既程度，我地只係揀選少辣，都好入味喱，魚柳唔會話爛晒果種，起碼有Ｄ咬口。

Naan黎講就煎得燶左些少，但一邊脆，一邊軟，點Ｄ咖哩汁食，正。

春卷唔會炸到好油，但又好脆喎，感覺上無咁熱氣。

去過幾次，替佢寫過食評，今次再寫，係因為試過新嘢。

燒羊肶：唔騷，冇皮唔肥，唔食羊嘅我都食唔停口。

燒魚：原條鐵板上，燒得卜卜脆，連魚肚都俾我食埋！馬沙拉雞：好香，唔太辣，用汁送naan一流。

自己帶酒都冇問題，豐儉由人。

由錦田站行過去，十分鐘內可到。

今日駕車入去....揾唔到停車場......最後架車泊左去錦上路西鐵站,3蚊一個鐘 ^^ 之後行返出去錦田市中心,唔難行大約10分鐘都行到 ^^講返正題,我到逹時已經3:00仲以為有下午茶....不過無wo我同埋屋企人一行4人,於是叫左個3人餐.本來得3杯飲品,但個妹妹好好人啊 ^^ 因為佢請我地飲多杯 ha ha個餐有咖喱魚 咖喱好香唔辣,d魚仲好彈牙,但咸左少少,d味有d似馬介休咖喱雞 雞好滑咖喱角 d 入面d料好夠味,應該係炒過先包.d皮用立角立體形式包,唔似平時我地食開既款.真係好食!!推介!!咖喱豆+咖喱薯仔 用來撈飯一流洋蔥圈 d粉皮橙色既,仲幾香有味鐵板上既免治羊肉腸+燒雞 條腸就有d辣,但都好食既.雞就可能因為係燒過,有d乾身.但都好香薄餅 我估係hand make,厚過平時食既.點完咖哩食,好正!!5色米 d米有長有短,但唔知係乜.細心咬落去,有味既,但唔識講係乜味但都ok gei見到隔離枱食燒羊脾,好香好大份 ,有機會真係要試下.但下次我會選塔的士 ^^講環境呢到真係幾細.....加埋得7張4人枱左右...同埋好似得一部分體冷氣...所以有d熱今日得一個waiter 係一個妹妹來既,笑容好又勤快.fill水又快,聽佢講係part time.但佢都比人感覺到佢好有passion,值得一讚.

趁住新工未開工，就去 D 遠少少既地方食飯。

聽聞錦田有間咖喱好好食，咁就上左去了。

有 Lunch set，叫左兩個餐，有簿餅、春卷和飯，大致食評如下: 簿餅: 又熱又香脆，牛油味沒有出面的濃 (其實我覺得係出面既太濃，所以呢度岩岩好)。

用黎點汁就一流 春卷: 係迷你版來的，細細條，料唔多，但個皮幾鬆化。

咖喱雞: 佢 d 咖喱有大辣、中辣同埋唔辣比你揀。

(唔辣即係少辣) 要左唔辣，佢唔會那喉，但帶着相當既椰味，好香好濃。

而薯仔同雞都好入味。

咖喱羊: 呢隻咖喱有少少唔同。

椰味冇咁重，會比較鹹少少.. 個人喜愛咖喱雞果隻咖喱多 d 。

而羊就煮得好夠稔，同埋唔羶，好羊者可以一試。

餐飲要左凍檸茶，要左少甜.. 但依然都係好甜.. 可能佢慣左手勢，所以落埋糖槳。

如果可以既話，希望係長假完畢前再去多一次。

沙查亨餐廳餐單提供印度菜, 西餐廳等推介美食位於元朗區，餐廳座位數55人均消費約$50以下，結賬可以用現金。

您對於元朗餐廳「沙查亨餐廳」有何 comment？

沙查亨餐廳餐廳詳細資料：

• 沙查亨餐廳地址:
  元朗錦田大馬路(城門新村)90號地下
  Shahjahan Restaurant, G/ F,90 Shing Mun Sun Chuen, Kam Tin, Yuen Long
• 沙查亨餐廳電話:  
• 沙查亨餐廳價錢: $50以下
• 分類: 印度菜, 西餐廳
• 座位: 55
• 付款: 現金
• FB專頁: 沙查亨餐廳 Facebook

更多沙查亨餐廳相關資料:

• 沙查亨餐廳分店
• Youtube
• Facebook
• Twitter
• Google