旺記餐廳 元朗

旺記餐廳 評價 相片

早上9點25分左右去食早餐，一坐低等好耐先叫到野，大約9點30分，等到10點10分都未到，等左半個鐘有多都算，而我隔離嗰個9點55分到，就有野食，我去問隔離枱你叫既野食啱唔啱有無黎錯？因為照道理點都係我先過佢啦，佢話無錯，🤬😡火都黎，去問樓面啦，個樓面就話我咩都唔知，點我去問收銀，走去問櫃檯落左單未啦，點知收銀仲串到不得了，又話睇唔到我好忙既咩？又話問我都無用㗎，咁我就好嬲啦，咪問佢落左單未，跟住隔離個侍應態度一樣咁差咁答我未，咁既服務態度以後都唔會去呢間無禮貌，無質素，無服務既餐廳，不知所謂，其實我唔介意等，只係點解啱啱黎果個會有野食而我坐左半個鐘有多都未落單？

放假間中都會去呢到食早餐，選擇都幾多，而且價錢合理，而且好大，坐得舒服，食晚飯的小菜選擇都多了，有時懒得煮飯，近近地都會黎呢到食。

早餐通常我會叫沙嗲牛肉米線，熱奶茶不錯，與其他茶餐廳無麥分別。

38下午茶算便宜， 但無諗過少餸到咁， 半塊叉燒加一茶匙蛋炒成碟飯你食， 好似食白飯咁，又乾，吞落去都塞喉嚨， 食完好似無食過咁， 要去第二間再食， 咁無heart， 要blacklist

今日既晚飯，去左元朗洪福邨的旺記食飯。

入面好大好多座位，星期日夜晚7：30繁忙時間去到都唔洗等位，立即有得坐。

我地2個大人+2個小朋友，叫左2個餸，京都豬扒和涼爪抄排牛肉，另外仲叫左碗肥牛米線。

京都豬扒酸酸甜甜好啱我胃口。

苦瓜亦係我至愛，雖然炒得有點苦，但我食得苦。

每個餸加10蚊會有一碗湯和飯，個湯係蓮藕紅蘿蔔豬骨湯，飲落都ok。

肥牛米線係專叫比小朋友食的，早排黎食下午茶第一次食呢個米粉，佢地就愛上左啦。

不得不提，上次下午茶我叫呢個吉列豬扒拼西多士，見到咁厚既西多士我立即眼前一亮，好開心咁食完。

但件吉列豬扒就唔得啦，好乾好乾好乾，差唔多成件無食。

另外當時同時叫左個干炒牛河，好油好油，我咁愛食肥豬肉都頂唔順。

總結黎講，呢間餐廳有好野食亦有唔好既野食，祝大家好運! 今晚餐飯埋單，叫左3樣野4個人食，平均每人約45元。

平時多數自已煮既我, 因過年前係屋企大掃除, 中午就同老公兩個落樓下食算啦, 雖然近, 但因為除非返工, 係屋企就好少落街食, 見呢間最近轉咗手, 咪入去試下, 入去就是旦係叫咗係午餐度揀, 我叫咗個咖哩魚塊飯, 我老公就叫咗個炒河(因早兩個幾月前, 唔係記得佢叫個乜炒河, 但都係當日既午餐). 當時天氣都叫做有D凍, 我個飯到先, 個飯只係叫做暖, 仲要個碟同圍都好多水, 下邊有D飯都比D水浸過, 個咖哩都唔熱, 亦無唔夠咖哩味. 到我老公炒河到, 都一樣只係暖, 亦都係冇乜味. 天寒地凍, 食物冇味兼唔夠熱, 真係叫人點食? 唉.......洪水橋真係冇乜邊間好食, 搞到我煮少餐都唔得, 真可憐

旺記餐廳餐單提供港式, 茶餐廳, 冰室等推介美食位於元朗區，餐廳座位數100人均消費約$51-100，結賬可以用現金，Booking訂位可以電話致電 26699639 查詢。

您對於元朗餐廳「旺記餐廳」有何 comment？

旺記餐廳餐廳詳細資料：

• 旺記餐廳地址:
  元朗洪水橋洪元路1號洪福商場地下8號舖
  Mong Kee, Shop8, G/ F, Hung Fuk Shopping Centre,1 Hung Yuen Road, Hung Shui Kiu, Yuen Long
• 旺記餐廳電話: 26699639
• 旺記餐廳價錢: $51-100
• 分類: 港式, 茶餐廳, 冰室
• 座位: 100
• 付款: 現金
• FB專頁: 旺記餐廳 Facebook

更多旺記餐廳相關資料:

• 旺記餐廳分店
• Youtube
• Facebook
• Twitter
• Google