新豪記火鍋小廚 元朗

新豪記火鍋小廚 評價 相片

上星期朋友生日，天氣唔太熱，我地去左呢間火煱店打邊爐慶祝。

我們我朋友之前食過幾次，同我講話d野幾好食，同理d料好新鮮，所以帶我去試吓。

果然無介紹錯喎。

我最欣賞個湯底，係皮蛋芫荽湯，好味得黎又唔咸，食完完全唔口喝，直得推介。

主要配料方面，我地點左牛柳粒、牛尾、牛拍葉、鵝腸、重有半隻雞添！其餘係皇帝菜、娃娃菜、雞子芝士腸其他配料。

總之樣樣都好食。

完來店度重有燒烤可以叫，後尾我地重叫咗燒羊架，都算ok!

今日本人生日,約埋一家大細,去咗新開火鍋店try try!最期待炭爐火鍋,燒烤!不過店主話開鋪初期食環署掃得好勁,所以通常9點後先有得開炭爐!經我苦苦哀求,店主差小小時間都肯開爐比我地!我地先叫咗豬骨湯底,都好多料我老豆最鍾意!蟶子皇真係好得,我地有火鍋都有用嚟燒烤,其他都有試,店主推介雲吞,都唔錯好多蝦!不過有時人手唔夠,就要等好耐先有人理!不過食物環境都好,有得食有得玩,值得再嚟

因為朋友推介,話朗屏天橋下面開左間火鍋店好新鮮,於是我地一行十人收工後便立即去試一試呢間新店,順便幫好同事CAMMY慶祝生日,我地去到等左大約30分鐘,唔知道是老闆定伙計在等位期間已經熱情地為我們推介店舖之食品,我們共點了二個鍋底..1.)牛尾鍋 (本來以前係西餐廳橙色) 但原本是白色的..很特別 2.) 豬骨鍋 (竟然係用細細舊的豬軟骨, 幾特別)另配料推介 : 手切肥牛 (正正正!!!)自製雲吞 (足料)新鮮鵝腸/ 新鮮粉腸/ 新鮮鷄腸(好小係街可以食到) 仲有BBQ TIM ...HAHAHAAAA可惜冇攞相機, I PHONE 影太黑了下次我會再去, 一定會POST D 相比大家睇

又到星期四，又是食在元朗的日子﹗友人話最近呢頭開左間新開既火鍋，味道亦要幾好，梗係唔執輸去試下啦﹗店名新豪記﹗初四先開，地鋪，鋪內大約有六至七張枱，入夜八點左右可以開出大街﹗雖然係新開，不過見七點幾已經有不少食客等位呢﹗新開未有酒牌，我地又咁岩買定兩支紅酒，大派用場﹗惠康三溝紅酒，$88兩支﹗即開即飲，簡單飲下味道是不錯的﹗呢度玩碗仔飲酒，啤酒就試得多，用碗飲紅酒都係第一次﹗打邊爐最緊要梗係肥牛啦﹗極品手切肥牛﹗$168睇落o的紋理很不錯﹗油脂分明亦平均滿佈﹗牛味濃，亦軟熟，不過偏薄身，口感不足﹗而一碟切雙飛只十片亦偏貴呢﹗湯底點了最平的蕃茄薯仔湯，除了鮮茄外亦加入了茄膏，味道濃郁﹗豆卜釀雙滑﹗$38一面是釀上鯪魚肉﹗另一面釀入墨魚膠，豆卜吸收了湯底的精華，味道不錯﹗小食試了椒鹽豆腐﹗炸得火喉很好，外脆內軟，不過豆腐味道略遜，豆味不足﹗手打墨魚滑﹗$88﹗墨魚滑只薄薄一層，十分細碟，$88貴了點吧﹗有墨魚香彈牙，但口感偏粉，如果可以再多o的墨魚粒會更好食﹗大蜆﹗$68新鮮，灼開口即食十分甜美，又係得六隻偏少﹗友人話上次來一碟有十隻呢﹗份量縮水﹗蟶子王，$30一隻﹗唔算十分大隻，但味道極鮮美，咬下盡是海鮮的濃甜，一隻已令人回味無窮﹗紅酒飲完，轉酒吧﹗飲黑啤﹗安格斯牛粒﹗$148﹗只得9粒﹗大家睇相，有幾粒真係全肥，見佢又貴又咁既質素，即時向老闆投訴﹗老闆話尐客鍾意食肥喎﹗我話鍾意都唔會八成肥嘛？？？咁同佢講完佢都好有禮地為我地換過一碟﹗牛粒待灼熟後牛味濃郁多汁，有脂香﹗但$148只得9粒，真的貴得很，市區吃到這質素與份量頂多值$88左右﹗最後叫了籃雜菇當菜食﹗正﹗整體來說味道不錯，材料亦新鮮，但價錢明顯偏貴，埋單位位$250，因未有酒牌所以未計酒水﹗這價錢可吃到佐敦不倒翁呢﹗入夜有炭爐供應，是貴了點，如份量可多加少少，這店應是笑臉的呢﹗

新豪記火鍋小廚餐單提供港式, 火鍋等推介美食位於元朗區，餐廳座位數60人均消費約$201-400，結賬可以用現金。

您對於元朗餐廳「新豪記火鍋小廚」有何 comment？

新豪記火鍋小廚餐廳詳細資料：

• 新豪記火鍋小廚地址:
  元朗俊賢坊權益大樓地下12號舖
  Ho Pig Hot Pot, Shop12, G/ F, Kuen Yick Building, Chun Yin Square, Yuen Long
• 新豪記火鍋小廚電話:  
• 新豪記火鍋小廚價錢: $201-400
• 分類: 港式, 火鍋
• 座位: 60
• 付款: 現金
• FB專頁: 新豪記火鍋小廚 Facebook

更多新豪記火鍋小廚相關資料:

• 新豪記火鍋小廚分店
• Youtube
• Facebook
• Twitter
• Google