新記煲仔雞粥 元朗

新記煲仔雞粥 評價 相片

之前見到食評同有200幾個LIKE諗住應該都吾錯,可以試下.   叫了好多野食, 滿心歡喜等外賣送來, 點知一打開盒, 極度失望, 未食睇個樣都知否會好食.   我地叫了貴妃雞粥 (粥還可以, 但D貴妃雞好似斬碎件咁, 得D皮同骨, 得1件係比較正常少少) , 豉油皇炒麵 (又乾又梗, 麵質又極幼，無乜味) , 蜆介鯪魚球 (魚肉有點腥) , 及弟粥 (粥還可以) , 香脆油條(可入口) , 炸蘿蔔糕 (無味, 好似食緊一嚿好厚面粉煎出黎既野咁) , 子薑皮蛋(乾到吾識形容) , 片肉炒烏冬(超喊, 得豉油味) , 海蜇薰蹄(史上見過最差既海蜇薰蹄, 海蜇乾淨淨薰蹄好大嚿,件件肥膏肥到你都吾敢放入口) 和 鮮蝦腸粉 (一般, 叫做入得落口),  成餐午飯叫左$409, 但食物質素$100都嫌比多了.  成餐飯最後只係食左D粥,少少蘿蔔糕,腸粉同油條其他真係完全啃吾落, 已將這店列入黑名單, 再無下次.

今日放工入去元朗新記到食嘢幾年前去過好多人排隊而家依然一樣...今日等咗15分鐘就可以坐低叫嘢食😬佢哋最出名嘅雞粥必叫今日我叫咗貴妃🐔粥、蜆介鯪魚球及海蜇手撕雞😋鯪魚球最快上枱大大粒但唔夠熱我覺得不過不失冇以前咁好味😌跟住就係佢哋最出名煲仔🐔粥上枱新鮮滾熱辣貴妃雞肉質嫩滑真係好好味呀📣粥又好綿好入味真係冇浪得虛明👍🏼👏🏻食過之後回頭率好高😍係值得搭車入嚟食嘅粥品🙌🏻不過今次最驚喜係海蜇手撕雞😍海蜇好似橡筋咁煙靭再配合埋手撕雞絲及甜甜哋小小辣嘅汁醬真係食到停唔到口🤤但係我掛住食唔記得影相🤭🙄之後重忍唔住叫多個打包返屋企同家人分享🤣雖然山長水遠入到黎但我覺得值得😎

雞粥 聽到都漏哂口水 腦裏面會諗到一堆炸兩腸呀 炒米粉呀 叉燒腸呀既野食今日同老公黎食粥 係時候清清腸胃 坐低感覺環境唔係好衛生 張檯污糟好似無抹咁 唔緊要啦 搵好野食就唔理了黎到梗係食佢既招牌貴妃雞粥 我地仲叫左個炒面 炸兩腸 海蜇手撕雞 先黎左個海蜇手撕雞 味道又幾特別 有麻醬麻油去撈既小食 幾唔錯 海蜇好多 手撕雞較少 兩樣都好食 炸兩腸黎了 係凍既🥶 炸兩凍既真係好難食 唯有陣間等個粥到左就浸一浸熱佢黎食炒面 都係凍既🥶 我唔係叫外賣喎 唔expect d野凍冰冰囉 同埋好咸 又無料 比條芽菜/火腿睇下都無貴妃雞粥黎喇 果然無令我地失望 真係好好食 好香雞味 d精華去哂個粥度 粥好夠綿 雞都滑既 唔錯唔錯

呢排天氣凍咗好多，咁啱係元朗見到新記雞粥，一係食熱辣辣生滾粥都好喎，食完應該會暖笠笠，裡面有位又坐得鬆動，啱晒！好，坐低睇下有咩好食先。

貴妃雞粥，個粥底好綿，面頭有雞油，煲到將成個雞味迫晒岀黎，仲有好幾件雞件，碗粥好夠份量，食粥都好夠飽。

炸蘿蔔糕，炸得好香脆，裡面蘿蔔糕就有絲絲口感，呢個炸蘿蔔糕好食過煎嘅。

海哲手撕雞，帶少許麻辣味，海哲爽口，雞絲啖啖肉，非常惹味菊花蜜，冬天乾燥，飲番杯菊花蜜潤一潤。

今日嚟到元朗當然要試吓呢度馳名嘅新記雞粥，雖然市區都有開分店，但係正宗嘅當然要嚟感受下！雖然只係黎食早餐，但已經叫到一枱都係！貴妃雞粥，一碗有好多件雞，雞肉嫩滑，一啲都唔鞋口，而且粥底有淡淡的雞油香，果然名不虛傳！馳名海鮮粥，另一款餐廳推介，海鮮粥有好多海鮮，帶子、蟹呢啲唔少得，海鮮鮮甜，蟹膏唔少。

紅燒脆皮乳鴿，即叫即炸熱辣辣，皮薄肉嫩。

XO醬炒蘿蔔糕，好惹味，如果蘿蔔糕稍為脆皮少少，口感會更好！

新記煲仔雞粥餐單提供港式, 粥品, 茶餐廳, 冰室等推介美食位於元朗區，餐廳座位數未知人均消費約$51-100，結賬可以用AlipayHK,支付寶,現金，Booking訂位可以電話致電 24425129 查詢。

您對於元朗餐廳「新記煲仔雞粥」有何 comment？

新記煲仔雞粥餐廳詳細資料：

• 新記煲仔雞粥地址:
  元朗又新街60號地下D2號舖
  新記煲仔雞粥, Shop D2, G/ F,60 Yau San Street, Yuen Long
• 新記煲仔雞粥電話: 24425129
• 新記煲仔雞粥價錢: $51-100
• 分類: 港式, 粥品, 茶餐廳, 冰室
• 座位: 未知
• 付款: AlipayHK,支付寶,現金
• FB專頁: 新記煲仔雞粥 Facebook

更多新記煲仔雞粥相關資料:

• 新記煲仔雞粥分店
• Youtube
• Facebook
• Twitter
• Google