新沙洞大排檔 元朗

新沙洞大排檔 評價 相片

🌃 餐廳為韓式料理店，位於元朗鳳攸街， 鄰近於元朗港鐵站A出口， 餐廳以韓國路邊攤設計，以色彩繽紛嘅配色，有著滿滿嘅大排檔風味， 簡直好似去咗韓國一趟， 四周都十分適合打卡，*最後相片有彩蛋男廁風情*。

.🥗 石鍋烤五花腩配蔬菜拼盤💲258👉 一份有十多件厚厚嘅五花腩，本身已經熟透，經過石鍋煎香後， 微微嘅焦香同埋油脂香氣一次過出曬嚟😋， 跟住可以包住各款蔬菜配料一齊食， 層次感十足。

.🧀 炸甜薯芝士條💲68👉 外面炸得金黃香脆， 內裏有種香甜軟糯嘅感覺，仲可以拉到長長嘅芝士拉絲，食得又玩得🤣.🍝 韓式炸醬麵💲98👉 有着豐富嘅肉粒、 青瓜絲、 洋蔥同埋煎蛋，加上鹹甜交雜嘅炸醬撈埋一齊食，十分之惹味😋.🍶 原粒蜂巢蜜米酒💲98👉 有一壺米酒，係二人份量， 另外配有兩個原粒蜂巢蜜嘅酒杯， 米酒本身已經帶有清甜嘅味道， 待蜂巢蜜慢慢溶化之後，味道更加甜更易入口😍.🍺 漢江淡啤手工啤酒💲48×2👉 藍色帶有過果香味，紫色帶有花香味， 飲落幾smooth同埋易入口。

.📍 新沙洞大排檔元朗鳳攸南街3號好順景大廈地下3號舖.=====================.*此價格只供參考及以當時為準，實際價格或會與本文章有所差異。

之前見到Oyan 介紹已經好想去架啦, 但係大角咀對我黎講真係有點唔方便,好在佢新開左間係元朗雞地個頭, 就即刻去食。

想食既韓國野佢都有齊, 價錢仲唔係太貴。

韓式五花腩配生菜包 $147> $129(加麻油紫菜包飯 +$18)叫完先知原來係元朗店限定, 仲要我地星期一晚去有優惠變左$129(星期一至四晚都有優惠)本以為佢係煎完上黎, 點知佢上左個石頭鍋, 裡面就係五花腩, 可以按番自己中意既既熟度再煎, 又幾得意。

海鮮蔥煎餅$158外面煎得好脆, 煎餅既餡料都好足,有魷魚, 蔥, 蛋, 冇咩麵粉味, 仲要切好哂上, 方便分享。

醬油八爪魚配沙律菜$88八爪魚完全冇腥味, 整體好清新韓式水冷麵$98係韓國既水冷麵呀, 唔夠酸佢地仲俾左樽醋自己加。

麵條同韓國既都係一樣都係幼麵, 麵質唔會太硬又彈牙, 仲有大量青瓜絲, 食完五花腩同煎餅再食呢個冷麵, 真係好爽。

·甜薯芝士條 $68佢唔得個名, 裡面真係甜薯, 芝士仲要拉到絲, 好過癮。

甜辣醬年糕香腸串$68甜辣醬好濃郁, 但又唔會過咸, 年糕同香腸都煎香左, 食左半條已經飽左。

招牌原粒蜂巢蜜米酒 (2人份)$98一黎睇到menu 已經知一定要叫, 除左個樣夠特別, 裝米酒既酒樽仲要好古色古香。

首先會上左酒杯同一粒蜂巢蜜, 等佢慢慢滴蜜糖落杯到再加米酒飲, 當然蜜糖味唔會好重, 但係玩味重。

最後我係成粒食左, 好有咬口唔太甜又幾好食。

桃味燒酒特飲 $98第一啖飲落會覺得好甜冇咩特別油味, 但係睇真D, 就會見到個底其實仲有好多桃粒, 搖一搖再倒出黎,會冇咁甜之餘仲會食到一粒粒新鮮既桃粒, 岩哂中意甜味既人。

店舖睇落唔算大, 原來都有VIP 房可以book, 有埋音響, 岩唒一大班人去食同玩。

仲有半戶外地方可以帶狗仔一齊食。

環境好eye catching , 好似精緻版既布帳馬車, 裡面仲有好多充滿韓國元素佈置, 一秒去左韓國,係個好好既體驗。

💖新沙洞大排檔✨元朗鳳攸南街3號好順景大廈地下3號鋪〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️呢一間分店勁多學生嚟，我見都有人book佢哋嘅特色vip房，坐得落佢哋10幾人，仲有音響設備🫶🏻呢間分店同大角咀個間唔同，有特色小食、菜式同酒精飲品🍺原來佢哋大角咀嗰間舖而家做緊開張優惠，招牌醬油拼盤 有半價🤩拼盤有好多嘢食㗎‼️招牌醬油蟹、醬油蝦、麻油紫菜飯‼️韓式辣豬肉紫菜飯卷🌯 $68最鍾意就係食韓式飯卷，因為覺得佢哋好足料🤫又有泡菜、豬肉、酸蘿蔔、紅蘿蔔絲、青瓜絲等等嘅材料一個價錢就已經有差唔多有8️⃣舊。

另外仲配埋沙律菜、炸芋丸、炸餃子同埋湯。

成個餐都幾抵食，而家仲要唔使加一😚韓式牛肉配炒粉絲🐮 $78牛肉已經醃好咗，食落去有少少似吉野家牛肉飯嘅味道👅。

粉絲、菜同玉子都炒得好乾爽。

我自己都幾鍾意😊我終於知道點解啲學生會嚟呢度食飯啦，因為有學生優惠🙈真係好抵食。

韓國檸七🥤 +$8清爽嘅鹹檸七，真係夏天最愛🧊韓國粒粒提子🍇 +$8我就最鍾意啲嘢飲有咬口，所以呢度有提子粒粒果肉，啱晒我🤫想繼續睇我分享唔同嘅嘢就𝓯𝓸𝓵𝓵𝓸𝔀 𝓶𝓮 @gladysfoodie如果大家有其他餐廳推介可以𝒟𝒾𝓇𝑒𝒸𝓉 𝓂𝑒𝓈𝓈𝒶𝑔𝑒📩

之前去過新沙洞澡堂食印象幾深刻，佢哋新開左新沙洞大排檔元朗分店啊🎉 裝潢同氛圍都令人覺得好似去左韓國啊😭😍仲有元朗限定菜式同特色酒類～行到最入仲有特色VIP房，可供812人訂座😍有得唱K😱服務態度100分極度親切有禮😎 本身已經熱熱地🔥點知店員安排左我哋入去VIP房入座(咁啱無人book), 個位又舒服，成晚一路食一路聽住歌🤤 vibes好岩同朋友傾下計飲下酒🍻 門口位仲要petfriendly🐶新沙洞芝士部隊鍋 $288其實石鍋烤五花腩同牛肋骨鍋都勁吸引🇰🇷 但係忍唔住叫左部隊鍋 🍲 份量勁大夠哂23人食🔥 配料豐富到不得了🥰 年糕、午餐肉、泡菜、豆腐、香菇、餃子、五花腩、蟹棒～精粹當然係拉麵同埋融化左嘅芝士🧀每啖微辣又惹味😌 水冷麵 $98另外推薦水冷麵🍜冷麵爽口清新，除左青瓜同蟹柳絲，絕對少不了清甜嘅梨片🍐 欣賞辣醬同醋都係另上，可以自己調較味道😚炸蝦芝士紫菜包飯卷 $108炸蝦芝士紫菜包飯卷都有驚喜 🫶🏻Kimbap 比較少見有配炸蝦🍤 呢個炸蝦做得相當香脆😍中間仲有青瓜、蘿蔔、牛膀絲、蛋絲、酸瓜等等可以解下膩～ 粒粒提子汁 $18 | 粒粒桃汁 $18飲品揀左果汁類都不錯🍹原本勁想飲佢地嘅原料蜂巢蜜米酒的🍻可惜揸左車下次希望有機會試下😎Menu

由大角咀開到入元朗，🇰🇷韓式復古風大排檔新沙洞大排檔同樣有地道韓國氣氛嘅打卡點，元朗店更有間特色vip房，提供比812人訂座，內有音響設備👍🏼可以帶毛孩狗仔🐶一齊用餐，開party 觀啱晒但記緊要預先同餐廳講聲啊⚠️❣️重要野元朗店7月份新推廣❣️醬油蟹優惠 $168(原價$248)呢個價包麻油紫菜飯，抵食👍🏼環境新淨舒服，大電視播放著KPop MV上次飲左招牌原粒蜂巢蜜米酒，今次就試下元朗特別加嘅韓國啤酒🍻韓國人氣手工啤酒SPARKLING燒酒漢江(麥味）江西(花果香) $48推介:⭐️⭐️⭐️⭐️兩款都意外滿意👍🏼 香口帶5.2% 酒精量，甘口同酒平衡可口😋元朗店限定菜式:🥬🐽石鍋烤五花肉配生菜拼盤 $258推介:⭐️⭐️⭐️⭐️店員推介嘅元朗店招牌菜之一，呢個月重做梗半價優惠🫶🏼真心抵食，石鍋上檯內裡的五花腩已經炆熟左，加火再煎香保持暖肚感，肉質厚薄適中，3個人食都夠哂份量，當煎香左肉層的肥膏後有入口即溶潤滑感，再用生菜加配料一齊包住食。

另外建議可以加$18麻油紫菜飯🍚店員會幫手加入紫菜飯及韓式醬料，再在用五花腩剩低豬油在石鍋內炒起，與生菜包一齊食係唔錯嘅配搭。

🧀甜薯芝士條 $68推介:⭐️⭐️⭐️四大條芝士拉絲吸引，甜番薯香甜味特出，夾埋落香滑芝士味道係個新味覺體驗。

🍝韓式牛肉炒河 $108推介:⭐️⭐️⭐️大量蛋絲放上面，下層有大量牛肉片濕炒河粉，誠意十足又夠飽肚，十分推薦。

整體餐廳氣氛同各款味道都可以，小編就覺得大角咀味道上稍為優勝，好期待佢地會開多兩間分店，分佈埋九龍東或港島區比多d 人認識🎉

新沙洞大排檔餐單提供韓國菜, 韓式炸雞, 韓燒等推介美食位於元朗區，餐廳座位數未知人均消費約$101-200，結賬可以用Visa,Master,AlipayHK,支付寶,現金,八達通,銀聯,Apple,Pay,Google,Pay,BoC,Pay,微信支付,OpenRice,Pay,雲閃付，Booking訂位可以電話致電 26666908 查詢。

您對於元朗餐廳「新沙洞大排檔」有何 comment？

新沙洞大排檔餐廳詳細資料：

• 新沙洞大排檔地址:
  元朗鳳攸南街3號好順景大廈地下3號舖
  Sinsa-dong Pocha, Shop3, G/ F, Ho Shun King Building,3 Fung Yau Street South, Yuen Long
• 新沙洞大排檔電話: 26666908
• 新沙洞大排檔價錢: $101-200
• 分類: 韓國菜, 韓式炸雞, 韓燒
• 座位: 未知
• 付款: Visa,Master,AlipayHK,支付寶,現金,八達通,銀聯,Apple,Pay,Google,Pay,BoC,Pay,微信支付,OpenRice,Pay,雲閃付
• FB專頁: 新沙洞大排檔 Facebook

更多新沙洞大排檔相關資料:

• 新沙洞大排檔分店
• Youtube
• Facebook
• Twitter
• Google