敘亨軒海鮮火鍋 元朗

敘亨軒海鮮火鍋 評價 相片

去元朗個friend屋企玩, 佢話10pm後打邊邊有6.9折.去到都等左陣... 可能weekend又真係多人d, 朋友話好食, 點都要等下.叫左個瑤柱湯底, 有瑤柱, 4大隻雞腳, 好多mushroom, 同埋東瓜~ 好足料!!出名個魚皮, 幾熱氣都要食咁wo,上台時係又熱又脆, 厚度適中, good!脆鯇腩係真材實料, 都夠fresh!9菜餃, 夠多9菜, 一咬開9菜既味即時湧出!另外仲叫左黑豚肉忘記左影相... 厚薄剛好!waiter/es都好自動自覺~中途仲見有客比500 tips! 朋友真係無介紹錯!

食得太多任食, 想食好d就食逐碟叫點左個2人set dinner有 sashimi, 肥牛, 雲吞,水餃,炸魚皮,炸魚皮另外再叫左脆肉鯇等出名炸魚皮出來時仲熱同脆ga, 正ar!牛肉都有料到, 唔係普通野, 好有牛味!! waiter/es 都好好, 會自動波幫你加水, 落魚/蝦滑 同都好有禮~成個experience, 由presentation, services, enviroment 都好好, 當然$$都唔平la, 但係YL都可以有e d quality其實真係意想不到! 

中秋節前一星期加上星期日去元朗區食晚飯(中菜或火鍋)......... 交通廣場內酒樓及富臨.....想等都勁多人.之後大家就提出意見去邊度食~ 有人記得睇飲食男女, 敘亨軒(敍)廣告, 咁即刻打嚟book枱~ 仲有位, 原來好近, 8~10分鐘腳程到左~湯底 藩茄薯仔同芫茜皮蛋都應該係豬骨湯底, 湯顏色奶白, 有肉味~唔錯.手切肥牛 好新鮮, 8人餐有2碟, 睇相~ 不解釋.活魚刺身 分左3款做法, 薄切+細細件+切幼條撈薑蓉, 各有不同~ 好鮮味, 爽口.刺身拼盆 甜蝦, 八爪魚, 北寄貝, 立魚, 希靈魚~ 勝在有5款 我覺得夠新鮮夠凍, 一定好食~ 得!另外蝦滑, 墨魚滑, 四寶丸, 水餃, 雲吞, 魚皮餃~ 都係好味既. 炸魚皮(又熱又香又脆), 另加左個炸魚片頭都係熱辣辣好味呀! 前菜炸菜鴨腎片 OK小食 炸茶樹菇, 炸得又香又乾身, 好好食~

元朗雞地已變為食街，火鍋亦唔止一間之前試過雞煲、酒樓果D任食今次試下新野可能要上樓同埋成九點o既關係上到去唔太多人，地方感覺乾企理待應亦算友善，唔會答得好HEA又唔會答你一句後滾水淥腳咁走咗去坐低已有生薑皮蛋做前菜於是叫啲基本野如 : 肥牛、雲吞、水餃、炸魚皮、蠔、脆肉鯇、烏冬等等炸魚皮拿出來時仲熱同脆，唔淥即食都覺好食牛亦夠淋夠味埋單每人三舊幾，相比任食果啲不論環境及食唔都好好多

如果唔係樓下企位姐姐熱情招攬都見唔到有樓梯上.前身係優豪方火鍋, 所以裝修都冇咩大改變.上到一樓分左兩邊, 一邊火鍋一邊日本野.坐底會有兩隻是油碟, 一隻係點刺身一隻打邊爐.第一次去邊爐個醬料盤係咁乾淨, 唔會痴笠笠叫左個醉雞湯底 AROUND HKD88好重藥材味, 重到有DD苦澀=_=不過雞肉好味! 有彈性唔似冰鮮雞  GOOD三人入座即送活魚剌身牛柳粒   HKD288咁既價錢X咁既份量好明顯係偏貴, 但真係入口即溶!勁"淋"又冇根(最怕係咬勁都咬唔開,失敗)   GOOD本地手切牛肉 (唔記得價錢..)同牛柳粒比就"UN"左小小, 而且一小部份有根   OK另外要強烈推介炸魚皮(SORRY冇圖)炸魚皮一上枱好似啱啱炸起咁脆, 唔油又唔似隔夜. GOOD最後要讚下由帶位到上菜每一位員工,個個都好好笑容,好禮貌又勤力, 上菜&收碟快又乾淨!食都食得開心D啦

敘亨軒海鮮火鍋餐單提供港式, 火鍋, 海鮮, 海鮮酒家等推介美食位於元朗區，餐廳座位數138人均消費約$201-400，結賬可以用Visa,Master,現金,銀聯。

您對於元朗餐廳「敘亨軒海鮮火鍋」有何 comment？

敘亨軒海鮮火鍋餐廳詳細資料：

• 敘亨軒海鮮火鍋地址:
  元朗鳳攸南街9號好順利大廈1樓
  Chui Hang Hin Seafood Hot Pot, R M1,1/ F Ho Shun Lee Bldg9 Fung Yau Street South, Yuen Long
• 敘亨軒海鮮火鍋電話:  
• 敘亨軒海鮮火鍋價錢: $201-400
• 分類: 港式, 火鍋, 海鮮, 海鮮酒家
• 座位: 138
• 付款: Visa,Master,現金,銀聯
• FB專頁: 敘亨軒海鮮火鍋 Facebook

更多敘亨軒海鮮火鍋相關資料:

• 敘亨軒海鮮火鍋分店
• Youtube
• Facebook
• Twitter
• Google