寶島宴棧 元朗

寶島宴棧 評價 相片

我同屋企人去開元朗, 都常常會去幫襯E間餐廳 今次我叫左個鮑魚雞絲炒飯, 當然, 係仿鮑魚既鮑魚啦 雖然E間餐廳係台式餐廳, 但係佢D炒飯炒得好有鑊氣, very good平時都有食開佢D肉燥飯, 都幾好食, D肉燥俾勁多, 而且仲有少少菜, 肉燥夠香濃, 正!!! 埋單兩個人都係接近100蚊, 但係都算抵食

因為早兩日剝兩隻智慧齒，又腫又痛，搞到無哂胃口，又好唔開心..但今日，終於好點！因為寶島的朱古力吐司，胚芽奶茶實在太好味！雖然仲好牙痛，但係可以食到好味野，都開心左D！每星期都幾乎光顧既寶島，一貫作風都係態度唔錯，食物同飲料都有水準既餐廳！數月前的某天開始光顧後，就一直都無再去XX知味食！！今日同男朋友叫既有：（1）我：朱古力吐司＋熱胚芽奶茶走甜（2）佢：西多士＋凍胚芽奶茶真係好好味架！而且之前食椰香吐司都唔錯！亦有試過紅燒牛肉米線，牛𦟌台灣麵等等等等！都推介！最好既莫過於杯奶茶，係台灣奶茶；而唔係某台式餐廳既港式奶茶！讚！所以，雖然食飯時間都會多人同要等位，但都會想去食架！！可能下次去，想嘗試既你，會遇見我地！：）

第1次到寶島食下午茶，其實知道呢間食店開咗好耐但都無咩機會幫襯，今次就試咗佢既滷水雞翼米線滷水雞翼好入味呀...米線仲加咗蔥花..不過得2隻雞翼，米線分量亦不多，男士應該唔夠食...檸檬紅茶(因為佢哋係咪茶餐廳嗰種凍檸茶既)味道都OK，不過好孤寒得一塊檸檬...下次叫小甜先....

酥炸雞翼米線：香炸雞翼只屬普普通通既貨仔，湯底好淡．台灣辣腸米線：食左都唔知究竟係原味定係辣味，一味得個辣字，有口感既．胚芽奶茶：原先係叫胚芽珍珠，無奈個落單員發緊夢，將錯就錯．檸檬紅茶：似係nestea牌子既即沖lemon tea，甜到死．

前晚和老婆去了千色廣場的寶島食晚餐, 這間寶島之前我們已經食過很多次了, 不過當時我還沒有寫食評的習慣, 所以沒有寫過它. 這兒很多東西我們都吃過了, 這次老婆點了咖喱雞飯, 而我則點了鹵水雞翼台灣麵.這裏的咖喱雞飯, 其實應該是叫咖喱雞扒飯才對, 因為它不像一般咖喱雞飯用不同部位的雞件, 然後加入咖喱汁內一起煮, 而只是將一塊炸香的雞扒切開數件, 然後加上咖喱汁而已, 所以嚴格來說, 並不是真正的咖喱雞飯. 正因如此, 用正常的標準來看, 這兒的咖喱雞飯不好吃, 因為連做法都不是那回事. 但如果你放下這點, 這兒的"咖喱雞扒飯"是絕對合格的, 雞扒炸得很香口, 而且亦很入味, 咖喱汁亦夠香濃, 唯一的缺點是不夠辣, 喜歡吃辣的人會覺得不夠辣味.鹵水雞翼台灣麵之前沒有食過, 估唔到這兒的鹵水雞翼竟然非常出色, 單從外表, 顏色已經極深, 食落口果然入味非常, 很多坊間的所謂鹵水雞翼, 只有表面的雞皮有鹵水味, 雞肉是偏淡的, 但這兒的不單只是雞皮, 連內裏的雞肉亦非常有鹵水的味道, 証明鹵水浸雞翼的時間夠長, 所以鹵水汁可以浸入肉內, 值得一讚! 台灣麵是第一次食, 之前都是食米線, 質感比米線稍為硬身一點, 但都算爽口, 食落有些似上海麵, 但我認為米線好食些.可能因為地點的關係, 所以這兒的價錢比一般的台灣麵店是偏貴些少, 但食物質素整體來說是唔錯的, 而且很多卡位, 所以經常都坐滿人, 我們久不久都會再來的.

寶島宴棧餐單提供台灣菜, 粉麵, 米線, 茶餐廳, 冰室等推介美食位於元朗區，餐廳座位數20人均消費約$50以下，結賬可以用現金，Booking訂位可以電話致電 24706011 查詢。

您對於元朗餐廳「寶島宴棧」有何 comment？

寶島宴棧餐廳詳細資料：

• 寶島宴棧地址:
  元朗教育路1號元朗千色匯地下G23-24及59號舖
  Precious Island Tea Shop, G23-24&59, G/ F, Kolour Yuen Long,1 Kau Yuk Road, Yuen Long
• 寶島宴棧電話: 24706011
• 寶島宴棧價錢: $50以下
• 分類: 台灣菜, 粉麵, 米線, 茶餐廳, 冰室
• 座位: 20
• 付款: 現金
• FB專頁: 寶島宴棧 Facebook

更多寶島宴棧相關資料:

• 寶島宴棧分店
• Youtube
• Facebook
• Twitter
• Google