客天下五榖魚粉 元朗

客天下五榖魚粉 評價 相片

中午放飯，同朋友一齊唔知食咩好，行行下就入左客天下餐廳，餐廳嘅座位闊落整潔，坐得舒服👍【招牌五穀魚粉$76】招牌五穀魚粉有3隻鮮蝦🦐魚片入口爽脆！🐟魚湯就是好簡單的淡淡魚湯味，一碗粉都有五六片魚片架！🍜五穀營養米粉，陣陣飄香，爽口彈牙，麵條好夠滑身，有3種唔同嘅顏色，色彩幾靚。

仲有豆腐同金針菇🍄，令五穀魚粉更加香~另外，你可以選擇唔同嘅粉麵及湯底，配料亦可以自由選擇，自由度高，選擇多。

【雞翼$28】雞翼肉滑皮彈，咬落去好多肉汁，大人細路都啱食，值得一試!😉整體而言，餐廳嘅菜式都比較清淡健康💪，又唔會太油膩，雖然價格偏高，但是有品質保證，份量也很充足，適合大小老幼😉

秘製三杯鴨夠味道，好香，唔會太鹹啱啱好，豆腐唔好食😂🤣酸同埋粗嗰啲肉有啲濃，建議嗰啲肉改為蝦米，豆腐改用嫩滑啲嘅客家鹹雞好好食，唔會太鹹啱晒香港人口味，蔥油豬肚都好食😋好香，三色米線顏色比以前少左，希望平均番啲顏色

星期日晚7:50去到得兩枱客，應該真係麻麻地不過唔理照叫嚟試吓落單後大約15分鐘先至上到個麵金湯酸菜漁粉微辣$45，金湯唔辣唔麻唔夠香，認真麻麻地，相信要中辣先會好d…酸菜唔酸冇乜味，五穀粉比較黏口，有少少糯米粉嘅感覺，魚係鯇魚比較多骨，麻麻地，仲要都腥腥地。

個人唔推薦食呢款🙇🏻‍♂️😅花甲肥牛粉微辣$45，4粒花甲唔算大粒正常size，冇沙味道還可以。

肥牛個味麻麻哋，平平無奇，微辣都係唔辣嘅，建議落一落佢枱面嗰個蒜蓉辣醬😅😅。

總結：中下，非常普通，有待改善，見到其他人叫飯類黎食，可能飯類好食d…..

佢既門面位置不算太醒目 有朋友食過話好食 就專門去試下 佢既店員係斯文後生仔 有d意外 感覺佢既裝潢應該大媽大叔企檔 地方明亮整潔 坐位都舒服 我叫咗酸菜魚五穀粉微辣 佢真係可以做到微辣 平時食開十小辣都覺辣飲唔到湯底 呢個可以飲到d湯 好正 佢話湯底係8小時淆製 感覺真係淆出嚟 飲晒都ok唔會之後口乾喉嚨痛咁樣朋友唔食辣既 佢叫咗原味湯底 牛腩五殼麵 佢都話個湯底正五殼粉好得意 有白色紫色咁 質地好滑 好鍾意 魚片係爽口果種 我個人就喜歡淋d果隻總括好鍾意佢d湯粉 會常回頭

這家店應該是最近幾個月新開的，由於疫情嚴重，目前只做外賣。

第一次試的是三杯鴨和客家燜豬肉，性價比超高，燜豬肉超入味，送飯之選。

而隔水蒸雞的雞肉肉質不錯，而配送的醬油亦超香。

之後亦試了韓式芝士烤豬肉飯，都好好味。

暫時好似沒食到唔好食的，現在這家店變成我每週外賣的必然之選。

客天下五榖魚粉餐單提供客家菜, 粉麵, 米線, 小食店等推介美食位於元朗區，餐廳座位數未知人均消費約$51-100，結賬可以用AlipayHK,支付寶,現金,八達通,微信支付，Booking訂位可以電話致電 39973981 查詢。

您對於元朗餐廳「客天下五榖魚粉」有何 comment？

客天下五榖魚粉餐廳詳細資料：

• 客天下五榖魚粉地址:
  元朗安寧路93-109號富祥樓地下4號舖
  客天下五榖魚粉, Shop4, G/ F, Fu Cheung Building,93-109 On Ning Road, Yuen Long
• 客天下五榖魚粉電話: 39973981
• 客天下五榖魚粉價錢: $51-100
• 分類: 客家菜, 粉麵, 米線, 小食店
• 座位: 未知
• 付款: AlipayHK,支付寶,現金,八達通,微信支付
• FB專頁: 客天下五榖魚粉 Facebook

更多客天下五榖魚粉相關資料:

• 客天下五榖魚粉分店
• Youtube
• Facebook
• Twitter
• Google