天澗居酒屋 元朗

天澗居酒屋 評價 相片

今日朋友帶我嚟到元朗一間幾有名氣嘅居酒屋享用晚餐。

🥂 店面裝修別具心思，帶有滿滿既日本風情，木系既小橋流水做配襯🪵，好似置身喺日本既一個小庭院咁🇯🇵🎋前菜方面：汁煮鮑魚🥢鮑魚咬落去爽口彈牙，醬汁用豆板醬混和而成，幾開胃，能夠帶出鮑魚嘅鮮味。

壽司：特盛壽司盛十二貫🍣江戶前玉子燒、拖羅蓉小卷、三文魚籽、鰻魚、牡丹蝦、北海道鮮帶子、大拖羅、中拖羅、金目雕、深海池魚、日本海膽。

我最鍾意係蒲燒鰻魚✨，鰻魚外皮帶有焦香、肉質嫩滑、蒲燒汁香甜；玉子質感細滑，咬落好似食緊蛋糕咁；拖羅油脂分布均勻、入口甘香，好好食。

🙂黑魚籽海鮮拖羅蓉卷🍣每件都好足料：黑魚籽鮮甜，咬落去有爆汁感覺；海膽同拖羅蓉入口綿滑，三者配合得唔錯。

串燒炸物：炸雞胸軟骨🐥呢款有別於平時嘅炸雞軟骨，用雞胸骨位置，比平時更加大舊，外層至內層都係脆卜卜、熱辣辣，口感一流！燒白鰻串🐟白鰻肥美厚肉，魚骨唔會太多。

主菜：沖繩苦瓜炒豚肉🐖優質的苦瓜，炒完先苦後甘；豚肉薄，油脂分布均勻，味美。

石鍋鰻魚飯🐟🍚我最近食過質素最好既鰻魚飯😍石鍋飯：此石鍋做到足夠嘅保溫效果，飯可以保持熱度，日本珍珠飯粒分明，放置一會兒已經做到飯焦效果。

🤩鰻魚：真正既爽彈，咬落去魚身有回彈，充滿膠質，魚油慢慢滲出，好好食，非常出色！😎👍🏻總括而言，如果想係元朗搵間坐得舒服，嘢食質素又唔錯嘅居酒屋，呢間會喺你嘅選擇🥳

今日同朋友去元朗食飯，見到呢間居酒居門面已經好吸睛，入到去餐廳日式裝潢，最吸睛天花板滿滿嘅🍁紅葉充滿日本風情，打卡一流，紅葉下品嚐美食另一番風味，感覺好幸福～✦北海道精選刺身拖羅 日本海膽 帆立貝 活北寄貝 白蝦海膽甘香鮮甜；拖羅油脂滿滿；帆立貝好厚肉；活北寄貝爽口鮮甜；白蝦肉質鮮嫩；每款刺身都好新鮮～✦松葉蟹甲羅燒配鱈魚片原隻蟹蓋釀滿豐盛食材，色彩繽紛睇見都流口水～有鵪鶉蛋、松葉蟹膏、蟹肉、蟹籽同蔥花，每一啖都非常濃郁、鮮味滿滿，加上鱈魚乾卜卜脆，微微炭香，口感層次更豐富，份量足夠二個人分享。

✦金龍卷 一上枱非常吸引，香脆炸蝦頭，蝦膏滿滿，金黃酥脆嘅炸蝦卷，無論口感、味道都好豐富。

✦雲丹天婦羅小卷脆卜卜嘅紫菜捲住紫蘇葉、海膽同壽司飯，香脆鮮味，入口不油膩，沾上咖喱粉更加香口。

✦海膽汁燒廣島蠔蠔肉大大隻好厚身，淋上滿滿嘅海膽汁，海膽嘅鹹香味帶出蠔肉鮮味，仲有菠菜解油膩感。

～串燒～全部串燒即叫即燒自家免治雞肉棒串外皮香脆，內𥚃內嫰多肉汁，沾上香滑蛋黃汁，好好食；燒白鰻串肉質厚身，外皮香脆，魚油極豐富；燒黑豚露筍串 薄薄嘅豚肉捲住新鮮嘅露筍，中和油膩感；燒雞腎串 雞腎好新鮮，粒粒彈牙，好好食～✦燒牛舌香濃嘅黑椒調味，牛味濃郁，入口爽口彈牙，正～✦沖繩黑糖燒菠蘿黑糖嘅香甜，菠蘿甜度清甜多汁，水份極多，可解油膩感，飯後水果一流～

元朗出哂名多野食，今次試咗一家充滿日本風情既居酒屋，天花板用左紅葉做裝飾，木系既設計令人覺得好舒服。

汁煮鮑魚鮑魚經過精心烹煮，口感鮮嫩有嚼勁，配菜汁煮蘿蔔超入味。

刺身今次試咗多款刺身，每一款鮮味十足，北海道帆立貝刺身肉質鮮美，口感細膩，活赤貝刺身肉質緊緻，活北奇貝刺身口感彈牙，金目鯛刺身肉質細膩緊實，口感滑嫩。

原條長崎網池刺身魚肉切成薄薄一片，晶凝通透，肉質彈牙有咬口，簡單拌以酸汁，提升鮮味，食哂刺身之後師傅會將魚頭同埋魚油炸至香脆，全條池魚都食得。

壽司盛十貫可以一次過試晒多款，最大亮點係江戶前玉子燒，用上魚、蝦、蛋煮，食落去有少許海鮮味；北海道鮮帶子、牡丹蝦壽司非常鮮甜，飯鬆軟，日本海膽壽司非常新鮮。

天婦羅試左2款 沙錐魚天婦羅同埋海蝦天婦羅，外層酥脆，内裡鮮美，炸完仍然保持juicy，讓人忍不住一口接一口。

＜老陳餅店聯乘>戚風蛋糕配雪糕（2球）伯爵茶味戚風蛋糕質地鬆軟，輕盈，散發住一股淡雅既茶香味，配兩大球濃郁嘅朱古力味雪糕球。

人多想靜靜地傾偈可以包廂，私人度勁高，餐廳入面酒類選擇好多，連好難買嘅響21都有。

📍「天澗居酒屋」 元朗今次食食食之旅黎到元朗😌放假梗係要食好西，👧🏻bookmark咗呢間居酒屋好耐架啦，今次帶埋👦🏻嚟食😎📷餐廳位於教育路，可以係元朗站轉輕鐵到豐年路站行過嚟，唔算難搵❗️餐廳裝修充滿日本🇯🇵居酒屋風格，有好多酒樽、天花仲掛滿楓葉🍁超靚🤩如果一班朋友仔/屋企人嚟食仲可以book 房，有私人空間咁就食得更放鬆😌上菜時staff 好仔細咁解釋食材同食法，仲會講解同坊間做法嘅分別，更顯用心😍🍴原條長崎網池刺身💰HK$258✨推薦指數：9/10首先個擺設已經好靚好岩打卡，原條長崎網池上，肉身已經切好一片片，厚薄均勻，仲卷成🌹，超有心思🤩食落肉質新鮮，口感細膩，配合埋特製嘅酸汁味道昇華到另一個層次😋魚頭仲可以拎去炸嚟食，食落脆卜卜幾特別😗不過炸耐多少少會更好，因為唔係所有部位都咬得開🤣🍴日本西川象拔刺身（半隻）💰HK$268✨推薦指數：9/10見到有新鮮嘅象拔刺身，即刻嗌嚟試試😍半隻份量都唔少，食落非常肉質爽口，staff建議落埋檸檬汁會更爽更fresh 😋🍴墨魚籽海鮮拖羅蓉卷💰HK$148✨推薦指數：10/10呢款有齊👧🏻中意嘅海膽同拖羅又點可以唔嗌❗️最特別係佢嘅拖羅蓉係每日新鮮拎返黎再由人手切成蓉，唔係買一早整好個啲，保持新鮮度🤩👍🏻呢度一份有4️⃣大件，壽司中間夾住拖羅，上面放上海膽、拖羅蓉同墨魚籽，整體顏色豐富🤩食落海膽新鮮creamy，拖羅蓉份量十足，食得超滿足😍🍴七色彩虹卷💰HK$128✨推薦指數：8/10呢款由多款海鮮刺身拼湊而成嘅卷物，色彩鮮艷，難怪叫「七色彩虹卷🌈」🤩📸海鮮分別有三文魚、赤身、平目魚、鰤魚、拖羅、三文魚籽得廿，中間夾住健康嘅牛油果🥑同蟹肉，層次豐富，配搭一流🫶🏻🍴炸墨魚咀💰HK$88✨推薦指數：9/10呢款有驚喜❗️墨魚咀粒粒漲卜卜，外層嘅炸粉非常薄，食落好脆口，咬入去仲juicy 唔會好乾身，肉質彈牙，點埋沙律醬更惹味😋🍴炸三文魚皮💰HK$48✨推薦指數：7/10三文魚皮幾薄身脆口，不過帶有少少油益味，就咁食比較重油味，點返沙律醬食會好啲😗🍴燒白鰻串💰HK$68✨推薦指數：7.5/10所有串燒都係即叫即燒，所以上到嚟係熱辣辣♨️白鰻燒得外皮脆口，將鰻魚嘅油份逼咗出嚟，咬落油份係口腔爆發，好惹味😆🍴自家免治雞肉棒串💰HK$38✨推薦指數：8/10雞肉打成免治雞肉串，食落非常有咬口，再將外層燒得香脆，連埋日本生蛋漿食，入口更滑味道更上一層☺️🍴燒鮮雞腿肉串💰HK$38✨推薦指數：8/10呢款同上一款係兩種感覺，雞腿肉非常嫩滑多汁，外皮燒得脆口薄身，唔會好油膩😆🍴燒雞腎串💰HK$28✨推薦指數：8.5/10呢度係雞腎唔係平時急凍個啲，而係用新鮮雞腎燒，所以食落更彈牙，好食🤩🍴燒黑豚露荀串💰HK$28✨推薦指數：8/10薄薄嘅黑豚肉包住多汁嘅露荀，中和咗豚肉嘅油膩感，果然係唔會輸嘅配搭😆🍴燒雞軟骨串💰HK$22✨推薦指數：7/10雞軟骨燒得好惹味，唔錯！🍴老陳戚風蛋糕配雪糕💰HK$78✨推薦指數：9/10老陳出哂名係元朗名物，呢度竟然有超開心🥰呢款係老陳嘅士多啤梨味戚風蛋糕配上兩球日本牛乳雪糕，仲有士多啤梨🍓雪芭，超級豐富🤩老陳嘅蛋糕真係超鬆軟😆而且帶有濃濃嘅士多啤梨香味，📸❤️牛乳雪糕口感香濃幼滑😆士多啤梨雪芭就偏酸少少，中和返雪糕嘅甜，夏日必嗌🥰

同朋友去完日本旅行番黎🎎🎏大家都吾夠喉，今日再黎依間高質又有日本風既天澗居酒屋回味一下，上次食過午餐已經覺得好正😋🧈江戶前玉子燒$49淡淡魚香味軟綿綿，用左蝦同魚蓉完全無麵粉制作既烤焗玉子燒😍大人細佬都喜愛七色彩虹卷$128🌈色彩繽紛，食慾大增，每件有三文魚子做點綴，夾有牛油果，每一款都有唔同既魚味🐟🐟🐟北海道精選刺身$528有帶子，拖羅，海膽，白蝦活北寄貝， 上盤精緻非常新鮮，甜美😋 雲丹天婦羅小卷$98🍤紫菜包住海膽，飯同紫蘇葉炸成天婦羅，再配咖哩海鹽很特別海膽汁燒廣島蠔$98🦪煎香嘅廣島蠔再配特製嘅海膽汁，配菠菜香烤鵝肝配多士$108🥢看似簡單嘅一道菜，要食到油脂甘香，入口溶化既鵝肝吾易，所以呢度菜係限定版🥢石鍋鰻魚飯$148石鍋保存鮮味配特製鰻魚醬汁，鰻魚爽口，仲有我最鍾意食既飯焦沖繩苦瓜炒豚肉$88🍳日本苦瓜炒蛋豚肉，苦瓜一D都唔苦，帶有甘香，清淡得來很健康🌟35ML威士忌幾百蚊好抵飲，有特別版🤭唔捨得買珍藏可以係依度飲🌟可以預訂Omakase

天澗居酒屋餐單提供日本菜, 居酒屋等推介美食位於元朗區，餐廳座位數43人均消費約$201-400，結賬可以用Visa,Master,AlipayHK,現金,八達通,銀聯,微信支付，Booking訂位可以電話致電 34871160(Whatsapp) 查詢。

您對於元朗餐廳「天澗居酒屋」有何 comment？

天澗居酒屋餐廳詳細資料：

• 天澗居酒屋地址:
  元朗教育路79&81號地舖
  Tian Jian IZAKAYA, G/ F,79&81 Kau Yuk Road, Yuen Long
• 天澗居酒屋電話: 34871160(Whatsapp)
• 天澗居酒屋價錢: $201-400
• 分類: 日本菜, 居酒屋
• 座位: 43
• 付款: Visa,Master,AlipayHK,現金,八達通,銀聯,微信支付
• FB專頁: 天澗居酒屋 Facebook

更多天澗居酒屋相關資料:

• 天澗居酒屋分店
• Youtube
• Facebook
• Twitter
• Google