天天川菜 元朗
最後更新:
天天川菜推介
岩岩畢業返黎香港，前幾日同舊同學屋企人聚會，佢地話天天川菜辣野幾好食, 我:你地識左我咁耐，應該知我唔係好食得辣野個喎! 佢地:有唔辣既菜架，同埋有得揀唔咁辣架嘛, 試下食啦，好好味架。我:咁好啦!我都好耐無食中國菜。一去到睇到門面裝修幾唔錯, 呢間餐廳門口有播佢地上電視節目，又有雜誌介紹，菜式睇落幾吸引。職員安排我地7人坐一張大枱，係餐廳最內一個半開放式的空間，仲有電視可以睇添!我地總共點左6道菜，佢地都好就我, 盡量叫返多少少唔太辣既菜。我地點左金沙黑豚肉、雞煲、水煮魚、辣子雞、豬油渣娃娃菜, 同埋我最愛既鴛鴦饅頭。我地一路傾計一路等，菜式都好快就上啦。首先係金沙黑豚肉同豬油渣娃娃菜，賣相相當唔錯!金沙黑豚肉 平時出面果D金沙可能會加好多蛋黃入去，有時口味好重，呢個可能唔係落左好多，又或者可能無落，但係就正合我口味! 調味岩岩好，肉質好鮮嫩，無雪味, 呢個打頭陣，非常好!豬油渣娃娃菜 豬油渣炸得夠透，好香脆，而且唔會膩口!同菜既微甜好夾，亦唔錯唔錯!再黎就係水煮魚 開始我最怕既辣味菜式(雖然已經叫左少辣)，一擺上枱, 我望住D辣椒香料好夠料。我同學同佢家人一見到就好興奮，好似急不及待咁。我望住盆魚:ER.... 得唔得架? 佢地:試下啦試下啦, OK架! 我:咁我就試少少先啦咦，又真係OK喎, 食落係少少麻麻地, 辣味都有, 但唔會話要噴火，所以我都接受到。之後我就夠膽食大舊D, 魚肉幾滑，雖然睇落好似落左好多佐料，但係魚本身既鮮甜味亦保留得到(尤其是我大啖D試既時候)，所以呢個都幾好!跟住辣子雞同雞煲都上埋啦!辣子雞 一擺落黎, 我心諗:又黎咁多辣椒既!!今次炒埋一齊, 會唔會入曬味架!咁我又試少少啦, 比起水煮魚,呢個的確係麻D, 辣度都可接受既, 雞味香濃, 雞骨都咬得落, 幾香脆添!整體黎講都幾OK!雞煲 雞煲其實成日暑假返黎都有朋友話去食, 我都食過好多唔同既雞煲，呢間絕對值得推介一下!雖然呢個雞煲都係屬於辣辣麻麻, 但係雞肉好新鮮, 好滑, 佐料同醬料入曬味, 非常惹味!!最後就係甜品啦! 真係極級耐冇食過既 鴛鴦饅頭 !! 而家其實唔係好多餐廳有炸饅頭食, 呢個堅有心思, 一次滿足兩種口味, 有蒸又有炸, 炸饅頭就非常正，由童年到而家都係我最喜愛之一，呢個炸得好好, 外脆內軟，諗返起都留口水!總括黎講, 今日都好滿足，菜式相當唔錯, 環境服務都好好, 一啲都唔迫, 同朋友聚舊坐得好舒服，下次我會帶其他朋友黎, 同埋試多D其他菜式。
元朗天天川菜
| 餐廳分店 | 天天川菜 |
|---|---|
| 地區 | 元朗 |
| 電話訂位 | 沒有電話提供 |
| 餐單 Menu | 港式, 川菜, 四川, 水煮菜式, 中菜館 |
| 人氣指數 | 826 |
| 價錢幾錢 | $101-200 |
天天川菜訂位位於元朗區，詳細地址是元朗馬田路50號朗景臺1座地下3-4號，餐廳寬敞座位數目共有90個。天天川菜幾錢？價錢優惠後人均消費大約$101-200埋單，早餐午餐晚餐天天川菜餐單包括有港式, 川菜, 四川, 水煮菜式, 中菜館等美食，付款方式有Visa,Master,現金付款。
天天川菜優惠
天天川菜 評價 相片
岩岩畢業返黎香港，前幾日同舊同學屋企人聚會，佢地話天天川菜辣野幾好食, 我:你地識左我咁耐，應該知我唔係好食得辣野個喎! 佢地:有唔辣既菜架，同埋有得揀唔咁辣架嘛, 試下食啦，好好味架。
我:咁好啦!我都好耐無食中國菜。
一去到睇到門面裝修幾唔錯, 呢間餐廳門口有播佢地上電視節目，又有雜誌介紹，菜式睇落幾吸引。
職員安排我地7人坐一張大枱，係餐廳最內一個半開放式的空間，仲有電視可以睇添!我地總共點左6道菜，佢地都好就我, 盡量叫返多少少唔太辣既菜。
我地點左金沙黑豚肉、雞煲、水煮魚、辣子雞、豬油渣娃娃菜, 同埋我最愛既鴛鴦饅頭。
我地一路傾計一路等，菜式都好快就上啦。
首先係金沙黑豚肉同豬油渣娃娃菜，賣相相當唔錯!金沙黑豚肉 平時出面果D金沙可能會加好多蛋黃入去，有時口味好重，呢個可能唔係落左好多，又或者可能無落，但係就正合我口味! 調味岩岩好，肉質好鮮嫩，無雪味, 呢個打頭陣，非常好!豬油渣娃娃菜 豬油渣炸得夠透，好香脆，而且唔會膩口!同菜既微甜好夾，亦唔錯唔錯!再黎就係水煮魚 開始我最怕既辣味菜式(雖然已經叫左少辣)，一擺上枱, 我望住D辣椒香料好夠料。
我同學同佢家人一見到就好興奮，好似急不及待咁。
我望住盆魚:ER.... 得唔得架? 佢地:試下啦試下啦, OK架! 我:咁我就試少少先啦咦，又真係OK喎, 食落係少少麻麻地, 辣味都有, 但唔會話要噴火，所以我都接受到。
之後我就夠膽食大舊D, 魚肉幾滑，雖然睇落好似落左好多佐料，但係魚本身既鮮甜味亦保留得到(尤其是我大啖D試既時候)，所以呢個都幾好!跟住辣子雞同雞煲都上埋啦!辣子雞 一擺落黎, 我心諗:又黎咁多辣椒既!!今次炒埋一齊, 會唔會入曬味架!咁我又試少少啦, 比起水煮魚,呢個的確係麻D, 辣度都可接受既, 雞味香濃, 雞骨都咬得落, 幾香脆添!整體黎講都幾OK!雞煲 雞煲其實成日暑假返黎都有朋友話去食, 我都食過好多唔同既雞煲，呢間絕對值得推介一下!雖然呢個雞煲都係屬於辣辣麻麻, 但係雞肉好新鮮, 好滑, 佐料同醬料入曬味, 非常惹味!!最後就係甜品啦! 真係極級耐冇食過既 鴛鴦饅頭 !! 而家其實唔係好多餐廳有炸饅頭食, 呢個堅有心思, 一次滿足兩種口味, 有蒸又有炸, 炸饅頭就非常正，由童年到而家都係我最喜愛之一，呢個炸得好好, 外脆內軟，諗返起都留口水!總括黎講, 今日都好滿足，菜式相當唔錯, 環境服務都好好, 一啲都唔迫, 同朋友聚舊坐得好舒服，下次我會帶其他朋友黎, 同埋試多D其他菜式。
呢晚約咗2位朋友仔食飯, 之前知道呢度開咗間川菜, 就決定一試~間野位置都幾偏僻, 因為之前無黎過, 所以同朋友都搵咗一陣先搵到…店員安排坐位之後, 就遞上超大本menu, 哈哈!暫時感覺良好, 店員有禮, 坐位舒服…睇圖永遠都係最吸引既, 但係人數唔多, 所以唯有決擇!!最後揀咗:1/ 水煮魚 (大)2/ 干煸土豆絲3/ 虎皮尖椒4/ 爆炸蟹 (可惜呢日無蟹)所以就改成…4/ 泡椒田雞5/ 干煸肥腸落完單, 就邊傾邊等食.. 大約等咗 1015 分鐘就有得食啦..先上枱既係: 水煮魚哇!! 超級大….個盆!! 裡面都有好多料 (辣椒, 香料, 魚片, 青瓜, 寬薯粉, 大豆芽…), 係滿滿既一盆~ 魚肉大片嫩滑無骨, 薯粉軟淋入味, 大豆芽青瓜新鮮爽口!!然後就係: 干煸土豆絲係一堆切得好幼既薯仔絲, 然後炸脆, 不過一D都唔油膩, 感覺好似食緊薯條咁… 不過調味 (椒鹽/淮鹽) 過重, 用黎佐酒還可以, 如果就咁食就真係太咸啦~之後就係: 泡椒田雞泡椒!? 印象中泡椒應該係幾辣既椒 (e.g.: 泡椒鳳瓜), 但係點解… 呢個泡椒田雞, 可以一D辣味都無既!? 而且, 佢個汁都怪怪的…似番茄…….至於田雞, 初初果幾舊都無咩, 不過食食下就好似有陣…怪怪的味道……!!再然後係: 干煸肥腸肥腸係深棕(近黑)色, 我估應該係鹵過, 然後炸~ 豬腸油脂已清, 炸得微脆, 味道無咩特別, 都係一個唔辣既餸, 而且份量較少, 反而伴炒既大豆芽就多, 唔抵食!!最後就係: 虎皮尖椒賣相完全唔吸引, 加上杰杰既蒜蓉豆豉茨汁, 唔辣又極軟淋既尖椒…失望!!由於干煸土豆絲太咸既關係, 朋友仔就決定order支啤酒黎解一解, 望下隔離枱… 飲緊大藍妹~然後, 有故事就開始啦….朋友仔問店員: 想問有咩啤酒呀?店員: 藍妹, 青島… 都有朋友仔: 哦, 咁藍妹幾錢呀?店員: $16朋友仔: (咦!?) 咁青島呢?店員: $23朋友仔: 下!? 咁得意!? 藍妹 $16 係大支裝定細支裝呀?店員: 藍妹係大支裝, 青島係細支裝朋友仔: (有疑惑) 藍妹大支裝係 $16 呀?!店員: 係呀所以, 朋友仔當然揀咗藍妹啦!!之後我地都唔多相信, 所以再拎個 drink list 黎望下, 又真係寫住藍妹 $16 喎!!我地就估: 可能佢地新開酬賓之類啦~然後, 開開心心邊飲邊食, 都相安無事, 直到埋單……………………………………就發現幾條古怪數:藍妹 $16藍妹(L) $32藍妹 $16所以, 我地就發問…朋友仔: 咦! 我地叫咗1支藍妹咋喎, 點解咁多條數既?!店員: 我幫你 check check 先...店員: 哦, 啱架, 呢度係計咗一支藍妹, 上面果個$16, 響下面減返朋友仔: 咦! 咁都唔啱喎, 藍妹係$16呀嘛, 但係張單係$32既?!店員: 無錯架, 你果支係大藍妹呀嘛朋友仔: 下!? 頭先你地另一個店員同我講大藍妹係$16喎店員: 唔係~ $16係細藍妹朋友仔: 但係真係你個同事同我地講$16係大藍妹喎店員: 唔係~ $16係細藍妹店員一直只係理所當然咁keep住答我地呢句, 但係全無抱歉或者悔意, 補償就更加唔使止意!講真! 我地介意既根本唔係果幾蚊, 而係你地重唔重視客人既態度!我地明白人總有錯, 就當真係店員記錯咗/講錯咗, 但係事實好明顯就係錯響你地果邊, drink list 又無寫明大定細, 只有一個價錢, 店員又係同我地講同一個價錢, 但係而家埋單你先同我地講唔係!? 仲要好似自己無錯咁!!? 即係咩意思?! 意思係你地無問題, 問題響個客度???!當然, 我地唔係潑婦罵街既人, 所以就當自己唔好彩...錢照比!不過我地一致覺得, 呢幾蚊就當豪比你!! 但係我地以後都唔會再黎!!!!!生意……..唔應該係咁做的!!!
今日4個人去食晚餐，因為係星期二，唔算多人。
舖內座位闊落，坐得舒服。
因為唔算多人，所以菜黎得好快，依度都有幾多小菜，辣唔辣都有得選擇，食物都有質素，遲d會再黎食
今日約好三個朋友，試下依間位於馬田路既川菜館，到步既時候，招牌夠大，好易搵，我到步既時間大約晚上八點半，店內只有一枱客，所以馬上有位。
入座後店員碼上放低前菜同斟茶，今次我無簡過食咩，全部朋友話事，朋友點左招牌菜：音樂口水雞例牌，仲有回鍋肉，手撕包菜，泡椒鱔片。
食物未到，先試前菜應該係紅油青瓜一類，咬落去青瓜算爽，我個人覺得凍食會比較過癮，依個唔凍，而且無味大約五分鐘，店員先上手撕包菜同回鍋肉。
因為食野準則應該由淡到咸，所以先食手撕包菜，依個菜係揶菜，川椒，蒜蓉，豬肉🐷炒埋一碟，入口非常香口，有小小辣，食落好過隱之後食回鍋肉，青椒，紅椒，川椒，豬肉🐷，都係炒埋一碟，青椒，紅椒都唔算辣，可以食落口，其餘都無特別。
之後上左個有田雞🐸既菜上黎？，我問佢：係唔係泡椒田雞，我要泡椒鱔片。
侍應好快攞走幫我換，都認落錯單，唔似一般餐廳死話無落錯單或死推你要左個菜，服務抵讃。
泡菜鱔片好快到步，可惜我地都唔識欣賞，鱔肉好小，可以係相入面睇唔到咁小，而且成個菜，西芹，川椒，泡椒，薑，鱔，都只係得個酸味，唔識欣賞。
最後係口水雞，食落唔滑，刀功差（有一舊三合一，斬唔斷），唯一係個紅油汁幾好，夠麻夠辣夠刺激，全個菜又係無突別。
最後埋單，多謝四百四十幾，總括黎講，以上食既，我覺得好普通，甚至比大排檔差，只係坐得舒服小小，價錢黎講，食四個小菜，無叫汽水，一百一十幾一個人頭，我唔認為抵食，服務質素，可能電視播緊西遊記既關係，所以由入座時「非常滿意」變左做「無人在意」，失望既一餐
聽同事介紹元朗天天川菜幾好食，呢日我就同家姐姐夫揸車黎到呢間天天川菜試一試。
坐低打開本Menu(本Menu都幾靚)... 都好多川菜菜式，有辣有唔辣~未叫野食之前，就黎左一小碟既前菜 → 川式蓮藕...小小辣~又幾入味~唔錯唔錯...o係我同家姐食緊果碟蓮藕之際，姐夫已經點左 「青椒皮蛋、松子糖醋桂魚、豬油渣娃娃菜、炸子音樂雞、水煮田雞」(當時心諗：我地得三個人...點食得晒喎)好快就已經上菜，樣樣既賣相都唔錯~炸子音樂雞好岩送酒！對我黎講辣度同埋麻度岩岩好~雞粒乾身大小適中，雞皮脆卜卜好香口，連骨頭都脆卜卜，就算炸到咁脆，依然仲好有雞味，音樂雞果然名不虛傳！水煮田雞，好足料呀~^^有田雞，青瓜，粗薯粉，芽菜...等等，撈極都有野食！胃口大既人必食！糖醋桂魚 → 嘩！賣相一流真係一流！一睇條魚，就覺得師傅好有Heart~骨都起埋，條魚好似D魷魚咁介晒花，再拎去炸，再o係上面淋上糖醋汁，好適合我呢D懶人食，可以一舊舊咁夾起，外脆內軟，不過真係要襯熱食。
至於豬油渣娃娃菜，因為我未試過食過豬油渣既關係...所以o係我心目中豬油渣係好肥既野，但試過後發覺原來豬油渣咁香脆~ 樣樣都令我好驚喜，最後青椒皮蛋...可能本身皮蛋質量一般~無論配料幾好食都好，都係比較遜色~但整體黎講，我地非常滿足！(我意想唔到既我地竟然可以清枱！Woo~除左個皮蛋.....)侍應仲問我地有無揸車黎...滿$500可以有免2小時泊車優惠~ 果然照顧到唔同客人既需要！比個Good你
天天川菜餐單提供港式, 川菜, 四川, 水煮菜式, 中菜館等推介美食位於元朗區，餐廳座位數90人均消費約$101-200，結賬可以用Visa,Master,現金。
您對於元朗餐廳「天天川菜」有何 comment？
天天川菜餐廳詳細資料：
- 天天川菜地址: 元朗馬田路50號朗景臺1座地下3-4號 Everyday Catering, Shop3-4, G/ F., Crystal Park Block1,50 Ma Tin Road, Yuen Long
- 天天川菜電話:
- 天天川菜價錢: $101-200
- 分類: 港式, 川菜, 四川, 水煮菜式, 中菜館
- 座位: 90
- 付款: Visa,Master,現金
- FB專頁: 天天川菜 Facebook
更多天天川菜相關資料:
香港餐廳2026推介8月