包哥火鍋 元朗

包哥火鍋 評價 相片

最初我地見無咩人就入咗呢間食店。

入座又唔講係限時兩個鐘，又唔講飲品係邊到拎，我地傻下傻下等咗陣，到我地問先講。

好喇，等咗十幾廿分鐘先上雞煲，食完之後又等，等轉煲打邊爐。

前後我地只係叫咗一次嘢食，只係一次！上又上得慢，個煲又煲極唔滾。

過多半個鐘到，就有個侍應走黎話我地得返三個字食。

我地呆哂，話我地入座前都無講，佢無理我地就走開。

無計喇，唯有快食喇。

再過多陣，有個侍應走黎話要我地賣單，咁我地照埋喇，諗住食埋枱上啲嘢就走，點知一俾咗錢佢就即刻現真身！佢話要即刻執嘢！！！嗰下我隻手仲揸住筷子！！我老公話「即係趕我地而家走？可唔可以俾我地食埋枱上啲嘢先呢？你地之前又無講係限時。

」個侍應態度勁差話「貼咗係門口，係你地唔睇！」我地話「真係無睇到，店入面只係寫任食任食。

」個侍應仲勁大聲，直情係鬧我地「你地唔睇，貼係邊都無用！而家係你地唔啱！食到過哂時都唔走！」唔講唔知，以為我地係乞丐。

嗰服務態度真係世界級！！！唔識字真係唔好入去食我明點解無乜客無客都要鬧你走

之前食過一次都味道算ok 所以都再食多次點知今次中哂伏 雞煲黎勁攻鼻 一食落去差唔多全煲都係酒味 直頭勁到食唔到叫待應換過煲 佢同我講佢地d雞煲係咁嫁無得換 大佬我上次食唔係咁嫁波 我叫佢自己聞下咩味 佢話又係既 但都係唔換 咁即係點呢？差唔多$200一位 唔係話貴 但俾d食唔落口既野客人 仲要唔肯換 明顯係廚房出錯 最後我地直頭成煲唔要 店家態度不敢恭維其他火鍋料都好普通 而且店家衛生程度亦都好差$200左右大把選擇啦唔會再幫襯

9點去拎飛，一路叫d5位已上入去，2個人個d等好耐先入一次，等到10點幾先入到，坐低10分鐘先黎雞煲，食完等多10分鐘黎火鍋湯，11點先湯滾，食物先開始落去，都未開始食，d職員就話last order =_=# 我地先叫左一次野就last order, 好無奈，咁叫任食？跟住11:45話要收鋪，無五分鐘就熄燈趕人走，未試過打邊爐食到咁急，講120分鐘任食，跟本唔夠時間。

仲有會上漏野，叫20件俾幾件。

唔會再去食。

拉客話上雞煲先計2個鐘，埋單就唔係囉~ 雞煲等15分鐘，火鍋又要轉煲，又話雞煲未食曬，食完又等10分鐘~ 個煲仲要我自己開制~~ 個南瓜海鮮湯底就係流到無朋友~~ 肥牛就肥到死~~ 我好中肯，其他野食都ok既~~ 不過一定唔太夠時間，因為個爐虧虧地~~ 野飲就正正常常攞罐7喜百事之外其他都麻麻地~~ 最後，再俾個雀巢雪糕我食，唔洗啦，唔好扮高檔啦~~ 亦由於我第2轉單因為所謂2個鐘既時間關係加上員工效率關係變到好遲先上到菜，我只係食埋煲左好耐既2件粟米都俾先前個拉客個個員工擺個黑口爛面格~~ (其他員工係正常既) 就真係收左錢就唔同d呀啦~

聖誕節個個都係食西餐，今晚Boxing Day我就食個雞煲加打邊爐，夠特別呢！打邊爐有12款唔同的湯底，我就點左昆布味噌湯底了！5個人就點左一隻雞！雞肉都好入味，好濃！雞肉幾嫩滑，醬汁味唔會太咸，好味道！食食下雞的時候就叫埋打邊爐既湯底，一打開就好香味噌的味道，就咁飲的味道唔錯，但係之後加左配料落去之後味道就唔同左了。

肥牛質素OK，唔會太肥或者太乾身，大大片幾滿足羊肉片好食，羊蘇味好強烈，好岩我呢D鍾意食羊的人，岩哂口味。

好少地方打邊爐會有牛展肉食。

肉身比較硬，但係肉味幾濃，而且幾有口感，唔錯！以200蚊一個人頭去計，食物質素算不錯吧！

包哥火鍋餐單提供港式, 火鍋, 雞煲等推介美食位於元朗區，餐廳座位數80人均消費約$101-200，結賬可以用Visa,Master,現金,銀聯。

您對於元朗餐廳「包哥火鍋」有何 comment？

包哥火鍋餐廳詳細資料：

• 包哥火鍋地址:
  元朗西菁街富盛大廈3-4號地舖
  MR.BAO Restaurant, Flat S3-4, G/ F., Fu Shing Building,9 Sai Ching Street, Yuen Long
• 包哥火鍋電話:  
• 包哥火鍋價錢: $101-200
• 分類: 港式, 火鍋, 雞煲
• 座位: 80
• 付款: Visa,Master,現金,銀聯
• FB專頁: 包哥火鍋 Facebook

更多包哥火鍋相關資料:

• 包哥火鍋分店
• Youtube
• Facebook
• Twitter
• Google