勤記潮州食家 元朗

勤記潮州食家 評價 相片

搬左去近元朗廣場方向,7仔左邊過條馬路,永年側邊雖然間鋪應該細左D,同埋冇得再坐出面,佢地D野依然咁好食,冇分別,而且仲係有部電視睇我中學lunch果時成日都食佢地,所以專登食返以前食既野,串燒+肉燥飯+野飲果個套餐,睇下同以前有冇分別。

串燒依然咁好食,佢地D肉燥依家肉粒大粒左,同埋冇咁稀。

,而野飲再唔係紙包野飲黎,係另外用杯沖既野飲,我飲既係凍檸檬茶,都幾好飲。

我得閒再去元朗都會再去食佢,因為又平又好食。

早一兩年前幫襯過 , 果時仲未打通兩間鋪位 , 以前坐出面叫下小食 , 尤其燒秋刀魚 , 幾大條下到依家都係HK$8 一條 , 確實係抵食 , 沾埋佢酸辣醬汁 , 都幾惹味幾過癮。

今晚同【肥豪】兩條友 , 八點零到黎入內堂食 ,入到去有兩個極似兩兄弟老闆 , 以前好似未見過佢地 ,因為以前得一間鋪時 , 都係見幾位阿姐主理 , 可能兩兄弟都係其中一位阿姐既仔啦 !?坐低水都冇杯招呼 , 睇勻全場原來全部客都冇茶水招呼 , 因為我要準時食藥關係 , 而且又唔想飲咁多汽水 , 始終糖份多冇益。

但如果一間食肆冇清茶及滾水招呼 , 我就覺得呢一樣極需要改善。

我焗住出聲要求兩杯滾水 , 年輕老闆都應我要求 , 即刻俾兩杯滾水我地。

我 ORDER 食物叫左【燒秋刀魚二條 + 滷味拼盤 + 蠔油菜芯 + 花鵰醉雞 + 滷肉油麵 / 生麵各一碗】。

燒秋刀魚二條=HK$16 , 幾大條下味道 ok , 凍肉鋪三條冇咁大條都要18元左右 , 即係佢都冇乜點賺啦呢味 , 可能旨在拉客及箍客用意多。

滷水拼盤HK$48 , 有【雞蛋 + 豬腩肉片 + 豬耳 + 豬腸 + 雞腎 + 豆腐】, 滷水味好淡食唔出有滷水材料味 , 豉油糖味都極少 , 相信樽裝豉油汁 , 或樽裝滷水汁浸既味仲會更濃郁美味 , 唔掂。

蠔油菜芯 HK$10 , 呢碟油菜都 OK , 不過油份比較多 ,OK 。

花鵰醉雞HK$28 , 唔使講一定係冰鮮雞 , 花鵰酒味幾香 , 但雞件唔夠滑 , 不過咁既價錢食到醉雞 , 都算幾抵呀! 要求唔可以咁高啦係咪!滷肉生麵一碗 / 油麵一碗 = HK$20 , 滷肉係玻璃生粉茨開既肉碎 , 冇咩特別味道 , 碗粉麵份量一般 , HK$10 一碗 OK 可接受啦。

慢慢食慢慢傾下偈 , 睇下電視劇集 , 坐左近兩個鐘 , 【肥豪】埋單佢話大約一佰廿元左右 , 價錢算平但味道確一般。

地方乾凈企理 , 現場好多街坊熟客幫襯 , 又有好多年輕情侶食火鍋 , 見佢火鍋賣相都幾吸引 , 下次都去試下先。

今次黎打邊爐,但睇門面真係估唔到係有邊爐打,因為佢個樣好茶記今次我地嗌左個皮蛋莞茜湯底,原來係有栗米,仲OK甜TIM咁D丸我覺得八爪魚丸幾好食喎,其實佢D丸係幾彈牙,芝士腸都香芝士味不過條秋刀魚就真係好味喇,又冇咩話苦,我第一次食秋刀魚,哇條魚苦既,今次係食晒成條都冇話苦既仲有個雞件,都唔係好多碎骨同埋佢有菊花茶賣,我嗌左一支,又幾夠甜喎,岩岩好,正!

呢間舖真係以小吃為主，媽咪帶我哋去一間叫勤記小食嘅舖仔食飯，呢間舖真係以小吃為主，有生菜魚肉、碗仔翅、燒賣、串燒等等，最出名係醉蝦&醉雞，仲有白灼螄蚶&白灼釘螺，十幾蚊一份，好抵食！

勤記潮州食家餐單提供潮州菜, 火鍋, 中菜館等推介美食位於元朗區，餐廳座位數30人均消費約$50以下，結賬可以用現金，Booking訂位可以電話致電 94654423 查詢。

您對於元朗餐廳「勤記潮州食家」有何 comment？

勤記潮州食家餐廳詳細資料：

• 勤記潮州食家地址:
  元朗馬田路怡豐花園4-5號
  勤記潮州食家, 4-5 Yee Fung Garden, Ma Tin Road, Yuen Long
• 勤記潮州食家電話: 94654423
• 勤記潮州食家價錢: $50以下
• 分類: 潮州菜, 火鍋, 中菜館
• 座位: 30
• 付款: 現金
• FB專頁: 勤記潮州食家 Facebook

更多勤記潮州食家相關資料:

• 勤記潮州食家分店
• Youtube
• Facebook
• Twitter
• Google